ايماقتار • 12 جەلتوقسان، 2019

قوستانايدا بالالارعا ارنالعان وڭالتۋ ورتالىعى اشىلدى

15 رەتكورسەتىلدى

ورتالىقتا وبدلىستىڭ بارلىق وڭىرلەرىنەن كەلگەن تۋعاننان 18 جاسقا دەيىنگى بالالار كەشەندى پسيحولوگيالىق-پەداگوگيكالىق تۇزەتۋ جانە وڭالتۋ كومەگىن الادى. ەرەكشە ورتالىق وسىدان ەكى جىل بۇرىن  بالالار ۇيىنەن بوساعان ءۇش قاباتتى عيماراتقا ورنالاستى. وندا ءبىر مەزگىلدە 100 بالا وڭالتۋ كومەگىن الا الادى. اۋدانداردان كەلگەن 50 بالا ينتەرناتقا جاتۋىنا بارلىق جاعداي جاسالعان.  ال قالعانى وبلىس ورتالىعىنان قاتىنايدى.

ورتالىقتا كابينەتتەر مەن قۇرالدار ەرەكشە وقىتۋدى قاجەت ەتەتىن بالالارمەن ساباق وتكىزۋگە بەيىمدەلىپ جاساقتالعان. ۇجىمدا 100 مامان جۇمىس ىستەيدى.ولاردىڭ اراسىندا 60 ماماننىڭ ءبىلىمى كاسىبي تالاپقا تولىق جاۋاپ بەرەدى. ورتالىقتىڭ اشىلۋ سالتاناتىندا وبلىس اكىمىنىڭ ورىنباسارى مارات جۇندىباەۆ اتا-انالار مەن پەداگوگتاردى بالالارعا ارنالعان جاڭا ءبىلىم بەرۋ ورنىمەن قۇتتىقتادى.

«وسىدان ەكى جىل بۇرىن مۇندا جەتىم بالالار ءۇيى بولاتىن. قازىر وبلىستا ءۇش بالالار ءۇي جابىلدى. ال بۇل يۋوساعان عيماراتتى ءبىز جاڭا ماقساتقا پايدالانىپ وتىرمىز. ماقساتىمىز دا قاستەرلى دەپ ايتۋعا بولادى. ەرەكشە كۇتىمدى، ەرەكشە وقىتۋدى قاجەتسىنەتىن بالالار وسىندا كەلەدى. بۇل اتا-انا ءۇشىن وتە ۇلكەن كومەك»، دەدى مارات قونىسباي ۇلى.

جالپى وبلىستا بارلىعى ەرەكشە وقىتۋدى قاجەتسىنەتىن 10 مىڭنان استام  بالا بار. بۇل جولى ارنايى كوميسسيانىڭ قاراۋىمەن تۇزەتۋ جانە وڭالتۋ جۇمىستارىنا 150 بالا تارتىلاتىن بولدى. ورتالىقتا بۇگىننەن باستاپ   مەڭدىعارا، قوستاناي، جىتىعارا اتسۋداندارىنان، قوستاناي قالاسىنان كەلگەن بالالارمەن ماماندار پەداگوگيكالىق، پسيحولوگيالىق تۇزەتۋ جۇمىستارىنا كىرىستى. ايتپاقشى، مارات جۇندىباەۆ  ورتالىق ديرەكتورىنا 3 ميلليون تەڭگەنىڭ سەرتيفيكاتىن تاىبس ەتتى. وعان ورتالىققا مونتەسسوري جۇيەسى جابدىقتالاتىن بولادى.

12

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ينۆەستيتسيالار يگىلىگى

ەكونوميكا • كەشە

ماقتاارالدا ديقانشىلىق باستالدى

ايماقتار • 16 قاڭتار، 2020

ۇقساس جاڭالىقتار