بيىلعى جىلدىڭ قورىتىندىسىن «الماتى سپەتستەحپاركينگ سەرۆيس» جشس ديرەكتورى مارات پرىنبەكوۆ جاريالادى. جۋرناليستەر تروتۋارلىق تيپتەگى اقىلى اۆتوتۇراقتار (ساتپاەۆ كوشەسى, نازارباەۆ كوشەسى مەن دوستىق داڭعىلى اراسىندا) مەن الاڭدىق تيپتەگى («نۇرلى تاۋ» بيزنەس-ورتالىعىنىڭ جانىنداعى اۆتوتۇراق) ايماقتارعا باردى, الماتىنىڭ بىرىڭعاي اۆتوماتتاندىرىلعان تۇراق كەڭىستىگىنىڭ دەرەكتەرىن وڭدەۋ ورتالىعىنىڭ جۇمىسىمەن تانىستى.
«ا-پاركينگ» كومپانياسى قازاقستاننىڭ ءىرى قالاسىنىڭ كولىك جۇيەسىن ساۋىقتىرۋ جانە تۇراق كەڭىستىگىن ۇيىمداستىرۋ جونىندەگى جۇمىستاردى ودان ءارى جالعاستىراتىنىن مالىمدەدى. بيىل الماتىدا 1012 تروتۋارلىق ۇلگىدەگى جاڭا تۇراق ايماعى اشىلدى, قولدانىستاعى تروتۋارلىق جانە الاڭدىق ۇلگىدەگى تۇراق كەڭەيتىلدى. قازىر 11 683 جاڭا تۇراق ورنى پايدا بولعان. ونىڭ ىشىندە 6109 تروتۋارلىق جانە 5574 الاڭدىق تۇردەگى تۇراق ورنى بار. اۆتواۋەسقويلارعا ىڭعايلى بولۋ ءۇشىن Kolesa, Senim سەرىكتەستەرىنىڭ ينتەرنەت-قوسىمشالارى قوسىلعان. مىسالى, Kolesa قوسىمشاسىندا كولىك تۇراعى ءۇشىن پوستتولەم جاساۋ مۇمكىندىگى پايدا بولدى – بۇل قانداي دا ءبىر سەبەپپەن اۆتوكولىكتى تۇراق ورنىنا قويۋ كەزىندە كولىك تۇراعىن تولەي المايتىندار ءۇشىن ىڭعايلى ءتاسىل.
2019 جىلى «ا-پاركينگ» بيللينگ جۇيەسىندە 7 ميلليوننان استام كولىك قويۋ تىركەلدى. جىل قورىتىندىسى بويىنشا تۇراق تولەمىنەن جالتارعان الماتىلىقتارعا جالپى سوماسى 920 ميلليون تەڭگەدەن استام 143 مىڭ ايىپ ۇيعارىمى شىعارىلدى.
قاۋىپسىزدىكتى قامتاماسىز ەتۋ ماقساتىندا الاڭدىق تيپتەگى بارلىق قالالىق تۇراقتاردا بەينەكامەرالار ورناتىلعان, وندا كامەرالاردى شولۋدى تۇراق اۋماعىمەن شەكتەۋگە بولادى. مۇمكىندىگى شەكتەۋلى جۇرگىزۋشىلەردىڭ اۆتوكولىكتەرىنە بولىنگەن ورىنداردا تۇرۋدىڭ قيىندىعىنا بايلانىستى كۇردەلى ايماقتاردى جاقسارتۋ جۇرگىزىلۋدە. ماسەلەن, مۇنداي جۇمىستارعا جولاۋشىلاردى وتىرعىزۋ جانە ءتۇسىرۋ ورىندارىن قايتا جاڭارتۋ كىرەدى.
