ءا. قاستەەۆ اتىنداعى قر مەملەكەتتىك ونەر مۋزەيىندە «ينەمەن جازىلعان كەسكىندەمە» كورمەسى ءوءتتى.
كورمە كۋراتورى وكسانا تانسكايانىڭ ايتۋىنشا, «ينەمەن جازىلعان كەسكىندەمە» گۇلميرا سادىقوۆانىڭ ءبىرىنشى كورمەسىنىڭ اتاۋى عانا ەمەس, ونىڭ شىعارماشىلىعىنىڭ ءمانى. ەگەر دە كەسكىندەمەشىلەر وزدەرىنىڭ تۋىندىلارىنا كومپوزيتسيا قۇراردا, سۋرەت جوسپارلاپ, كەنەپكە قىلقالامىن جاقىنداتىپ, تۇستىك اكتسەنتتەرىن قوياتىن بولسا, ىسمەر-كەستەشىنىڭ قولىنداعى ينە – قىلقالامنىڭ, ال ماتا – كەنەپتىڭ ءرولىن اتقارادى. ول سۋرەتتى ينەمەن عاجاپ ەتىپ سالادى, سۋرەتشى ءۇشىن ءاربىر ءجىپ ارالىعى كەسكىندەمەنىڭ جاعىندىسىنا تەڭ.
شەبەر شىعارمانىڭ الەۋەتىن اناعۇرلىم اشا ءتۇسۋ ءۇشىن باسپا كەستە تەحنيكاسىن ءتاۋىر سانايدى. بۇل تەحنيكا شەبەردىڭ ىنتاسىمەن جانە ءومىر ىرعاعىمەنۇيلەسىم تاپقان. ينەنى شەبەر يگەرگەن گۇلميرا تۇرسىنقىزى قىلقالاممەن جازاتىن اسقان شەبەرىسپەتتى. كەيدە جىپتەرى كەنەپ بەتىندە ەركىن جاتقان بوياۋ جاعىندىلارى سياقتى ءوز ورنىن تابا قالادى. كەيدە, شوقتالىپ جينالىپ, كىلەم تەحنيكاسىنا ىڭعايلانىپ, پاستوزدىق كەسكىندەمەگە دە ۇقساپ كەتەدى. تۇيمە, پايەتكا, تەڭگە, مونشاق, مايدا مونشا, توقىما, تابيعي ەلەمەنتتەر سياقتى دەكوراتيۆتىك ەلەمەنتتەردى پايدالانىپ, اۆتورلىق كەستە كولەمدى كەسكىندەمەنىڭ بەلگىلەرىنە يە بولادى. گۇلميرا تۇرسىنقىزىنىڭ ءاربىر كارتيناسىنىڭ سيۋجەتتەن بولىنبەيتىندەي جەكە شىعۋ تاريحى بار, وسى حيكايامەن جاڭا تانىسقان كورەرمەن شەبەردىڭ يدياسىنىڭ مانىنە بارىنشا تولىقتاي ەنە الادى.
سۋرەتشىنىڭ ينتەراكتيۆتى دەپ اتاۋعا بولاتىن تولىقتاي جاۋاپكەرشىلىگى بار مۇنداي جۇمىستارى كورەرمەننىڭ جۇرەگىنەن ەرەكشە ورىن الدى.
گۇلميرا سادىقوۆانىڭ شىعارماشىلىعىندا كەيدەيسوقتىق نارسە كەزدەسپەيدى. اۆتور ەنگىزگەن كەز كەلگەن سيمۆول, تاڭبا, زات, يشارا, اللەگوريا – سانالى ءارى نانىمدى تۇردە قوسىلادى. «گۇلميرا تۇرسىنقىزىنىڭ «ينەمەن جازىلعان كەسكىندەمەسىندە» دە شەبەردىڭ ومىرلىك فيلوسوفياسىنىڭ ءمانى جاتىر.
الماتى
