ينستيتۋت قابىرعاسىندا «ورلەۋ» باۇو» اق باسقارما ءتورايىمى گ.ك. احمەتوۆا, فيليال ديرەكتورلارى, ءبىلىم جانە عىلىم سالاسىنىڭ كورنەكتى قايراتكەرلەرى, جەرگىلىكتى اكىمشىلىك وكىلدەرىنىڭ قاتىسۋىمەن وتكەن شارادا ءبىرىنشى ورىن يەلەنگەن جۇلدەگەرلەر مەن 2,3-ورىن يەلەنگەن شىعىسقازاقستاندىق جەڭىمپازداردى ماراپاتتاۋ ءراسىمى ءوتتى. ماراپاتتاۋ سالتاناتى YouTube-تەگى «ورلەۋ ءبىلىم كانالى» بويىنشا كورسەتىلدى. كونكۋرستىڭ رەسپۋبليكالىق كەزەڭىنە وتكەن مۇعالىمدەرگە «ورلەۋ» باۇو» اق باسقارما ءتورايىمىنىڭ «العىس حاتى» بەرىلدى.
بىرىڭعاي اقپاراتتىق-ءبىلىم كەڭىستىگىندە زاماناۋي پەداگوگيكالىق تاجىريبەنى جيناقتاۋ جانە ناسيحاتتاۋ, پەداگوگتەردىڭ اقپاراتتىق-كوممۋنيكاتسيالىق جانە تەحنولوگيالىق قۇزىرەتتىلىكتەرىن ارتتىرۋدى كوزدەيتىن كونكۋرسقا قازاقستاننىڭ 1980 مۇعالىمى قاتىستى. وسىناۋ ءدۇبىرلى سايىسقا الماتى قالاسىنان 70-كە تارتا ۇستاز ءوز جۇمىسىن ۇسىنعان بولاتىن. كاسىبي بىلىكتىلىگى مەن شەبەرلىگى سىنعا تۇسكەن الامان بايگەدە الماتى قالاسىنان شىققان 5 جەڭىمپاز قاتارىندا 1-ورىندى لاريسا تياپۋحينا, «گەوگرافيا/جاراتىلىستانۋ مۇعالىمى», №144 مەكتەپ-گيمنازيا, 2-ورىن – اسەم دۇيسەنباەۆا, الماتى مەملەكەتتىك پوليتەحنيكالىق كوللەدجى, 3-ورىن – گۇلنۇر الماباەۆا, №174 مەكتەپ-گيمنازيا, 3-ورىن – گۋلبانۋم يسلاموۆا, ايگۇل كەنشىمباەۆا, «ازاماتتىق اۆياتسيا اكادەمياسى» اق اۆياتسيالىق كوللەدجى, 3 ورىن – اباي اتىنداعى قازۇپۋ اعا وقىتۋشىسى قايسار نۇرلىباەۆ بار. شاراعا قاتىسقان ۇستازدار ەلىمىزدىڭ ءبىلىم بەرۋ سالاسىندا وسىنداي اۋقىمدى كونكۋرستىق جوبانىڭ كەڭىنەن قانات جايۋى تۋرالى ۇسىنىستارىن ءبىلدىردى.
