بىرىنشىدەن, وسى ارقىلى وتباسى بيۋدجەتىن تولىقتىرۋدىڭ ورايى كەلسە, ەكىنشىدەن, قوماقتى تابىس تاباتىن ەڭبەككەردىڭ جۇمىس ىستەۋگە دەگەن ىنتاسى مەن قابىلەتى دە ارتا تۇسەدى. وسى ورايدا ءوندىرىسى وركەن جايعان وڭىردە تاريح قويناۋىنا كەتىپ بارا جاتقان بيىلعى 2019 جىلى 2000-نان استام كاسىپورىندا ىستەيتىن 33 مىڭنان اسىپ تۇسەتىن جۇمىسكەردىڭ ەڭبەكاقىسى جوعارىلاعانى – جاعىمدى جايت.
بۇگىنگى كۇنى بارشا قازاقستاندىقتاردىڭ قوس مەرەكەنىڭ قارساڭىندا تۇرعانى ءمالىم. مۇنىڭ ءبىرىنشىسى – ەسىك اتتاپ ۇلگەرگەن تاۋەلسىزدىك كۇنى بولسا, ەكىنشىسى – ودان كەيىن جالعاسىپ كەلەتىن جاڭا جىل مەرەكەسى. وسى مەرەيلى داتالاردىڭ قۇرمەتىنە وراي اقتوبە ايماعىندا ونەركاسىپ سالالارىندا ىستەيتىن قاراپايىم جۇمىسشىلاردىڭ بارىنە سىياقى بەرۋ تارتىپتەرى بەلگىلەندى. ونىڭ ورتاشا مولشەرى – سەكسەن مىڭ تەڭگە توڭىرەگىندە. ال, سىياقى قورىنىڭ جالپى سوماسى – بەس ميلليارد تەڭگەنى قۇرايدى.
