قوعام • 13 جەلتوقسان، 2019

قازاق ەتنوگرافيالىق مەكتەبى تاقىرىبىندا ءى حالىقارالىق كونفەرەنتسياسى ءوتتى

42 رەتكورسەتىلدى

«قازاق ەتنوگرافيا مەكتەبى»، «العاشقىلار» توپتاماسى. 1-ءشى كونفەرەنتسيا: مارات مۇقانوۆ» تاقىرىبىندا ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىندا بعم عىلىم كوميتەتىنىڭ قولداۋىمەن وتكەن حالىقارالىق كونفەرەنتسيا  قازاقتىڭ كورنەكتى عالىم-ەتنوگرافى، تاريح عىلىمدارىنىڭ دوكتورى م.س. مۇقانوۆتىڭ 90 جىلعا تولۋىنا ارنالدى. عىلىمي كونفەرەنتسيانى تاريح جانە ەتنولوگيا ينستيتۋتىنىڭ  ديرەكتورى، ت.ع.د.، پروفەسسور زيابەك  قابىلدينوۆ اشىپ، شارانىڭ ماڭىزدىلىعىنا توقتالدى.

قازاقستاننىڭ ەتنوگرافيا عىلىمىنىڭ تاريحىنا جانە وتاندىق ەتنولوگيانىڭ وزەكتى ماسەلەلەرىنە ارنالعان حالىقارالىق كونفەرەنتسيالار توپتاماسى حح عاسىردىڭ ءىى جارتىسىندا قالىپتاسقان قازاق ەتنوگرافيالىق مەكتەبىنە، قازاقستاننىڭ عىلىمي ەتنوگرافيالىق عىلىمىن دامىتۋداعى جەتەكشى عالىمداردىڭ رولىنە باستى نازار اۋدارۋدى ماقسات ەتەدى. عالىمدار باسقوسۋى بۇل شارانى تاريح جانە ەتنولوگيا ينستيتۋتىنىڭ اكادەميالىق ەتنوگرافيا-ەتنولوگيا بولىمىندە كوپ جىلدار ەڭبەك عالىمنىڭ  ءومىرى مەن قىزمەتىنە ارناي وتىرىپ، قازاقستان مەن شەكارالاس مەملەكەتتەردىڭ ەتنوگرافيا عىلىمىنىڭ نەگىزگى تاريحي ماسەلەلەرىن، قازىرگى كەزەڭدەگى دامۋىن، اتاقتى ەتنولوگ-عالىمداردىڭ ءومىرى مەن قىزمەتىن تالقىلاۋ باعىت ەتىپ ۇستاندى. ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ماماندارىمەن بىرگە، كونفەرەنتسياعا رەسەي، گۇرجىستان، قىرعىزستان، موڭعوليا، ۋكراينا عزي، جوعارى وقۋ ورىندارىنىڭ وكىلدەرى قاتىستى.

پلەنارلىق جانە سەكتسيالىق وتىرىستاردا كونفەرەنتسياعا قاتىسۋشىلار حح عاسىردىڭ 2-جارتىسىنداعى قازاق ەتنوگرافيالىق مەكتەبى: دامۋ كەزەڭدەرى، باعىتتارى، جەتىستىكتەرى، عىلىمي ناتيجەلەردى جاريالاۋ ماسەلەسى، قازاق ەتنوگرافيالىق مەكتەبىن جاساۋشىلار: ۇجىم جانە تۇلعا،     قازاقستان ەتنوگرافيا عىلىمىنىڭ تاريحى، مارات مۇقانوۆتىڭ شىعارماشىلىق مۇراسى مەن عىلىمي-مادەني ماڭىزى، دالالىق ەتنوگرافيالىق جانە ەتنوارحەولوگيالىق زەرتتەۋلەر ادىستەمەسى،  قازاقستاننىڭ قازىرگى كۇنگى ەتنولوگياسىنىڭ وزەكتى ماسەلەلەرى، قازاقستانداعى ەتنوسوتسيولوگيا مەن ەتنودەموگرافياسى تۋرالى تۇيتكىلدى ماسەلەلەردى تالقىلادى.  عالىمدار سونىمەن قاتار كۇنى بۇگىن تولعاعى جەتكەن عىلىمي ورتالىق - ەتنولوگيا ينستيتۋتىن اشۋ ءارى قۇرىلىمدىق-ۇيىمداستىرۋشىلىق دامۋىنا قاتىستى ماڭىزدى ماسەلەلەردى دە تالقىلادى. وسى ورايدا «مادەني مۇرا»، «رۋحاني جاڭعىرۋ»، « ۇلى دالانىڭ جەتى قىرى» باعدارلامالارىن جۇزەگە اسىرۋ ماقساتىندا ەتنولوگيالىق-ەتنوگرافيالىق زەرتتەۋلەر جۇرگىزۋ ءۇشىن رەسپۋبليكادا ماماندىرىلعان ەتنولوگيا ينستيتۋتىنىڭ قۇرىلۋىنىڭ ماڭىزدى ەكەندىگى باستى نازاردا بولدى.  

 

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار