بيىل بۇلبۇل ءۇنى قازاق دالاسىن تەگىس تەربەگەن ورەلى ونەر يەسى توقسان جاسقا تولعان بولاتىن. وپەراداعى باس پارتيانى ۆوكاليستەر بايقاۋىندا باس جۇلدەگە يە بولعان وپەرا ءانشىسى الفيا كاريموۆا ورىندادى. ايتۋلى كونتسەرتكە بيبىگۇل تولەگەنوۆانى قۇتتىقتاۋعا كەلگەن وتاندىق ەسترادا وكىلدەرى مەن حالىق ءارتىسىنىڭ ەرەكشە تالانتىنا باس يەتىن ونەر سۇيەر قاۋىم ساراي ءىشىن لىق تولتىردى.
ەستە بولسا, كۇنى كەشە بيبىگۇل تولەگەنوۆا I دارەجەلى «بارىس» وردەنىمەن ماراپاتتالعان بولاتىن. جوعارى ناگرادانى پرەزيدەنت قاسىم-جومارت توقاەۆتىڭ جارلىعىمەن مەملەكەتتەگى جانە قوعامدىق قىزمەتتەگى ەرەن ەڭبەگى ءۇشىن, حالىق ارتىسىنە ەلىمىزدىڭ مادەنيەت جانە سپورت ءمينيسترى اقتوتى رايىمقۇلوۆا تابىستاعان ەدى.
«قازاق ەلى ءۇشىن كەرەمەت مەرەكە - تاۋەلسىزدىگىمىزدى العانىمىزعا 28 جىل تولدى. قوس مەرەكە - ەگەمەندىگىمىز بەن بيبىگۇل احمەتقىزىنىڭ 90 جىلدىق مەرەيتويى قاتار تويلانايىن دەپ تۇر. ول دا ۇلكەن قۋانىش. ەڭ باستىسى, بۇكىل جاستارىمىز ەگەمەندىگىمىزدىڭ قادىر قاسيەتىن تەرەڭنەن ۇعىنىپ كەلەدى. ەگەمەندىگىمىز ماڭگىلىككە اينالسىن, ەل تۇعىرى بيىك بولسىن. كوك بايراعىمىز جەلبىرەي بەرسىن», - دەيدى قر ەڭبەك سىڭىرگەن قايراتكەرى, ەسترادا جانە وپەرا ءانشىسى تولقىن زابيروۆا.
