قازاقستان • 12 جەلتوقسان، 2019

ب. ماكەن «قامقور» الەۋمەتتىك قىزمەت كورسەتۋ ورتالىعىنا باردى

8 رەتكورسەتىلدى

بۇگىن تاۋەلسىزدىك كۇنىنە وراي ەلوردا اكىمىنىڭ ورىنباسارى باقتيار ماكەن «قامقور» الەۋمەتتىك قىزمەت كورسەتۋ ورتالىعىنىڭ جۇمىسىمەن تانىسىپ، قىزمەتكەرلەرگە اكىمنىڭ جانە اكىمنىڭ ورىنباسارى اتىنان العىس حاتتاردى تاپسىردى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.


«قامقور» الەۋمەتتىك قىزمەت كورسەتۋ ورتالىعى 2005-جىلدان قۇرىلدى. قازىرگى ۋاقىتتا ورتالىقتا 248 ادام قىزمەت جاساپ، 348 ادام ارنايى الەۋمەتتىك قىزمەتتەر الۋدا. سوڭعى ءۇش جىلدىڭ ىشىندە 8 قىزمەت الۋشى قوعامعا قوسىلىپ، سونىمەن قاتار قامقورداعىلاردى قوعامعا بەيىمدەۋ ءۇشىن وزدىگىمەن تۇرۋعا ارنالعان ۇيلەر اشىلدى.

ال 2018 جىلى قالا اكىمدىگى مەن جۇمىسپەن قامتۋ جانە الەۋمەتتىك قورعاۋ باسقارماسىنىڭ قولداۋىمەن 100-ورىندىق جاڭا عيمارات سالىنىپ، قولدانۋعا بەرىلدى. جاڭا عيماراتتى سالۋ كەزەكتە تۇرعان 100-دەن استام ادامعا قىزمەت كورسەتۋگە جاعداي جاسادى. سونداي-اق 2018 جىلدان بەرى ورتالىقتا ەڭبەك تەراپياسى كابينەتتەرى، بي زالى، تۇزدى بولمە جۇمىس جاساي باستادى.

2019 جىلى ورتالىق اۋماعىن قورشاۋىنا كۇردەلى جوندەۋ جۇمىستارى جۇرگىزىلدى. قىزمەت الۋشىلاردىڭ قاۋىپسىزدىگى جانە ورتالىقتا تۇرۋىنا جاقسى جاعدايلار جاساۋ ءۇشىن ورتالىق اۋماعىنا اباتتاندىرۋ جۇمىستارى جۇرگىزىلۋدە.

ودان بولەك، «قامقور» الەۋمەتتىك قىزمەت كورسەتۋ ورتالىعىندا كوپتەگەن مادەني، سپورتتىق ساۋىقتىرۋ شارالارى وتكىزىلىپ تۇرادى. قىزمەت الۋشىلار Special Olympics باعدارلاماسى بويىنشا بۇكىلالەمدىك ارنايى وليمپيادالىق ويىندارعا قاتىسىپ وتىرادى. ايتا كەتسەك، 2017 جىلى اۆسترياداعى قىسقى بۇكىلالەمدىك ارنايى وليمپيادالىق ويىنداردا تاۋ شاڭعىسى ويىنىنان 3-التىن، 2-كۇمىس مەدال، 2018-جىلى ليۋكسەمبۋرگتا  بوچچەدەن 1-كۇمىس، 2-قولا مەدال، 2019-جىلى ءباا ابۋ-دابي قالاسىندا بادمينتوننان 4-ورىن الدى.


1

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار