ايماقتار • 13 جەلتوقسان، 2019

الماتىداعىداي «تاۋەلسىزدىك مونۋمەنتى» ءار قالادا بولا ما؟

59 رەت كورسەتىلدى

الماتىداعى قر ۇلتتىق كىتاپحاناسىندا مەملەكەت جانە قوعام قايراتكەرلەرىنىڭ، زيالى قاۋىم وكىلدەرىنىڭ جانە 1986 جىلعى جەلتوقسان وقيعاسىنا قاتىسۋشىلارمەن بىرگە «جەلتوقسان – تاۋەلسىزدىك تىرەگى» اتتى دوڭگەلەك ۇستەل ءوتتى.  ءىس-شارا الماتى قالاسى اكىمدىگى مەن قوعامدىق دامۋ باسقارماسىنىڭ تاپسىرىسى بويىنشا حالىقارالىق «جاناشىر» قوعامدىق قورى جۇزەگە اسىراتىن «پاتريوتتىق رۋح – باستى قۇندىلىق» جوباسى اياسىندا جۇرگىزىلىپ وتىر.

كوپتەن بەرى شەشىمىن تاپپاي كەلە جاتقان ماسەلەلەر قايتا كوتەرىلگەن باس قوسۋعا قازاقستاننىڭ ەڭبەك سىڭىرگەن ونەر قايراتكەرى، «دارىن» مەملەكەتتىك سىيلىعىنىڭ يەگەرى بايعالي ەسەناليەۆ جۇرگىزگەن شاراعا قوعام قايراتكەرى، «ۇلت تاعدىرى» قوزعالىسىنىڭ توراعاسى دوس كوشىم، اقىن، جۋرناليست، پۋبليتسيست جاناربەك ءاشىمجان، جازۋشى احمەتجان ءاشيري، قر ۇلتتىق كىتاپحاناسىنىڭ عىلىمي حاتشىسى بولات جۇنىسبەك ۇلى جۇنىسبەكوۆ، قوعام قايراتكەرى، جەلتوقسان قۇربانى ءلاززات اسانوۆانىڭ اناسى اسانوۆا التىناي، اكادەميك، ەتنوگراف-جازۋشى عاليا قايداۋىلقىزى، پروفەسسور انار سالقىنباي، جاستار ۇيىمىنىڭ وكىلى،  bugin.kz پورتالىنىڭ باس رەداكتورى مارعۇلان اقان سىندى كوپتەگەن زيالى قاۋىم وكىلدەرى، جەلتوقسانشى، قايراتكەر جازۋشىلارىمىز قاتىستى.

وتكىزىلىپ وتىرعان ءىس-شارانىڭ ماقساتى – اتا-بابامىزدىڭ تاۋەلسىزدىك جولىندا ەرلىگىن ۇلگى ەتىپ، ءوز وتانىن سۇيۋگە، ەلىنە، حالقىنا، قىزمەت ەتۋگە تاربيەلەۋ. ەلىمىزدىڭ تاۋەلسىزدىگىن اتاپ ءوتۋ قارساڭىندا ەل تاريحىنا شولۋ جاساۋ. دوڭگەلەك ۇستەلدىڭ قورىتىندىسى بويىنشا باياندامالار تالقىلانىپ، پىكىرتالاستار جۇرگىزىلدى. سونىمەن قاتار ادەبي-سازدى ءبولىمى دە قوناقتاردى ەلجىرەتپەي قويمادى.

جەلتوقسان: تاۋەلسىزدىكتى قايتا قالپىنا كەلتىرگەن كوتەرىلىس. گرۋزيا تاۋەلسىزدىگىن العان كۇنىن 26 مامىردا تويلايدى. سەبەبى 1918 جىلى تۇڭعىش «گرۋزيا دەموكراتيالىق رەسپۋبليكاسى» قۇرىلدى جانە ونى سول كەزدە مويىنداپ ۇلگەرگەن مەملەكەتتەر بار. كەز كەلگەن ەلدىڭ تاريح وقيعالارى ءبىر-بىرىنە ۇقساپ، جاناسىپ جاتادى. بارىندەگى ورتاق مۇددە بىرەۋ-اق. ول – تاۋەلسىزدىك. ءتىپتى گرۋزيا رەسمي تۇردە 1991 جىلى العان ازاتتىقتارىن «تاۋەلسىزدىكتى قايتا قالپىنا كەلتىرۋ» دەپ باعا دا بەرگەن، رەسمي اتاعان، دەستى جيىنعا قاتىسۋشىلار.

 «ەلدە ءبىر ەمەس 11 جەلتوقسانشىلاردان قۇرىلعان ۇيىم بار. ولاردىڭ ەكەۋى مەملەكەتتىك دەڭگەيدە بولسا، قالعانى جەكە توپتاردان قۇرىلعان. ءار ۇيىمنىڭ جىل سايىن وسى جەلتوقساندا كوتەرەتىن ماسەلەسى جەتكىلىكتى. تەك شەشىمىن تاپپاعان سەكىلدى. ونى وسى دوڭگەلەك ۇستەل باسىندا وتىرىپ كوردىم»، – دەيدى جاستار ۇيىمىنىڭ وكىلى،  bugin.kz پورتالىنىڭ باس رەداكتورى مارعۇلان اقان.

اينالىپ كەلگەن كەزدە «تاۋەلسىزدىك مونۋمەنت» دەگەن اۋىز تولتىرىپ ايتاتىن ەسكەرتكىش وسى الماتى قالاسىندا عانا ورنالاسقان. ال بۇل مونۋمەنتتىڭ ۇلگىسى ءار قالادا بولۋى كەرەك، دەدى دوڭگەلەك ۇستەلگە قاتىسۋشىلار.

سوڭعى جاڭالىقتار

ۇقساس جاڭالىقتار