ايماقتار • 12 جەلتوقسان، 2019

گاەتاننو دونيتسەتتيدىڭ «دون پاسكۋالە» وپەراسىن ءبىرىنشى الماتىلىق جۋرناليستەر تاماشالادى

51 رەتكورسەتىلدى

بۇگىن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا پرەمەراسى باستالاتىن گاەتاننو دونيتسەتتيدىڭ «دون پاسكۋالە» وپەرالىق قويىلىمىن ءبىرىنشى بولىپ  باق وكىلدەرى تاماشالادى.

الدىمەن ءباسپاسوز ءماسليحاتى ءوتىپ، الەمنىڭ 150 مەملەكەتىندە قويىلعان ايگىلى وپەرانىڭ ورالۋىنا بايلانىستى شىعارماشىلىق توپ  جۋرناليستەرگە سۇحبات بەردى.

جابىق كورسەتىلىم الدىندا اباي اتىنداعى  قماوبت ديرەكتورى، قر ەڭبەك سىڭىرگەن قايراتكەرى ايا قاليەۆا، قويۋشى-رەجيسسەر، كوستيۋمدەر بويىنشا سۋرەتشى ماتتەو ماتستسونە (يتاليا)، اباي اتىنداعى قماوبت باس ديريجەرى قانات وماروۆ، اباي اتىنداعى قماوبت وپەرا ترۋپپاسىنىڭ جەتەكشى ءسوليسى  (باس) تاير ءتاجى، اباي اتىنداعى قماوبت وپەرا ترۋپپاسىنىڭ جەتەكشى ءسوليسى  (باس) ءىلياس ارتىعاليەۆ، اباي اتىنداعى قماوبت وپەرا ترۋپپاسىنىڭ جەتەكشىسى ۇلان كەنجەبەكوۆ قاتىسىپ، جاڭا قويىلىم تۋرالى جان-جاقتى اڭگىمەلەدى.        

– ءۇش عاسىرعا كەزەگىمەن اۋىسىپ وتىراتىن ۋاقىتقا ساياحات يدەياسىن ءبىز كوستيۋمدەردىڭ ديزاينەرلىك شەشىمدەرىندە، ءارتۇرلى ءداۋىردىڭ سانىنە سايكەس ماتەريالدار مەن ورنەكتەرى ارقىلى جۇزەگە اسىرامىز. مۇنىڭ ءبارى «دون پاسكۋالە» وپەراسىنىڭ اجارىن اشىپ، اسەرىن جانداندىرادى، – دەيدى  قويۋشى-رەجيسسەر، كوستيۋمدەر بويىنشا سۋرەتشى ماتتەو ماتستسونە.

وسى ارادا تۇسىنىكتى بولۋى ءۇشىن ايتا كەتەلىك، «دون پاسكۋالە» وپەراسى قازاق ساحناسىنا 1955 جىلى شىعىپ، 2 جىلدان كەيىن رەپەرتۋاردان ءتۇسىپ قالعان.

ال بۇگىنگى كورەرمەن ءبىرىنشى رەت تەاتردىڭ تاريحىندا سپەكتاكلدىڭ بۋتافورلىق شەشىمدەرىنە ريزاشىلىقپەن تاڭداناتىن بولادى. ساحنادا العاش رەت ءزاۋلىم-ءۇي تۇرعىزىلىپ، قويىلىمنىڭ بارلىق ارەكەتتەرى ءسان-سالتاناتى كەلىسكەن ۇيدە ءوربيدى. وپەرانىڭ باستى كەيىپكەرى دون پاسكۋالە حح عاسىرداعى 50 جىلداردىڭ رۋحىن  سەزدىرۋ ءۇشىن ساحناعا VESPA موپەدىمەن شىققانىن دا كورەمىز.

بۇل وپەرا ەشقاشان وزەكتىلىگىن جويمايتىن قۋ دۇنيە، اقشا، بايلىق، ايەل ازاتتىعى  جايىندا بولماق. تۇبىندە ارمانى مەن ماحابباتىنا قاتار قول جەتكىزەتىن نورينانىڭ ءرولىن سوپرانولار زارينا التىنباەۆا مەن اناستاسيا كوجۋحاروۆالار ورىندايدى.

وپەرانىڭ ونە بويىندا كورەرمەندەر نورينانىڭ ءسات سايىن كۇشەيىپ، ۋاقىت وتكەن سايىن قۋات الىپ، عاسىرلارمەن بىرگە وزگەرگەنىنە كۋا بولماق.

وپەرادا «بەلكانتو» دەگەن تەرمين بار. مۇنى ءبىزدىڭ ءداستۇرلى انشىلەردىڭ تىلىمەن ايتقاندا ناشىنە كەلتىرىپ ورىنداۋ، ياكي  داۋسىڭ جەتسە ورىندايسىڭ.

«دون پاسكۋالە» ءبىزدىڭ اباي اتىنداعى وپەرا جانە بالەت تەاترى انشىلەرىنىڭ شاماسىن سىنايتىن سپەكتاكل بولعالى تۇر.

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

الماتى جاسىل قالاعا اينالادى

ەكولوگيا • 17 قاڭتار، 2020

ۇقساس جاڭالىقتار