عالىمدار ءبىر جىل بويى زەرتتەگەن تاقىرىپتىڭ اياسى كەڭ. ونى تۇپنۇسقا كۇيىنەن الشاقتاتىپ الماۋدى باستى نازاردا ۇستاي وتىرىپ, ارحيۆ مالىمەتتەرى نەگىزىندە قۇراستىرعان عالىمدار بۇل ەڭبەكتى زەرتتەۋشىلەر ءۇشىن ۇلكەن ولجا دەپ بىلەدى.
ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ مونوگرافيادا بۇرىن ايتىلماعان, جاريالانباعان ءارى زەرتتەۋشىلەر نازارىنان تىس قالعان مالىمەتتەر ەنگەندىگىن ايتادى.
ونىڭ ايتۋىنشا, عىلىمي ءونىمدى جيناقتاۋعا سونىمەن قاتار قر پرەزيدەنتى ءارحيۆى, رەسەي مۇراعاتتارىنان اكەلىنگەن دەرەكتەر دە نەگىز بولىپ وتىر. حرونولوگيالىق شەڭبەرى XVIII عاسىردىڭ اياعىنان باستاپ XVI عاسىرعا دەيىنگى كەزەڭدى قامتيتىن مونوگرافيادا كورسەتكىشتەر, عىلىمي تۇسىنىكتەمەلەر دە كەلتىرىلگەن.
عالىم اتاپ وتكەندەي, ەگەر دە زەرتتەۋشىلەرگە وسىنداي تۇپنۇسقا نەگىزدى ماتەريالدار قولجەتىمدى بولسا, وندا تاريحىمىزدىڭ دا تولىقتىرىلىپ جازىلاتىندىعى ءسوزسىز. ال دەرەكتىڭ باياۋ جەتۋى, سونداي-اق مۇراعاتتىق دەرەكتەر تاپشى بولسا, وندا بۇرىنعى كەڭەس وداعى مەتودولوگياسىنىڭ نەگىزىندە مونوگرافيالار دا, وقۋلىقتار دا جازىلا بەرەدى. الداعى ۋاقىتتا وسىنداي ولقىلىقتاردىڭ ورنىن تولىقتىرۋ ماقساتىندا ارحيۆ جانە ينستيتۋت عالىمدارى مەموراندۋم اياسىندا تىڭ دەرەكتەرگە قول جەتكىزۋ ءۇشىن اۋقىمدى جوبالاردى قولعا الاتىن بولادى.
الماتى
