ەلباسىنىڭ تاپسىرماسى بويىنشا «جاستار جىلىن» وتكىزۋ اياسىندا جۇمىس ىستەيتىن جاستارعا جالعا بەرىلەتىن تۇرعىن ءۇيدى ساتىپ الۋ قۇقىعىنسىز بەرۋ باعدارلاماسى ازىرلەنگەنى بەلگىلى. بۇل باعدارلاما 5 جىلعا جەڭىلدەتىلگەن باعامەن جالعا الۋعا جانە مەملەكەتتىك باعدارلامالارعا قاتىسۋعا قاراجات سالۋعا مۇمكىندىك بەرەدى.
الماتى جاستارى ءۇشىن «جاستار جىلى» تابىسقا تولى جىل بولدى دەۋگە نەگىز بار. جۇزەگە اسقان بىرقاتار الەۋمەتتىك باعدارلامالار قاتارىندا قالاداعى جۇمىس ىستەيتىن جاستار پاتەردى جەڭىلدەتىلگەن باعادا جالعا الۋ مۇمكىندىگىنە يە بولدى. جالعا الۋ شارتى بويىنشا ءبىر بولمەلى پاتەردى اي سايىن جالداۋ اقىسى 4 380 تەڭگەنى قۇرايدى. ال جالعا بەرىلەتىن تۇرعىن ءۇي الۋعا الماتى قالاسىندا تىركەۋدە كەمىندە 2 جىل تۇرعان, سوڭعى ەكى جىل مەرزىمدە باسىندا باسپاناسى جوق 29 جاسقا تولماعان جاستار تىركەلە الادى. سونىمەن قاتار اي سايىنعى تابىسى كەمىندە 101 000 تەڭگە جانە بانكتە جيناق شوتى بولۋى شارت.
قالا اكىمدىگىنىڭ ءباسپاسوز قىزمەتىنىڭ مالىمەتى بويىنشا, ءبىرىنشى پۋل بويىنشا بارلىعى 1244 ءوتىنىش كەلىپ تۇسكەن. ونىڭ ىشىندە باللدىق جۇيەگە سايكەس 249 ۇمىتكەردىڭ ءتىزىمى جاسالدى. ولاردىڭ قاتارىندا كوپ بالالى وتباسىلار, ءبىلىم بەرۋ, دەنساۋلىق ساقتاۋ قىزمەتكەرلەرى جانە قۇقىق قورعاۋ ورگاندارىنىڭ قىزمەتكەرلەرى بار. ءبىرىنشى پۋل بويىنشا الاتاۋ اۋدانىنداعى كوكقاينار ىقشاماۋدانىنداعى 249 پاتەرگە وتىنىمدەردى قابىلداۋ 30 قازان مەن 12 قاراشا ارالىعىندا ءوتتى.
ەندىگى كەزەكتە جىل سوڭىنا دەيىن تاعى 801 پاتەرگە كونكۋرس جاريالانادى. باعدارلاما اياسىندا 3 جىل ىشىندە 1 050 وتباسى جالدامالى تۇرعىن ۇيمەن قامتاماسىز ەتىلەتىن بولادى. وسىلايشا, ءبىر جىلدا 1050 جاس وتباسىن جالعا بەرىلەتىن تۇرعىن ۇيمەن قامتاماسىز ەتۋ جوسپارلانۋدا. سونىمەن قاتار, 2020 جىلى قوسىمشا «الماتى جاستارى 3» قالالىق باعدارلاماسى ىسكە قوسىلادى. سونىڭ اياسىندا 35 جاسقا دەيىنگى 1000 جاس وتباسىن تۇرعىن ۇيمەن قامتاماسىز ەتۋ جوسپارلانۋدا. وتكەن 2 جىلدا «الماتى جاستارى» باعدارلاماسى اياسىندا 238 جاس وتباسى 5 پايىزدىق مولشەرلەمەمەن پاتەر الاتىن بولادى.
الماتى
