ءبىرىنشى كەزدەسۋ كارتوپ جانە كوكونىس وسىرۋشىلەر وداعىنىڭ وكىلدەرىمەن بولدى.
كەزدەسۋدە قازاقستان كارتوپ جانە كوكونىس وسىرۋشىلەر وداعىنىڭ باسقارما توراعاسى قايرات بيسەتاەۆ ءسوز الىپ, ەلىمىزدەگى كارتوپ شارۋاشىلىعىنىڭ تابىستى دامۋىنا قاتىستى ماسەلەلەردى اتاپ ءوتتى. كارتوپتىڭ ونىمدىلىگى مەن ساپاسىن ارتتىرۋ, كارتوپ شارۋاشىلىعىنداعى ينفراقۇرىلىمدى دامىتۋ جانە كارتوپتىڭ ەكسپورتى مەن وڭدەلۋىن دامىتۋ سالانى وركەندەتۋگە ىقپال ەتەدى.
ك.بيسەتاەۆ كارتوپتى وتكىزۋدىڭ كولەڭكە تۇستارى سالاعا كەرى اسەرىن تيگىزىپ وتىر دەپ سانايدى. كارتوپ جانە كوكونىس وسىرۋشىلەر وداعىنىڭ توراعاسى بۇل پروبلەمانى شەشۋ ءۇشىن وبلىستار مەن رەسپۋبليكالىق ماڭىزى بار قالالاردا كوتەرمە-ءبولۋ ورتالىقتارىن قۇرۋدى ۇسىندى. «كوكونىس ونىمدەرى مەن كارتوپتىڭ كوتەرمە ساۋداسى بويىنشا وسىنداي ورتالىقتار ازىق-ت ۇلىك نارىعى سۋبەكتىلەرى اراسىندا ازىق-ت ۇلىك باعاسىن تومەندەتۋگە مۇمكىندىك بەرەدى», دەدى ق.بيسەتاەۆ.
باسقا ەلدەردەگى وسىنداي تاجىريبەنى زەرتتەۋدى قوسىمشا تاپسىرعان د.نازارباەۆا كوتەرمە-تاراتۋ ورتالىقتارىن قۇرۋعا قولداۋ ءبىلدىردى.
كەلەسى كەزدەسۋ ەلىمىزدىڭ ماي سالاسىن دامىتۋدىڭ قازىرگى جاعدايى مەن كەلەشەگىنە ارنالدى.
«قازاقستان ماي-توڭماي وداعى» قاۋىمداستىعى» زتب پرەزيدەنتى كونستانتين نەۆزوروۆ سالا كاسىپورىندارى تاپ بولاتىن نەگىزگى قيىندىقتار تۋرالى ايتىپ بەردى. ول تۇقىمدىق ماتەريال ونىمدىلىگىنىڭ تومەندىگى, مينەرالدىق تىڭايتقىشتار ءوندىرىسىنىڭ كەنجە قالۋى, ءونىمدى ساقتاۋ ينفراقۇرىلىمىنىڭ جاي-كۇيى, اۋىل شارۋاشىلىعى تەحنيكاسىنىڭ توزۋى, بىلىكتى كادرلاردىڭ تاپشىلىعى جانە اگروتەحنولوگيالاردى ساقتاۋدىڭ جەتكىلىكسىز دەڭگەيىنە توقتالدى.
ك.نەۆزوروۆ جۇزدەسۋ بارىسىندا دۇكەن سورەلەرىندەگى جالعان ونىمدەردى تەكسەرۋ, الدىن الۋ جانە جەدەل الىپ قويۋ تەتىكتەرىن ازىرلەۋ قاجەتتىگىنە تالقىلاۋعا قاتىسۋشىلاردىڭ نازارىن اۋداردى. قاۋىمداستىق باسشىسى سارى ماي مەن سپرەدتەر (وسىمدىك جانە ءسۇت مايلارىنىڭ قوسپاسى نەگىزىندەگى ماي ونىمدەرى) بويىنشا جاعدايدى مىسال رەتىندە كەلتىردى: «قاعازىندا بۇل سارى ماي دەپ كورسەتىلەدى, ال ءىس جۇزىندە سپرەد بولىپ تابىلادى. قاعازىندا سپرەدتىڭ قۇرامىندا ول سپرەد ەكەنى كورسەتىلەدى, وندا ءىس جۇزىندە 15-30% ماي نەمەسە ءتىپتى 0% بولادى. بۇل جەردە تاۋارلاردىڭ ساپاسى مەن قاۋىپسىزدىگىن باقىلاۋ كوميتەتىنىڭ بەلسەندى كومەگى قاجەت».
پارلامەنتتىڭ جوعارعى پالاتاسىنىڭ باسشىسى داريعا نازارباەۆا كەزدەسۋلەردىڭ قورىتىندىسى بويىنشا اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنە اۋىل شارۋاشىلىعى تاۋارىن وندىرۋشىلەر وكىلدەرى قوزعاعان پروبلەمالىق ماسەلەلەردى زەردەلەۋدى جانە ولاردى 2020 جىلى بولاتىن پارلامەنتتىك تىڭداۋلاردا تالقىلاۋعا دايىنداۋدى تاپسىردى.
