ايماقتار • 12 جەلتوقسان، 2019

الماتىعا 62 جىلدان كەيىن ايگىلى «دون پاسكۋالە» وپەراسى ورالدى

67 رەتكورسەتىلدى

بۇگىن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا كوپتەن كۇتكەن 86 ماۋسىمنىڭ جاڭا پرەمەراسى باستالادى.

گاەتانو دونيتسەتتيدىڭ ەڭ تانىمال تۋىندىلارىنىڭ ءبىرى «دون پاسكۋالە» وپەراسىن بۇل جولى قازاق ساحناسىندا يتالياندىق رەجيسسەر، ستسەنوگراف، كوستيۋمدەر بويىنشا ديزاينەر ماتتەو ماتستسوني ساحنالايدى.  

ماتتەو ماتستسوني بۇل وپەرانى بۇكىل تاريحقا وتكەن عاسىرلارداعى ايەلدەردى ازات ەتۋ سيمۆولى رەتىندە نورينانىڭ كوزىمەن قاراۋ دەپ تۇسىندىرەدى. وسى ارقىلى بۇگىنگى كورەرمەن 1800 جانە 1950-جىلدار ارالىعىنا ساياحات شەگىپ، بۇگىنگى 2019 – ياعني، زاماناۋي يتاليانىڭ ءسان-سالتاناتى ورتاسىنا قاتار تاپ بولماق.

جاڭا قويىلىم يتالياندىق اتموسفەرا مەن ءستيلدى قايتا وڭدەۋدىڭ تالعامپاز ءمانى بار كۇردەلى ستسەنوگرافيالىق سيۋجەتتى قۇرايتىن كوپتەگەن سپەتس-ەففەكتىلەر مەن «ۋاقىتتان ۋاقىتقا اۋىساتىن» قوزعالىستاردى قامتيدى. زاماناۋي تەحنولوگيالار وپەرا الەمىمەن ۇيلەستىرىلىپ، تانىمال سۋرەتشى لۋكا ءاتيليدىڭ بەينە پروەكتسيالارمەن تولىقتىرىلعان.

دونيتسەتتيدىڭ ء«ۇش ءبولىمدى دراما-بۋففا» دەپ ءوزى اتاعان وپەراسىنىڭ سيۋجەتىندە، كورەرمەندەر باس كەيىپكەرلەر – قارت دون پاسكۋالەمەن (تاير ءتاجى، يلياس ارتاعاليەۆ)، ونىڭ جاس جيەنى ەرنەستومەن (دامير سادۆاكاسوۆ، ارتۋر گابديەۆ)، ايلاكەر دارىگەر مالاتەستامەن (ەميل ساكاۆوۆ، ولەگ تاتاميروۆ) جانە نورينا سۇلۋمەن (زارينا التىنباەۆا، اناستاسيا كوجۋحاروۆا) كەزدەسەدى.

«دون پاسكۋالە» وپەراسىنىڭ پرەمەراسى الماتى «الما-اتا» بولىپ تۇرعاندا، وسى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ساحناسىندا 1955 جىلدىڭ 9 قازانىندا تۇڭعىش رەت ساحنالانىپ، 2 جىلداي جۇرگەن.

سول كەزدە سپەكتاكلدىڭ رەجيسسەرى ا. باراننيكوۆ، قويۋشى-سۋرەتشىسى ا. مولدابەكوۆ، ديريجەرى ۆ. چەرنوۆ، حورمەيستەرى پ. وكرۋشكو، بالەتمەيستەرى يۋ. كوۆاليوۆ بولعان. تۇساۋكەسەرىندە باس پارتيالاردى: دون پاسكۋالەنى – قازاق كسر-ءنىڭ حالىق ءارتىسى، .كازاكەۆيچ، ەرنەستونى قازاق كسر-ءنىڭ حالىق ءارتىسى،  يۋ. ياكۋنين، نورينا – ن. كۋكلينا، دارىگەر مالاتەستا –  ن. ۆورونكوۆ ورىنداعان ەكەن. وپەرا تەاتردا ەكى جىل ساحنالانىپ، قايتا جاڭارتىلماعان.

وسىلايشا سان جىلداردان كەيىن گاەتانو دونيتسەتتيدىڭ ەڭ جاقسى وپەرالارىنىڭ ءبىرى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ساحناسىنا قايتا ورالدى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • 25 قاڭتار، 2020

ەلەكتىڭ سورى – التى ۆالەنتتى حروم

ەكولوگيا • 25 قاڭتار، 2020

بقو پوليتسياسى 440 وتباسىن تەكسەردى

ايماقتار • 25 قاڭتار، 2020

تۇركيادا جەر سىلكىنىسى بولدى

الەم • 25 قاڭتار، 2020

قىزىلوردا: قازالىداعى قونىس توي

ايماقتار • 25 قاڭتار، 2020

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار