ەندى وسى بانكتەردىڭ ءموبيلدى قوسىمشاسىن پايدالانۋشىلاردىڭ بارلىعى 2019 جىلعا كولىك قۇرالدارىنا سالىناتىن سالىق بويىنشا سالىق ورگانى ەسەپتەگەن الداعى تولەمدەردىڭ سوماسىن كورە الادى جانە وسى قوسىمشا ارقىلى بىردەن تولەم جاساي الادى.
الداعى تولەمدەر بويىنشا اقپاراتتى قوسىمشا ارقىلى پايدالانۋشىلارعا SMS جانە PUSH-حابارلامالار تۇرىندە جىبەرىلەدى.
حابارلامادا 2019 جىلعا كولىك قۇرالدارىنا سالىناتىن سالىقتىڭ ەسەپتەلگەن سوماسى تۋرالى اقپارات كورسەتىلگەن, ونى اعىمداعى جىلدىڭ 31 جەلتوقسانىنا دەيىن تولەۋ قاجەت. بۇل رەتتە, ەسەپتەلگەن كولىك قۇرالدارىنا سالىناتىن سالىعى الادعى تولەمدەر بانكتەردىڭ موبيلدىك قوسىمشاسىنداعى الداعى تولەمدەر سەرۆيسىندە سالىق تولەۋشىنىڭ ەسەپ بەتىندە قالىپتاسقان تولەمىن (ارتىق تولەمىن) ەسەپكە الا وتىرىپ كورسەتىلگەن.
بۇل رەتتە SMS جانە PUSH-حابارلامالارىنداعى كولىك قۇرالدارىنا سالىناتىن سالىق سومالارى سالىقتىق بەرەشەك بولىپ تابىلمايتىنىن حابارلايمىز, سوندىقتان, اتالعان كولىك قۇرالدارىنا سالىناتىن سالىق سوماسى قازاقستان رەسپۋبليكاسىنىڭ قم مەملەكەتتىك كىرىستەر كوميتەتىنىڭ پورتالىنداعى «ەسەبى مەملەكەتتىك كىرىستەر ورگاندارىندا جۇرگىزىلەتىن بەرەشەگىنىڭ جوق (بار) ەكەندىگى تۋرالى مالىمەت» سەرۆيسىندە كورىنبەيدى.
ەسكەرە كەتسەك, ەسەپتەۋ كەزىندە كولىك قۇرالدارىنا سالىناتىن سالىق بويىنشا الداعى تولەمدەردىڭ مالىمەتتەرىن قازاقستان رەسپۋبليكاسىنىڭ ىشكى ىستەر مينيسترلىگىنىڭ اكىمشىلىك پوليتسيا كوميتەتىنەن ء(ىىم اپك) الىندى.
اعىمداعى جىلدىڭ جەلتوقسان ايىنا تىركەۋ ەسەبىنە قويىلعان كولىك قۇرالدارى بويىنشا الداعى تولەمدەر تۋرالى اقپارات ءىىم اپك مالىمەتتەردى بەرىلۋىنە قاراي جاڭارتىلادى.
كولىك قۇرالدارىنا سالىناتىن سالىق سالىق كەزەڭىنىڭ سوڭىنا دەيىن مەنشىك قۇقىعى ساتىپ الىنعان ايدىڭ 1 كۇنىنەن باستاپ, ياعني اعىمداعى جىلدىڭ سوڭىنا دەيىن نە مەنشىك قۇقىعى بەرىلگەن ايدىڭ 1 كۇنىنە دەيىن ناقتى يەلەنۋ كەزەڭى ءۇشىن ەسەپتەلەدى. بۇل رەتتە سالىق كەزەڭى ىشىندە كولىك قۇرالىنا مەنشىك (ساتۋ) قۇقىعىن بەرگەن جاعدايدا, ناقتى يەلەنۋ كەزەڭى ءۇشىن تولەۋگە جاتاتىن سوما كولىك قۇرالىن تىركەۋ ەسەبىنەن شىعارعانعا دەيىن بيۋدجەتكە ەنگىزىلۋگە ءتيىس.
جەكە تۇلعالار ءۇشىن سالىقتىق راقىمشىلىق جۇرگىزۋ شەڭبەرىندە سالىق بەرەشەگى بولعان جاعدايدا جەكە تۇلعالار اعىمداعى جىلدىڭ سوڭىنا دەيىن بورىشتىڭ نەگىزگى سوماسىن وتەگەن جاعدايدا ەسەپتەلگەن ءوسىمپۇلدى ەسەپتەن شىعارۋعا قۇقىلى ەكەندىگىن قوسىمشا حابارلايمىز. بۇل اكتسيا 2018 جىلعى م ۇلىك سالىعى مەن جەر سالىعى بويىنشا بەرەشەككە قولدانىلمايدى.
جەكە تۇلعالار سالىقتى باسقا دا تاسىلدەرمەن تولەي الادى: ەكىنشى دەڭگەيدەگى بانكتەر بولىمشەلەرىندە نەمەسە تولەم تەرمينالدارىندا قولما-قول اقشا قاراجاتىمەن, بانكوماتتار مەن تولەم تەرمينالدارىندا بانكتىك كارتالار كومەگىمەن نەمەسە قازاقستان رەسپۋبليكاسىنىڭ قم مكك سايتىندا ەلەكتروندىق سەرۆيستەر كومەگىمەن ىسكە اسىرا السىز. انىقتامالىق اقپاراتتى الۋ ءۇشىن جەكە تۇلعالار بىرىڭعاي بايلانىس ورتالىعىنىڭ 1414 تەگىن تەلەفون ءنومىرى بويىنشا جۇگىنە الادى.
سونىمەن قاتار سالىق بەرەشەگىن مەملەكەتتىك كىرىستەر كوميتەتىنىڭ www.kgd.gov.kz رەسمي سايتىنىڭ «سالىق بەرەشەگىنىڭ بولۋى/بولماۋى تۋرالى مالىمەتتەر» بولىمىندە تەكسەرۋگە بولادى. سالىق تولەۋشى تەك ءوزىنىڭ جسن-ءىن ەنگىزۋى قاجەت. سودان كەيىن, ول ءوزىنىڭ سالىق بەرەشەگىنىڭ دەرەكتەرىنە قول جەتكىزەدى. ەسەپتىلىكتىڭ بارلىق قويىندىسىن اشۋدى ۇسىنامىز.
