ايتۆ جۇقتىرعاندار ەرەكشە قولداۋعا يە بولادى

يۋنيسەف ەڭبەك جانە حالىقتى الەۋ­مەت­تىك قورعاۋ مينيسترلىگىمەن بىرلە­سىپ 2019-2021 جىلدارعا ارنالعان «قا­زاق­س­تاندا ايتۆ جۇقتىرعان بالالار مەن جاس­وسپىرىمدەردى جانە ولاردىڭ اتا-انا­لارىن پسيحولوگيالىق-الەۋمەتتىك قول­داۋ مەن بەيىمدەلۋىن دامىتۋ» بىر­لەس­كەن باعدارلاماسىن جۇزەگە اسىرۋدا. باع­دار­لاما ايتۆ جۇقتىرعان بالالار مەن جاسوسپىرىمدەردى جانە ولاردىڭ اتا-انالارىن, قامقورشىلارىن پسيحو-الەۋمەتتىك قولداۋ ماسەلەلەرى بويىنشا الەۋەتىن دامىتۋ جۇمىستارى قولعا الىنعان.

«قازاقستان دەنساۋلىق ساقتاۋ سالاسىن­دا ايتارلىقتاي ناتيجەلەرگە قول جەتكىزدى. بالالار دەنساۋلىعىنا باي­لا­نىستى دا جەتىستىكتەر از ەمەس. دەن­ساۋ­لىق – تەك فيزيكالىق جاعداي عانا ەمەس, پسيحيكالىق كۇيدى دە قامتيدى. گەپاتيت, تۋبەركۋلەز, ايتۆ جانە ديابەت سياق­تى سوزىلمالى اۋرۋ­لار ۇلكەندەردىڭ وزىنە وڭايعا سوقپايدى. ال مۇنداي دەرت­تەرگە شالدىققان بالالار ەرەكشە قول­داۋعا مۇقتاج جانە بۇل ءۇشىن كەشەن­دى تۇردە جۇمىس ىستەۋ قاجەت. ءبىز وسى باعىتتاعى جۇمىستى ەڭبەك جانە حالىقتى الەۋمەتتىك قورعاۋ, دەنساۋلىق ساق­تاۋ مينيسترلىكتەرىمەن بىرگە جۇزەگە اسىرىپ جاتقانىمىزعا قۋانىشتىمىز», دەدى يۋنيسەف-ءتىڭ قازاقستانداعى وكىلى ارتۋر ۆان ديزەن.

مامانداردىڭ ايتۋىنشا, سوڭعى جىلدارى قازاقستاندا ايتۆ جۇقتىرۋ جانە انا­دان بالاعا ينفەكتسيانىڭ بەرىلۋى تو­مەن­دەگەن. بۇگىندە ايتۆ-ءنىڭ وڭ مارتەبەسىمەن 531 بالا مەن ءجاسوسپىرىم تىركەلگەن. «قازاقستاندا ايتۆ جۇق­تىر­عان بالالار مەن جاسوسپىرىمدەرگە ەم قابىلداۋ, قاۋىپسىز ءجۇرىس-تۇرىس تۋرالى ءبىلىمدى جوعارىلاتۋ جانە ومىرلىك داعدىلاردى دامىتۋ وزەكتى ماسەلە بولىپ قالۋدا. سوندىقتان ادامدار ارا­سىندا ايتۆ تۋرالى الىپقاشپا اقپا­راتتى ازايتىپ, قورقىنىشتى سەيىل­تۋىمىز كەرەك», دەدى يۋنيسەف باعدار­لا­ما­سىنىڭ دەنساۋلىق ساقتاۋ جانە تاماق­تا­نۋ جونىندەگى ۇيلەستىرۋشىسى قانات سۋحانبەرديەۆ.

سونداي-اق باسقوسۋعا قاراعاندى مەديتسينا ۋنيۆەرسيتەتى, وبلىستىق جيتس ورتالىقتارى, قازاق دەرماتولوگيا جانە جۇقپالى اۋرۋلار عىلىمي ورتالىعى جانە ۇكىمەتتىك ەمەس ۇيىمداردىڭ وكىلدەرى قاتىستى. كەڭەس قورىتىندىسى بويىنشا وقۋ ورىندارىنىڭ باعدارلامالارىنا ءمودۋلدى ەنگىزۋ جوسپارى ازىرلەندى. مودۋل دارىگەرلەردى, پسيحولوگتار مەن الەۋمەتتىك قىزمەتكەرلەردى سوزىلمالى اۋرۋلارمەن اۋىراتىن بالالارمەن جانە جاسوسپىرىمدەرمەن ساپالى جاڭا دەڭگەيدە جۇمىس ىستەۋگە دايارلايدى.

ء«بىز بۇل ءمودۋلدىڭ ايتۆ جۇقتىرعان بالالارمەن عانا ەمەس, سونىمەن قاتار باسقا دا سوزىلمالى اۋرۋلارمەن جۇمىس ىستەۋ ساپاسىن جاقسارتۋ ءۇشىن مەديتسينا قىزمەتكەرلەرىن دايارلايتىن جوعارى وقۋ ورنىنا دەيىن جانە جوعارى وقۋ ورنىنان كەيىنگى ءبىلىم بەرۋ باعدارلامالارىنا ەنگىزەمىز دەپ ۇمىتتەنەمىز», دەدى قازاق دەرماتولوگيا جانە ينفەكتسيالىق اۋرۋلار عىلىمي ورتالىعىنىڭ ديرەكتورى باۋىرجان بايسەركين.