سۋرەتتى تۇسىرگەن: ۆالەري بۋگاەۆ
فرونت-وفيس پەن open space فورماتىندا جۇمىس ىستەيتىن ورتالىقتا تۇرعىندارعا بارلىق جاعداي جاسالعان. ارنايى كابينەتتەردە ماماندار شاعىم ايتىپ كەلۋشىلەردىڭ سۇراقتارىنا جاۋاپ بەرەدى.
سونداي-اق, «ەرتىس - ادالدىق الاڭى» فرونت-ءوفيسى دە وسى جەردە ورنالاسقان.
-ەلباسى تاپسىرماسى بويىنشا «ەرتىس - ادالدىق الاڭى» جوبالىق ءوفيسى 2018 جىلدىڭ جەلتوقسانىندا اشىلدى. ناتيجەسىندە مەملەكەتتىك ورگاندار وڭتايلاندىرىلۋدا, فرونت-وفيستەر اشىلىپ, تۇرعىنداردىڭ ءوتىنىش, شاعىمدارىمەن جۇمىس جاسالۋدا. مەملەكەت باسشىسىنىڭ جولداۋىندا ايتىلعان «حالىق ۇنىنە قۇلاق اساتىن مەملەكەت» تۇجىرىمداماسى ىسكە اسىرىلۋدا.ءوڭىردىڭ قالالارى مەن اۋداندارىندا فرونت-وفيستەر جۇمىس ىستەۋدە,-دەدى وبلىس اكىمى بولات باقاۋوۆ ورتالىقتىڭ اشىلۋىندا.
سىبايلاس جەمقورلىق-قوعام دەرتى, قازىر قوعام سۇرانىسىنا ساي جىلدام ارەكەت ەتۋ قاجەت. سوندىقتان,قاشاندا شۇعىل ارەكەت ەتۋگە دايىنبىز,-دەيدى جەمقورلىققا قارسى قارسى قىزمەت وكىلدەرى. سەرۆيس-ورتالىقتا ءبىر جەردە شوعىرلانعان قىزمەت تۇرلەرى جەرگىلىكتى بيلىك ورىندارىمەن مەن حالىق اراسىنداعى تىكەلەي بايلانىستىرماق. ال, Antikor Ortalygy-نا كەلگەن تۇرعىندارعاEGOV پورتالى ارقىلى اقپارات الۋعا دا مۇمكىندىك بار.
بۇل جەردە «ازاماتتارعا قىزمەت كورسەتۋ ورتالىعىنىڭ» ارنايى تەرمينالى ورنالاسقان. بۇدان بولەك, «بالالار بۇرىشى» دا قاراستىرىلعان.
