«قازىرگى جاستار – تاۋەلسىز قازاقستاندا تۋىپ-وسكەن العاشقى ۇرپاق, الەۋمەتتىك-ەكونوميكالىق جانە ساياسي وزگەرىستەر كەزىندە ەسەيگەن جاس بۋىن. سوندىقتان دا جاستاردىڭ قوعامدىق ومىرگە بارىنشا كىرىسۋى ءۇشىن جاعداي جاساۋ – مەملەكەتىمىزدىڭ ماڭىزدى مىندەتتەرىنىڭ ءبىرى بولىپ وتىر»,-دەدى ايماق باسشىسى.
قورعانىس ىستەرى جونىندەگى دەپارتامەنتىنىڭ باستىعى سەيىتكەرىم اراپباەۆتىڭ ايتۋىنشا وبلىستا اسكەري تىزىمدە 38 مىڭ ازامات تىركەلگەن. ونىڭ 18 مىڭى اسكەرگە بارۋعا جاتادى, ال 20 مىڭنىڭ قاتارىندا ءتۇرلى سەبەپتەرگە بايلانىستى اسكەرگە باراتىندار قاتارىنا جاتپايدى. وڭىردەن جىلىنا 2000 ازامات اسكەري بورىشىن وتەۋگە جىبەرىلەدى. سونداي-اق سەيىتكەرىم اراپباەۆ 18-27 جاس ارالىعىنداعى جاستار وتباسىلىق جاعدايىن, نەسيەلىك بەرەشەكتەرى بارىن ايتىپ اسكەرگە بارماۋدى سۇراناتىندىقتارىن ايتتى. وبلىس باسشىسى بۇل جاعدايدى الەۋمەتتىك پروبلەما رەتىندە قاراپ, وسى ماسەلەگە ءتيىستى تالداۋ جۇرگىزۋ قاجەتتىگىن تاپسىردى. ءپاتريوتيزمدى قالىپتاستىرۋ جانە جاستاردى اسكەري-پاتريوتتىق تاربيەلەۋ ماسەلەسى ارقاشان ماڭىزدى ەكەنىن ايتقان ءبىلىم باسقارماسىنىڭ باسشىسى ءلاززات ورازباەۆا بۇل باعىتتاعى جۇمىستار بارلىق ءبىلىم بەرۋ ۇيىمدارىندا ىسكە اسىرىلىپ وتىرعاندىعىن جەتكىزدى. وبلىستا اسكەري-پاتريوتتىق كلۋبتار سانى 387-ءنى قۇراسا, وندا 15 274 بالا قامتىلعان. 356-ى جالپى ءبىلىم بەرۋ, 31-ءى تەحنيكالىق جانە كاسىپتىك ءبىلىم بەرۋ ۇيىمدارىندا قۇرىلعان. 2019 جىلدىڭ 1 جەلتوقسانىنا دەيىن 29 جاسقا دەيىنگى 17682 جاس جۇمىسقا تۇرعان. بوس جۇمىس ورىندارىنا ورنالاسقان جاستاردىڭ سانى 9895-ءتى قۇرايدى. جاستار تاجىريبەسىنە 3261 ادام جولدانىپ, الەۋمەتتىك جۇمىس ورىندارىنا 527 جاس تۇلەك ورنالاستىرىلعان. «جاس كاسىپكەر» جوباسى بويىنشا 1120 ادام وقىتىلىپ, 314-نە گرانت, 2 ادامعا نەسيە بەرىلگەن.
ءوز ءىسىن اشۋ ءۇشىن 224 جاس شاعىن نەسيە العان. بۇگىنگى كۇنى ايماقتا 823-تەن استام بوس جۇمىس ورىندارىنىڭ بارى جونىندە جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ م.ا. بيبىگۇل بيسەنعاليەۆا مالىمدەدى.
