قازاقستان • 12 جەلتوقسان، 2019

ەلوردادا ÁMEN انيماتسيالىق كينوفەستيۆالىنىڭ تۇساۋكەسەرى ءوتتى

49 رەت كورسەتىلدى

نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسىنىڭ قولداۋىمەن جانە قازاقستان انيماتسيالىق كينوستۋديالار قاۋىمداستىعىنىڭ ۇيىمداستىرۋىمەن ÁMEN انيماتسيالىق كينوفەستيۆالىنىڭ تۇساۋكەسەرى وتكىزىلدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

ۇلتتىق انيماتسيا سالاسىنا ولشەۋسىز ۇلەس قوسقان  رەجيسسەر-انيماتور امەن قايداروۆتىڭ اتىمەن اتالعان  شارانىڭ قىزىل لەنتاسىن قيۋ شاراسىنا  نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسىنىڭ ديرەكتورى نۇرپەيىسوۆ ۇكىباي، «OzgeEpic» زاماناۋي ونەر كەڭىستىگىنىڭ جەتەكشىسى ماقپال جۇماباي، انيماتسيا مايتالماندارى ەرنست بەيسەيتوۆ، گالينا دۋسەنكو، تامارا مۋحانوۆا قاتىستى.

كينوفەستيۆالدىڭ ماقساتى – قازاق انيماتسياسىنىڭ دامۋىنا ىقپال ەتۋ جانە جاس دارىندارعا قولداۋ كورسەتۋ بولدى. شارا اياسىندا انيماتسيالىق كينوستۋديالاردىڭ كورمەسى  قالىڭ كوپشىلىككە تانىستىرىلدى.

Ámen Animation film festival قورجىنىنا 80-نەن استام ءوتىنىم كەلىپ ءتۇسىپ، بايقاۋعا 51 جۇمىس ىرىكتەلىپ الىنعانىن ايتا كەتكەن ءجون.

شاراعا «Dala animation»، «ساق» كينوستۋدياسى، «Ara studio»، «Anyz film»، «Rio animation»،  «Qazart»،  «Astana film»، «Glen» انيماتسيالىق اكادەمياسى جانە «Qgoo» گرافيكالىق وقىتۋ ورتالىعى  قاتىستى. شارا بارىسىندا سونداي-اق  بەلگىلى تاقىرىپتار بويىنشا كوميكستەر بايقاۋى دا وتكىزىلدى.

ۇمىتكەرلەر «ۇزدىك كاسىبي انيماتسيالىق فيلم»، «ۇزدىك رەجيسسەرلىك جۇمىس»، «ۇزدىك ستسەناري»، «ۇزدىك قويۋشى سۋرەتشى»، «ۇزدىك ستۋدەنتتىك جۇمىس»، «ۇزدىك مۋلتحيكايا»، «ادىلقازىلار جۇلدەسى»، «كورەرمەن كوزايىمى»، «ۇزدىك كوميكس» نوميناتسيالارى بويىنشا ماراپاتتالدى.


سوڭعى جاڭالىقتار

ۇقساس جاڭالىقتار