«قازىرگى كەزدە ساياسي پارتيانى تىركەۋ ءۇشىن ونىڭ كەم دەگەندە 40 مىڭ مۇشەسى بولۋى قاجەت. بۇل نورما ۇزاق ۋاقىتتان بەرى ساقتالىپ كەلەدى. ەندى جاڭا ساياسي جاعدايدا, ءبىر جاعىنان ازاماتتاردىڭ تالاپ-تىلەكتەرىنە, ەكىنشى جاعىنان ىقتيمال تاۋەكەلدەرگە لايىقتى ءۇن قاتۋىمىز كەرەك. ءبىزدىڭ قوعام پارتيا قۇرىلىسىنىڭ جاڭا ساپالىق كەزەڭىنە وتەتىندەي دارەجەگە جەتتى», دەدى پرەزيدەنت.
سونداي-اق مەملەكەت باسشىسى تىركەۋ ءۇشىن پارتيا مۇشەلەرى سانىنىڭ تومەنگى شەگىن ەكى ەسەگە ازايتۋدى ۇسىندى.
«بۇل ايتارلىقتاي ماڭىزدى وزگەرىس. بۇل ازاماتتىق بەلسەندىلىكتى ارتتىرۋعا قوسىمشا مۇمكىندىك بەرەدى. جالپى, ءبىز پارتيالارعا جانە سايلاۋلارعا قاتىستى زاڭداردى بىرتە-بىرتە وزگەرتۋىمىز كەرەك», دەدى قاسىم-جومارت توقاەۆ.
