دەرەكتى فيلم XX عاسىردىڭ باسىندا ەلىمىزدە تۇڭعىش ۇلتىق تەاتردىڭ نەگىزىن سالۋشىلاردىڭ ءبىرى سەركە قوجامقۇلوۆتىڭ ءومىرى مەن شىعارماشىلىعى تۋرالى باياندايدى. تابيعي تالانتىمەن ساحنا ونەرىن مەڭگەرگەن ونەر يەسى قازاق كينوسىنىڭ اكتەرلىك مەكتەبىن دە قالىپتاستىرۋعا تىكەلەي ارالاسقان.
«قازاق رەنەسسانسى» تسيكلى بويىنشا تۇسىرىلگەن كينوتۋىندىنى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن.
– بۇگىنگى كەشكە قاتىسىپ وتىرعانىما وتە قۋانىشتىمىن. ۇلتىمىزدىڭ ءبىرتۋار اكتەرى, قايتالانباس تۇلعاسى سەراعامىزدىڭ ارتىنان قالعان قىزدارى بۇگىندە ەلىمىزدىڭ مادەنيەتىنە ەلەۋلى ۇلەس قوسىپ جۇرگەن اسىل جاندار. بيىل اعامىزدىڭ بۇل دۇنيەدەن وتكەنىنە 40 جىل بولىپتى. سەرالى اعامىزدىڭ جارقىن بەينەسى مەن ۇلت ونەرىنە سىڭىرگەن ەڭبەگى حالىق جادىندا ماڭگى ساقتالاتىنىنا سەنىمدىمىن, – دەيدى «قازاقفيلم» كينوستۋدياسىنىڭ پرەزيدەنتى ارمان اسەنوۆ.
ال قازاقستان كينەماتوگرافيستەر وداعىنىڭ توراعاسى ەرمەك تۇرسىنوۆ:
«سەركە كوجامقۇلوۆ – ۇلتتىق كاسىبي تەاتر جانە كينو ونەرىنىڭ نەگىزىن قالاعان حاس شەبەرلەردىڭ ءبىرى. اشارشىلىق پەن سوعىستى ءوز كوزىمەن كورگەن دارىن يەسى ەشبىر قيىندىقتارعا قاراماستان ءومىرىنىڭ سوڭىنا دەيىن ونەرگە ادال قىزمەت ەتتى», دەپ قوجامقۇلوۆتىڭ ۇلت ونەرىندەگى ۇلانعايىر ورنى تۋرالى تەبىرە ايتتى.
ءفيلمنىڭ تۇساۋكەسەرىنە سەركە قوجامقۇلوۆتىڭ قىزدارى – رەناتا, بالىم, ءماريام جانە ساليحا قوجامقۇلوۆالار قاتىسىپ, اكەلەرى تۋرالى ەستەلىكتەرىمەن ءبولىستى.
