ايماقتار • 20 جەلتوقسان، 2019

شاعىن مەكتەپ شىرايى – كىتاپحانا

32 رەتكورسەتىلدى

شالعايداعى ساتى اۋىلىنىڭ 9 جىل­دىق مەكتەبىندە 52 وقۋشى عانا قالىپتى. ءار سىنىپتا 5-6 وقۋشىدان وقىسا، 15 مۇ­عا­لىم ساباق بەرۋدە. اۋىل تۇر­عىن­دارىنا كوزقۋانىش بولىپ قالعان وسى مەكتەپ قانا.

مەكتەپ ديرەكتورى ءاليا انافينا­نىڭ ايتۋىنشا، مەكتەپ جانىنداعى شاعىن ورتالىقتا 18 بالا تاربيەلەنۋدە. شاعىن مەكتەپ بولسا دا، وقۋشىلار دا، مۇعالىمدەر دە ارقاشاندا بەلسەندى. ءتۇرلى مادەني-رۋحاني، ادەبي شارالارعا قاتىسادى.

مىسالى، بيىل «ەكوboom» وبلىس­تىق ەكولوگيالىق شاراسى اياسىندا ء«بىرىنشى سىنىپ باقشاسى» اشىلىپ، مەكتەپ اۋلاسىنا اعاشتار ەگىلدى. «ەنەر­گيا جانە سۋ بولاشاق ءۇشىن» تاقى­رى­بىندا جارىقتى، سۋدى ۇنەمدەۋ تاقى­رىپ­تىق ويىندارى وتكىزىلگەن، «جاق­سىلىق جاسا» اتتى شاقىرۋىمەن بالالار ۇيىنە كومەك رەتىندە پلاستيكالىق قاقپاقشالار جينالىپ، تاپسىرىلعان. سونىمەن بىرگە، تۇراقتى تۇردە وتەتىن «شاڭىراق» جوباسى، «Family day» وت­باسىلىق جارىستارعا، «Ghallenge وزگەشە سەن!» اتتى مارافونىنا 5-9 سى­نىپ وقۋشىلارى قاتىسادى. قا­زىر وقۋ­شىلار «شاڭىراق» جوباسى ايا­سىندا شەبەرحانادا قايىڭ اعاشىنان شاعىن كيىز ءۇي قۇراستىرۋدا. كيىز ءۇي كەس­كىنىن مەكتەپ مۇعالىمدەرى داۋرەن جۇ­ما­بەك ۇلى، نۇربەك امانتاي ۇلى جاساعان.

وقۋشىلار ءۇشىن مەكتەپ كىتاپحا­نا­سى­­نىڭ دا ورنى بولەك. ءبىر ۋاق قول­دا­رىن­­داعى ۇيالى تەلەفوندارىن تاستاپ، ادە­بي كى­تاپتار وقۋدى ادەتكە اينال­دىرعان.

– كىتاپحانامىزدا وقۋلىقتار، ادەبي كىتاپتار بار، 14406 دانا قوردان تۇرادى. وقىرماندار سانى مۇعالىمدەر، اۋىل تۇرعىندارى، وقۋشىلارمەن قوسا العاندا 130-دان اسادى. گۇلزادا توكەن، ايىم ەسقالي، زارينا سوتسيال، جارقىن تەمىر، نۇراي ەلۋباي، جانەركە بەكتۇروۆا، جەڭىس تۇسىپبەك، زەينىش بەكزات، سامات مۇحامەدجان، التىناي قالەلوۆا سياق­تى وقۋشىلار تۇراقتى وقىرماندار، – دەيدى مەكتەپ كىتاپحاناشىسى ۋلفات قوجانباەۆا.

كىتاپحانادا مەكتەپتىڭ جۇمىس جوس­پارىنا ساي ءتۇرلى جوبالار جۇزەگە اسىرىلۋدا. بيىل «100 كىتاپ» جوباسى بويىنشا وقۋشىلارعا م.اۋەزوۆتىڭ، ج.ايماۋىتوۆتىڭ، ءا.كەكىلباەۆتىڭ، م.ماعاۋيننىڭ، ب.سوقپاقباەۆتىڭ، م.قابانبايدىڭ، م.تۆەننىڭ، بالالار ادەبيەتىنىڭ وكىلدەرىنىڭ شىعار­مالارىن وقۋ ۇسىنىلدى.

قازاق ءتىلى مەن ادەبيەتى ءپانىنىڭ مۇ­عالىمى گۇلدەن تولەۋحاننىڭ اي­تۋىن­­شا، 9-سىنىپ وقۋشىسى ءنازيرا امانگەلدى، 5-سىنىپ وقۋشىسى گروسس مۇرات، 9-سىنىپ وقۋشىسى نۇرسۇلتان قارىباەۆتار مەكتەپ بويىنشا بەلسەندى كىتاپ وقۋشىلار اتانىپ، رۋحاني باي­لىققا دەن قويۋدا. ولار «كىتاپ جانا­شىر­لارى» ۇيىرمەسىنىڭ مۇشەلەرى.

ايتسا ايتقانداي، قازىر قاراساڭىز، بۇگىنگى مەكتەپ وقۋشىسى دا، ستۋدەنتتەر دە تسيفرلى الەمگە، جاھاندىق عالام­تورعا تاۋەلدى. ءوز ويىن ءوز تىلىمەن ءتۇسىن­دىرۋ ءۇشىن كىتاپ وقۋ اسا قاجەت ەكەنىن ەندى تۇسىنە باستادىق.

– ءبىزدىڭ ماقسات – وقۋشىلارعا مەك­تەپ­كە كەلگەن جاڭا تەحنولوگيالاردى ۇي­رەتە، يگەرە وتىرىپ، ءداستۇرلى كىتاپ وقۋ ما­­دە­­نيەتىن جوعالتپاۋ، – دەيدى كىتاپحا­نا­شى.

گۇلدەن وتكەن جىلى سەمەيدىڭ شا­كارىم اتىنداعى ۋنيۆەرسيتەتىن ءبىتىرىپ، ديپلوممەن ساتى اۋىلىنا كەلگەن جاس مامان ەكەن.

– ۇستازدىق جولىمدى شاعىن اۋىل مەكتەبىنەن باستاعاندى ءجون كوردىم. شاعىن مەكتەپ بولسا دا، شىرايلى. جاڭا­شىلدىققا ۇمتىلۋدا. وزگەرىستەرگە جىل­دام ىلەسەمىز. ۇيرەنەرىمىز دە از ەمەس. وسى جەردەن تاجىريبە جيناقتاپ، وقۋ ورنىندا العان ءبىلىمىمدى تولىقتىرا تۇسەمىن دەگەن ويدامىن، – دەيدى گۇلدەن.

مەكتەپ كىتاپحاناسىندا جاڭا كىتاپ­تاردى تانىستىراتىن «اۋىزشا جۋرنال» كۇنى، رۋحاني-مادەني تاقىرىپتاعى كورمەلەر، وقىرماندارعا ارنالعان سۇحبات-كەزدەسۋ كۇندەرى وتەدى.

پاۆلودار وبلىسى،

ماي اۋدانى

 

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار