كاير سوتىنىڭ شەشىمىمەن مۋحاممەد مۋرسي 15 تاۋلىككە قامالدى. وعان تىڭشىلىق جاسادى, حاماس قوزعالىسىمەن بايلانىستا بولدى دەگەن ايىپ تاعىلىپ وتىر. بۇل تۋرالى يتار-تاسس حابارلادى.
ەل باسقارۋ قىزمەتىنەن شەتتەتىلگەن ەكس-پرەزيدەنت قىزى شايما مۋرسي اكەسىنە تاعىلعان ايىپتاردىڭ نەگىزسىز ەكەنىن العا تارتىپ, سوتقا شاعىم تۇسىرەتىنىن ءمالىم ەتتى. «ءبىز اكەمىزگە تاعىلعان ايىپتاردى جوققا شىعارامىز. ونى تاقتان تايدىرۋ ءۇشىن ادەيى اسكەري توڭكەرىس جاسالدى», - دەيدى ول.
ازىرگە مىسىر ەلىن ءادلي مانسۋر باسقارىپ وتىر. ول جاقىن ارادا پارلامەنتتىڭ جوعارى پالاتاسىن تاراتاتىنىن اتاپ ءوتتى. وسى ارقىلى كونستيتۋتسيا جارعىسىن قابىلداۋعا بەكىنىپتى.
كەيبىر اقپارات كوزدەرىندەگى دەرەككە جۇگىنسەك, مۋحاممەد مۋرسي قامالعاننان كەيىن, «مۇسىلمان باۋىرلار» قوزعالىسىنىڭ 300 بەلسەندى مۇشەسىن قاماۋعا شەشىم شىعارىلعان كورىنەدى. بىراق, ولاردىڭ بارلىعى بولماسا دا, مۋحاممەد بادي مەن ونىڭ ەكى ورىنباسارى قولعا تۇسكەن.
دانيار تۇيمەباي.
