عيماراتتىڭ وقۋ زالىندا قازاقستاننىڭ بەلگىلى عالىمدارى الكەي مارعۇلان, اقجان ماشانوۆ, ەرمۇقان بەكماحانوۆ جانە تاعى باسقا دا عالىمدار ارحيۆ قۇجاتتارى نەگىزىندە قازاق ەلىنىڭ تاريحىن, گەولوگيالىق, ارحەولوگيالىق قازبا بايلىقتارىن انىقتاۋ ماقساتىندا زەرتتەۋ جۇمىستارىن جۇرگىزىپ, دۇنيەجۇزىلىك, وداقتىق كولەمدە بىرنەشە مونوگرافيا جاريالاعانى بەلگىلى.
بيىل جاز ايلارىندا جۇرگىزىلگەن جوندەۋ جۇمىستارىنان كەيىن مۇراعات ءىشىنىڭ بولمەلەرى زاماناۋي سيپاتقا ەنىپ, قىزمەتكەرلەر دە كەڭ تىنىسپەن ىسكە كىرىسىپ كەتكەندەي. بۇگىندە وتاندىق عالىمدارمەن قاتار مەملەكەتتىك ارحيۆ قىزمەتىنە اقش, گەرمانيا, يتاليا, اۆستريا, رەسەي, وڭتۇستىك كورەيا جانە باسقا ەلدەردەن كەلگەن زەرتتەۋشىلەردىڭ دە قىزىعۋشىلىعى زور.
كىتاپحانانىڭ سالتاناتتى اشىلۋىندا ورتالىق مەملەكەتتىك ارحيۆ ديرەكتورى ارنۇر قارىمساقوۆ ءسوز سويلەپ, جاڭا مۇمكىندىكتەر جايىن پاش ەتسە, ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ مۇراعات باسشىلىعى مەن قىزمەتكەرلەرىنە العىسىن ءبىلدىردى.
اباي داڭعىلى بويىندا ورنالاسقان ورتالىق مەملەكەتتىك ءارحيۆى مەن ۇلتتىق كىتاپحانا عيماراتىنىڭ ءبىر-بىرىنە جاقىن ورنالاسۋى ەندىگى كەزەكتە عالىمدارعا ۋاقىتىن ۇنەمدەۋگە دە مۇمكىندىك بەرەدى. ۇلتتىق كىتاپحانا ديرەكتورىنىڭ ورىنباسارى اجار حاميتقىزى كىتاپحانانىڭ زاماناۋي سيپاتتا بەزەندىرىلۋى زەرتتەۋشىلەرگە ىزدەنىسكە عانا ەمەس, سەرگەكتىك جاعدايلارىنا دا مۇمكىندىكتەر قاراستىرىلىپ وتىرعاندىعىمەن ەرەكشەلەنەدى دەپ اتاپ ءوتتى.
وقۋ زالىنىڭ جەتەكشىسى ايگۇل شالاباەۆانىڭ ايتۋىنشا, بۇل باسىلىمدار وسى ارحيۆتەن تابىلعان ءارى زەرتتەۋشىلەر ىزدەنىسى نەگىزىندە جارىققا كورگەن زەرتتەۋلەر. جاڭا ءپىشىن, جاڭا ۇلگىدە اشىلعان وقۋ زالىنا قازىرگى كەزدە ءۇش جۇزگە جۋىق باسىلىم جيناقتالدى.
الماتى