«باستى ماقساتىمىز ول - جاستاردىڭ جۇمىسسىز جۇرمەۋىن قامتاماسىز ەتۋ, ولار مەملەكەت تاراپىنان كورسەتىلىپ جاتقان قامقورلىقتى سەزىنۋى ءتيىس. ەگەر جۇمىس تابىلماعان جاعدايدا كاسىپكەرلىكپەن اينالىسۋىنا جول اشۋ. ۇكىمەت وسى باعىتتا ءتۇرلى باعدارلامالار ەنگىزىپ, قاۋلىلار قابىلداۋدا»,-دەپ اتاپ ءوتتى وڭداسىن ورازالين.
جاستار ساياساتى ماسەلەلەرى باسقارماسىنىڭ باسشىسى مەيرامبەك ماحامبەتوۆ بيىلعى جىل اقتوبەلىك جاستار ءۇشىن وتە ءساتتى وتكەندىگىن ايتىپ ءوتتى. 2019 جىلى جاستار ساياساتىن جۇزەگە اسىرۋعا جەرگىلىكتى بيۋدجەتتەن 337 ملن 154 مىڭ تەڭگە بولىنگەن. 2019-2020 وقۋ جىلىنا جەرگىلىكتى بيۋدجەتتەن جاستارعا 100 گرانت جانە رەسپۋبليكالىق بيۋدجەت ەسەبىنەن كوپ بالالى جانە اتاۋلى الەۋمەتتىك كومەك الاتىن وتباسىلاردان شىققان بالالار ءۇشىن مەملەكەتتىك ءبىلىم بەرۋ تاپسىرىسى بويىنشا 180 ءبىلىم بەرۋ گرانتى بولىنگەن. سونداي-اق, وقۋ ۇلگەرىمى جوعارى, قوعامدىق جۇمىستارعا بەلسەندى ارالاسقان 177 ستۋدەنتكە وبلىس اكىمى وڭداسىن ءورازاليننىڭ قاۋلىسىمەن 80-160 مىڭ تەڭگە كولەمىندە ءبىر رەتتىك ستيپەنديا بەرىلگەن. «جاستار» جىلىنا وراي ولاردى باسپانامەن قامتۋ ماقساتىندا «جاستارعا قولجەتىمدى 150 پاتەر» باعدارلاماسى جۇزەگە اسىرىلىپ,100 جاس مامانعا, جاس وتباسىلارعا «نۇر سيتي» شاعىن اۋدانىنان 1 بولمەلى پاتەرلەردىڭ كىلتى تابىستالدى. سونداي-اق, «سنپس-اقتوبەمۇنايگاز» اق 14 ملن تەڭگە كولەمىندە العاشقى جارنا تولەۋ ارقىلى سالعان 29 جاسقا دەيىنگى اتا-انانىڭ قامقورلىعىنسىز قالعان جاستارعا 45 پاتەر بەرىلگەن.
جيىندى قورىتىندىلاعان وبلىس اكىمى جاستار ساياساتى ماسەلەلەرى جونىندەگى باسقارما باسشىسىنا قالا, اۋدان اكىمدەرىمەن, ءبىلىم, جۇمىسپەن قامتۋدى ۇيلەستىرۋ جانە الەۋمەتتىك باعدارلامالار, دەنساۋلىق, مادەنيەت باسقارمالارى مەن ەكولوگيا, پوليتسيا دەپارتامەنتتەرىمەن بىرلەسىپ «2020 جىل – ەرىكتىلەر جىلىن» وڭىردە جوعارى دەڭگەيدە وتكىزۋ ءۇشىن ناقتى جوسپار قۇرۋدى تاپسىردى.
باسقوسۋ سوڭىندا جاستار وي-پىكىرلەرى مەن ۇسىنىستارىن ايتتى. وبلىس اكىمى تاراپىنان كورسەتىلىپ جاتقان قامقورلىعى مەن قولداۋى ءۇشىن ءوڭىر باسشىسى وڭداسىن ورازالينگە العىستارىن جەتكىزدى. ايتىپ وتەيىك, اقتوبە وبلىسىندا 14-تەن 29 جاس ارالىعىندا 202 685 جاس بار, بۇل ءوڭىر حالقىنىڭ 23,3%-ىن قۇرايدى. ونىڭ ىشىندە 111 909 قالا جاستارى, 90 776 اۋىل جاستارى.
اقتوبە وبلىسى