الماتى قالاسىنىڭ بىرىڭعاي اۆتوماتتاندىرىلعان تۇراق كەڭىستىگىن دامىتۋعا ينۆەستيتسيا كولەمى 3,96 ملرد تەڭگەنى قۇرايدى. اقىلى اۆتوتۇراقتار ىسكە قوسىلعاننان بەرى مەملەكەتتىك بيۋدجەتكە 1,7 ملرد تەڭگە ءتۇستى, ونىڭ 561 ملن – سالىق اۋدارىمدارى, 267 ملن – كولىك تۇراعى ءۇشىن تولەمدەر, 247 ملن – مەملەكەتكە مىندەتتى تولەمدەر. ال 622 ملن تەڭگە قالا بيۋدجەتىنە جقە بۇزعانى ءۇشىن ايىپپۇل تۇرىندە ءتۇستى. بۇل قاراجات الماتى قالاسىنىڭ كولىك جانە جول جەلىسىنىڭ جاعدايىن جاقسارتۋعا باعىتتالعان.
مارات پرىنبەكوۆ ءتۇسىندىرىپ وتكەندەي, ءبىر ساعات ىشىندە اۆتوكولىك يەلەرى تولەيتىن ءاربىر 100 تەڭگەنىڭ 58 تەڭگەسى كولىك تۇراعىن ماتەريالدىق-تەحنيكالىق ۇيىمداستىرۋعا بايلانىستى شىعىندارعا جۇمسالادى, 27 تەڭگەسى مەملەكەتكە سالىق جانە مىندەتتى تولەمدەرگە, 16 تەڭگە – جالاقىعا, 10 تەڭگەسى – اكىمشىلىك شىعىنداردى قۇرايدى, 5 تەڭگە – تولەم قابىلداۋ جانە ينكاسساتسيا جونىندەگى كوميسسياعا كەتەدى. ناتيجەسىندە بۇگىندە تۇراق ورنىن پايدالانۋ ساعاتىنا 100 تەڭگە بولسا, كومپانيانىڭ شىعىنى 16 تەڭگەنى قۇرايدى. الايدا كومپانيانىڭ بيزنەس جوباسى 10 جىلعا ەسەپتەلگەن, سالعان ينۆەستيتسيانى قايتارۋ جوبانىڭ التىنشى جىلىنان باستاپ كوزدەلگەن.
– كەلەسى جىلى ءبىز قوعامدىق جانە باق وكىلدەرى كورسەتكەن «ا-پاركينگ» سەرۆيسىنىڭ ساپاسىن جاقسارتۋ جانە كەمشىلىكتەردى جويۋ جونىندەگى جۇمىستى جالعاستىرامىز, – دەدى مارات پرىنبەكوۆ.
اتاپ ايتقاندا اقىلى اۆتوتۇراق ايماقتارىندا مۇگەدەكتەرگە ارنالعان بەلگىلەر مەن جول بەلگىلەرىن سالۋ بويىنشا ەسكەرتۋلەر جويىلادى, مۇمكىندىگى شەكتەۋلى جۇرگىزۋشىلەردىڭ ىڭعايلىلىعى ءۇشىن تۇراق ورىندارىن قايتا جاڭارتۋ جۇرگىزىلۋدە. سونداي-اق «ا-پاركينگ» وكىلدەرى قالالىق بيلىك ورىندارى اۆتوتۇراق كەڭىستىگىنىڭ اۆتوماتتاندىرىلعان جۇيەسىن ودان ءارى جەتىلدىرۋگە ىقپال ەتەتىن شەشىمدەر قابىلداۋى ءتيىس ەكەنىن اتاپ ءوتتى. ەلەكتەن وتكىزىلگەن ءتاريفتى ەنگىزۋ ەرەجەلەرىن پىسىقتاۋ, كوپدەڭگەيلى پاركينگتەرگە جەر ۋچاسكەلەرىن ءبولۋ, «ا-پاركينگ» تىركەۋ كامەرالارىنان نومىرلىك بەلگىلەردى جاسىراتىن زاڭسىز كولىك قويۋشىلار مەن جوسىقسىز جۇرگىزۋشىلەرمەن كۇرەس جۇرگىزۋ قاجەتتىگى كورىنىپ وتىر.
الماتى
