«رۋحاني جاڭعىرۋ» باعدارلاماسى اياسىندا وتكەن رۋحاني كەشتەن ازىق الىپ قايتقان اعايىن سپەكتاكل سوڭىندا جارتى ساعات قول سوقتى.
«قار قىزى» پوۆەسىنىڭ العاشقى نۇسقاسى 1977 جىلى جازىلىپ, كەيىن قايتا وڭدەلىپ, 1984 جىلى ء«بىزدىڭ جاقتا قىس ۇزاق» جيناعىنا ەنىپتى. جازۋشى پوۆەستە تابيعاتتى نەگىزگى فون رەتىندە الا وتىرىپ, ونىڭ قۇپيا-سىرلارىمەن بىرگە ادام جان سىرىنىڭ قالتارىستارىن اشۋعا ۇمتىلادى. شىعارما سيۋجەتىندە, قىس ورتاسىندا مال ازىعى تاۋسىلىپ قالادى دا, ءۇش جىگىت (نۇرجان, باقىتجان, امانجان) اۋىلدان الىس, اق قار, كوك مۇزدى تاۋ اراسىنان تراكتورمەن ءشوپ اكەلۋگە شىعادى. ءبىر-بىرىنەن اينىمايتىن تاۋ شوقىلارىنىڭ اراسىندا جولدان اداسىپ, 40 گرادۋس سۋىقتا قاردىڭ تۇتقىنىندا قالادى. شوپتەن بۇرىن وزدەرىنىڭ ءۇسىپ ءولۋ قاۋپى تۋىپ, ءومىر مەن ءولىمنىڭ كۇرەسى باستالادى. مىنە, وسى كەزدە كىمنىڭ كىم ەكەنى تانىلىپ, ادامعا ءتان جاقسىلى-جاماندى ءارتۇرلى قاسيەتتەر اشىلا باستايدى. اۆتور مۇنى بىردەن جارقىراتىپ جايىپ تاستاماي, بىرتىندەپ جەتكىزىپ, مايدان قىل سۋىرعانداي ەتىپ,وقىرماننىڭ تاڭداۋىنا جايىپ سالادى. وسىلايشى سيۋجەت كەزەگىمەن شىم-شىتىرىق جالعاسا بەرەدى.
«قارا ءسوزدىڭ پاتشاسى عوي ول كىسى. بۇل جەردە تەاتردا ءتىل جوعالىپ كەتتى دەگەن سىندار بولىپ جاتادى. قازاقتىڭ تىلىنە, ءسوز مايەگىنە ءمان بەرىلگەن, ناعىز اكتەرلىك سپەكتاكل بولدى», – دەدى م. اۋەزوۆ اتىنداعى اكادەميالىق دراما تەاترىنىڭ ديرەكتورى ءسابيت ابدىحالىقوۆ.
ورالحان بوكەيدىڭ «قار قىزى» پوۆەسىنىڭ العاشقى نۇسقاسى 1977 جىلى جازىلعان. كەيىن قايتا وڭدەلىپ, 1984 جىلى ء«بىزدىڭ جاقتا قىس ۇزاق» جيناعىنا ەنگەن.
و. بوكەي شىعارمالارىنىڭ كوپشىلىگى ادامزاتتىڭ جانە عالامنىڭ جۇمباعىنا تەرەڭىنە بويلاۋدان تۋىنداعان. جازۋشى بۇل شىعارماسىندا دا تابيعاتتىڭ قۇپيا-سىرلارىنا ءۇڭىلىپ, ادام جانىنىڭ قالتارىستارىن اشۋعا ۇمتىلادى.
ورالحان بوكەيدىڭ «قار قىزى» پوۆەسىنىڭ شىنايى شىعارما بولىپ ءتۇزىلۋى - اۆتوردىڭ كورگەن-تۇيگەنى, ءوز باسىنان وتكەن وقيعالارى اسەر ەتكەندىگىنەن. ولاي دەيتىنىمىز, پوۆەستەگى نۇرجاننىڭ بولمىسىنان اۆتوردىڭ ءوزىن تانۋعا بولادى. وسى وقيعانىڭ ءوز باسىنان وتكەندىگىنە دالەل, ءبىر كەزدە ءوزىنىڭ اۋىلدا تراكتورشى بولىپ ەڭبەك ەتكەنىندىگى دە ەدى.
قالامگەردىڭ ومىردە تۇيگەندەرىن قورىتۋى, جيناقتاۋى دەگەن وسى. ال, قويىلىم كوڭىلدەن شىققان حالىق جارتى ساعات قول سوقتى.
الماتى
.
