سونىمەن, جاستار نەگە الماتىنى جاقسى كورەتىندىگى, نەگە وسى قالادا تۇرعىسى كەلەتىندىگى جايلى قالا اكىمى باقىتجان ساعىنتاەۆ جۇمىس ىستەيتىن جاستارعا پاتەر كىلتتەرىن تاپسىرىپ تۇرىپ بىلاي دەدى: «الماتى – بارلىق سالادا جوعارى ءبىلىمدى جاستاردىڭ قالاسى. قالامىزدا ورنالاسقان 39 ۋنيۆەرسيتەتتە 170 مىڭنان استام ستۋدەنت ءبىلىم الىپ جاتىر. بۇل ستۋدەنتتەردىڭ قاتارىندا باسقا وبلىستاردان دا كەلگەندەر بار. ولاردىڭ كوپشىلىگى ۋنيۆەرسيتەت بىتىرگەنننەن كەيىن ەلدەرىنە قايتپايدى, وسىندا قالادى. جاستاردىڭ 5 جىل وقىعان قالادا نەگە تۇراقتاپ قالعىسى كەلەتىندىگىن تۇسىنەمىز. ويتكەنى, بۇل ماحاباتتىڭ, باقىتتىڭ, مەرەكەلەردىڭ, ءتىپتى بولاشاقتىڭ قالاسى دەپ تە ايتۋعا بولادى».
شاھار باسشىسىنىڭ مالىمدەۋىنشە, جاستاردىڭ بارلىعى دا بىردەن باسپانالى بولا المايدى.
«جوعارى وقۋ ورنىن بىتىرگەننەن كەيىن جاس مامان جۇمىسقا تۇرادى. وتباسىن قۇرادى. بىراق, بارلىعىنىڭ دا بىردەي پاتەر ساتىپ الۋعا مۇمكىندىگى جوق. بۇلار – جاڭادان قىزمەتكە ورنالاسقان جاس مۇعالىمدەر, دارىگەرلەر, اقىندار مەن باسقالارى. سوندىقتان دا ءبىز ءوزىمىزدىڭ باعدارلامامىزدا مۇنان ءارى قاراي دا جاس ماماندارعا 100 پاتەردەن ءبولىپ تۇرامىز», – دەيدى الماتى قالاسىنىڭ باسشىسى.
وسى ارادا ەسكە سالا كەتەيىك, الماتىدا تۇڭعىش پرەزيدەنت – ەلباسى ن. نازارباەۆتىڭ تاپسىرماسى بويىنشا جاستار جىلى اياسىندا جۇمىس ىستەيتىن جاستارعا جالعا بەرىلەتىن تۇرعىن ءۇيدى ساتىپ الۋ قۇقىعىنسىز بەرۋ باعدارلاماسىن ازىرلەنگەن بولاتىن.
تاۋەلسىزدىك مەرەكەسى قارساڭىندا باقىتجان ساعىنتاەۆ جۇمىس ىستەيتىن جاستارعا پاتەر كىلتتەرىن تابىستاعان ەدى.
ءبىرىنشى پۋل بويىنشا بارلىعى 1244 ءوتىنىش كەلىپ تۇسكەن. سونىڭ ىشىندە باللدىق جۇيەگە سايكەس 249 ۇمىتكەردىڭ ءتىزىمى جاسالدى.
ولاردىڭ ىشىندە كوپ بالالى وتباسىلار, ءبىلىم بەرۋ, دەنساۋلىق ساقتاۋ قىزمەتكەرلەرى جانە قۇقىق قورعاۋ ورگاندارىنىڭ قىزمەتكەرلەرى بار. الماتى اكىمدىگىمەن وتىنىشتەردى قابىلدايتىن ارنايى www.almaty-jastary.kz سايتى ازىرلەندى.
ءبىرىنشى پۋل بويىنشا الاتاۋ اۋدانىنداعى كوكقاينار ىقشام اۋدانىنداعى 249 پاتەرگە وتىنىمدەردى قابىلداۋ 30 قازان مەن 12 قاراشا ارالىعىندا ءوتتى. جىل سوڭىنا دەيىن تاعى 801 پاتەرگە بايقاۋ جاريالانادى.
ءسويتىپ, 1050 جاس وتباسىن جالعا بەرىلەتىن تۇرعىن ۇيمەن قامتاماسىز ەتۋ جوسپارلانۋدا.
الماتى
