ايماقتار • 12 جەلتوقسان، 2019

«قايىربولاتتى قايتارىڭدار!»

397 رەتكورسەتىلدى

ماس كۇيىندە كولىك جۇرگىزىپ، كورشىسىنىڭ اۋلاسىن سوققان شەنەۋنىكتى قورعاۋعا اۋىلداستارى بەل شەشە كىرىسكەن سىڭايلى.

وقيعا بىلاي وربىگەن. قىزىل­جار اۋدانى ياكور اۋىلدىق وكرۋگىنىڭ اكىمى قايىربولات چەح­مانوۆ ءتۇن قاراڭعىلىعىندا «اقاڭا» سىلقيا تويىپ الىپ، شاماسى رۋلگە يە بولا الماسا كەرەك، ءبىر ءۇيدىڭ شارباعىن سۇزە-مۇزە توقتاعان. ونىڭ اياعىن ازەر باسىپ، تالتىرەكتەپ تۇرعان مۇشكىل ءحالىن ءبىر اۋىلداسى الەۋمەتتىك جەلى ارقىلى تاراتىپ جىبەرگەن. وقىس وقيعا وبلىس باسشىلىعىنا دەيىن جەتىپ، قاراماعىنداعى قىزمەتكەرلەرگە باقىلاۋدى بوساڭسىتقانى ءۇشىن اۋدان اكىمى جانات سادۋاقاسوۆقا سوگىس جاريالاعان. وسىمەن ء«ىس ءبىتتى، قۋ كەتتى» دەگەندەي سوڭعى نۇكتە قويىلۋى كەرەك ەدى. جوق، مىنا قىزىقتى قاراڭىز. ەكس-اكىمنىڭ ءبىر توپ اۋىلداسى قول جيناپ، ءتيىستى ورىندارعا حات جولداعان. وندا چەحمانوۆتىڭ ىسكەرلىك قاسيەتتەرى بۇگە-شىگەسىنە دەيىن ءتىزىلىپ، بۇرىنعى قىزمەتىنە قايتارۋ سۇرالعان. ول كەلگەلى اۋىز سۋ، جول، جارىق ماسەلەلەرى تۇبەگەيلى شەشىلگەن. مەكتەپكە باراتىن باتپاق جولعا قيىرشىق تاس توسەلىپ، كوشەلەرگە جا­رىق شامدار ورناتىلعان. قور­­­عاۋ­شىلاردىڭ سوزدەرىنە قارا­عاندا، قورشاۋدى قيراتتى دەگەن ادامنىڭ ءسوزى – جاپتىم جا­لا، جاقتىم كۇيە. حات «دۋالعا ەش­قانداي سىزات تۇسپەگەن. ءبىر قا­تەلىگى ءۇشىن قىزمەتتەن كەتى­رۋمەن كەلىسپەيمىز»، دەگەن ۇلكەن ۇمىتكە تولى لەپپەن اياقتالعان. باق وكىلدەرى تاراپىنان بەينەتاس­پا يەسى نەگە الەۋمەتتىك جەلىنى شۋلاتىپ ءجۇر دەگەن سۇراققا بۇرىننان كەلە جاتقان ىشكى ەگەسى بار ەكەن، «قاقپانىنا» ءتۇسىرىپ، بوپسالاعان كورىنەدى. ول تالابى ورىندالماعان سوڭ تورتكۇل دۇنيەگە تاراتىپ جىبەرگەن، دەگەن ءۋاجدى العا تارتادى. ونىڭ اق-قاراسىن ءتيىستى ورىندار انىقتاي جاتار.

ءبىزدى تاڭعالدىرعانى، لاۋازىم تۇتقاسىن بار-جوعى ءبىر جىل عانا ۇستاعان ەكس-اكىمنىڭ وسىنشا وراسان شارۋا تىندىرعانى ەمەس. قىزىلجار اۋداندىق اكىمدىگىنىڭ اپپارات جەتەكشىسى قۋانىش ساربالينوۆتىڭ مالىم­دەۋىنشە، ق.چەحمانوۆ ءوز ەر­كىمەن ارىز جازىپ كەتكەنگە ۇقسايدى. وقيعا بولعانعا دەيىن بە، الدە كەيىن بە، ول اراسى اشىپ ايتىلمايدى. ەرسى قىلىعىمەن كوزگە تۇسكەن ارەكەتى ادەپ كودەكسىنە قايشى بولا تۇرا جازاسىز سىتىلىپ كەتۋى قالاي دەگەن زاڭدى سۇراق تۋادى. اگاراكي، وقيعا بولار كۇننەن بۇرىن ءوز ىقتيارىمەن بوساتىلسا، قىزمەتتىك كولىكپەن ءجۇرۋ قۇقىعىن كىم بەرگەن؟ ايتا بەرسە، ءدۇدامال تۇستار كوپ. اۋىل­داستارى اياق-قولىن جەرگە تيگىز­بەي ماقتاعان شەنەۋنىكتىڭ جاپ-جاقسى قىزمەتىنەن ىڭ-شىڭ­سىز تابان جالتىراتۋى تۇ­سىنىكسىز.

جەرگىلىكتى بيلىك ياكورلىق­تاردان جوعارىداي بەلسەندىلىك كۇتپەگەن بولۋ كەرەك، اۋىلدىق اكىمدىككە قايتا ورالۋىنا قارسى ەمەسپىز دەگەن ىمىرا كەلىسىمگە پاتۋالاسقان سەكىلدى. بىراق اكىم رەتىندە ەمەس، قاتارداعى قىز­مەتكەردىڭ ءبىرى ەسەبىندە. ءسويتىپ كەلىسىمشارت بويىنشا قىزمەت ۇسىنىلعان. وسىلايشا «قايىربولاتتى قايتارىڭدار» دەگەن تالاپ تولىق ورىندالماسا دا بيلىكتى ءبىراز ىعىستىرىپ العاندارىنا قاراعاندا كەلەسى جىلى وتەتىن اۋىل اكىمى سايلاۋىندا باستى ۇمىتكەر رەتىندە ۇسىنىپ جىبەرۋلەرى دە ابدەن كادىك.

 

سولتۇستىك قازاقستان وبلىسى

 

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

بالا اۋىرسا، ءبارىمىز جاۋاپتىمىز

مەديتسينا • بۇگىن، 06:48

اباي ءسوزى – قازاقتىڭ بويتۇمارى

قازاقستان • بۇگىن، 06:36

ۇقساس جاڭالىقتار