قوعام • 13 جەلتوقسان، 2019

Qaganat جەلىسىنىڭ باس اسپازى – بالالار ۇيلەرىن 2 اي بويى ءدامدى اس دايىنداۋعا باۋلىدى

18 رەت كورسەتىلدى

ءبىزدىڭ قوعام ءدال قاسىمىزدا اتا-انالارىنىڭ ايالى الاقانى مەن تاربيەسىن كورە الماي ءوسىپ كەلە جاتقان بۋىننىڭ دا بار ەكەنىن ۇمىتپاۋعا ۇمتىلىپ كەلەدى. ءبىر قۋانارلىعى، بۇگىنگى تاڭدا وسى باعىتتاعى باستامالار لەگى كوبەيدى. ماسەلەن، Qaganat جەلىسىنىڭ برەند-شەفى ەكى اي بويى بالالار ءۇيى مەن مەكتەپ-ينتەرناتتىڭ جوعارى سىنىپ وقۋشىلارىن كاسىپقويلىق تۇرعىدا ءدامدى اس دايىنداۋعا باۋلىدى.

وسىلايشا، Qaganat قوعامدىق تا­ماقتانۋ جەلىسى مەن «ايالا» قايى­رىمدىلىق قورى اسپازدىق شەبەرلىكتىڭ ەكى ايلىق كۋرسى ارقىلى الماتى وبلىستىق №1 بالالار ءۇيى مەن وبلىستىق №15 مەكتەپ-ينتەرناتى وقۋشىلارىن ومىرگە قۇلشىندىرعان ساتتەرگە بولەدى.

«ايالا» قورىمەن بىرگە بالالار ۇيلەرى مەن مەكتەپ-ينتەرناتتاردىڭ وقۋشىلارىن اسپازدىق ونەرگە باۋلۋ جوباسىنا قاتىسقانىمىزعا وتە قۋا­نىشتىمىن. «ايالا» قورى – ءبىزدىڭ بايىرعى سەرىكتەسىمىز، سوندىقتان ونىڭ ساراپتامالارىنا سەنەمىن. ەگەر ءبىزدىڭ باعدارلامانىڭ تۇلەكتەرى كاسىپقوي مامان اتانىپ، قوعامدىق تاماقتانۋ سالاسىندا ەڭبەك ەتەتىن بولسا، مەن باقىتتى بولار ەدىم»، دەيدى Qagاnat جەلىسىنىڭ باس ديرەكتورى چينارا بۋگيمباەۆا.

مىنە، وسىلايشا برەند-شەف مارات گالەەۆ 9-11 سىنىپ وقۋشىلارى ءۇشىن 8 اسپازدىق ءدارىسىن وتكىزدى. شەف-اسپازدىڭ شەبەرلىك دارىستەرى بالالار ءۇشىن 2،5-3 ساعات بويى قىزىقتى جانە تۇسىنىكتى ءوتتى. مارات گالەەۆ اسپازدىق كۋرستاردا بالالار اسا قيىندىقسىز ءوز بەتىنشە دايىنداي الاتىن تاعامداردى تاڭداعان. ارينە، جاسوسپىرىمدەر ۇستازدىڭ جەتەك­شىلىگىمەن وزدەرى جاقسى كورەتىن تاعام­داردى قوسا ازىرلەۋدى ۇيرەنىپ وتىر.

اسپازدىق دارىستەر مارەگە جەتكەن كەزدە №15 مەكتەپ-ينتەرناتتىڭ جوعارى سىنىپ وقۋشىلارى باق وكىلدەرىمەن، «ايالا» قورىنىڭ قىزمەتكەرلەرىمەن جانە مارات گالەەۆپەن بىرگە فۋرشەت تاعامدارىن دايىندادى. بالالار ءۇشىن بۇل دا ۇلكەن مارتەبە بولدى. ادەت­تەگىدەي برەند-شەف ءدامدى ءارى پايدالى تاماق­تىڭ دۇرىس جانە تەز ازىرلەنۋىن كورسەتىپ قانا قويماي، فۋرشەتتىك ءما­زىردىڭ قىر-سىرىنا قانىقتىردى. شە­بەرلىك ساباعى اياقتالعاننان كەيىن بالالار اسپازدىق كۋرستارىن اياقتاعانى تۋرالى سەرتيفيكاتتار الدى.

وسى باستاما ارقىلى الماتى وب­لىستىق بالالار ءۇيى مەن مەكتەپ-ين­تەرناتتىڭ بىرنەشە ءجاسوسپىرىمى بولاشاقتا كاسىبي اسپاز بولۋدى جانە وسى باعىتتا ءبىلىم الۋدى جالعاستىرۋعا شەشىم قابىلداپتى. جوبا اياقتالعاننان كەيىن Qaganat وبلىستىق بالالار ءۇيىنىڭ ەكى بالاسىن ءبىلىمىن جەتىلدىرۋگە كومەكتەسۋگە دايىن ەكەندىگىن ءبىلدىردى.  

«ايالا» قورى «كاسىبي باعدارلاۋ» جوباسىن 6 جىل بويى ىسكە اسىرىپ كەلەدى. ء«بىز بالالار ۇيلەرى مەن مەك­تەپ-ينتەرناتتاردىڭ بالالارىنا بولاشاقتا ناقتى قانداي كاسىپ يەسى بولعىسىن كەلەتىنىن تۇسىنۋگە كومەك­تەسەمىز. سوندىقتان ولار ءۇشىن ۇيىم­داستىرىلاتىن كۋرستار مەن ساباق­تار تاجىريبە جۇزىندەگى داعدى ارقى­لى بولاشاق جۇمىسىن تۇسىنۋگە باعىت­تالعان»، دەدى «ايالا» قورىنىڭ پرە­زيدەنتى ايدان سۇلەيمەنوۆا.

 

الماتى

 

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ۇقساس جاڭالىقتار