قوعام • 12 جەلتوقسان، 2019

ۆولونتەرلەر باس قوستى

15 رەتكورسەتىلدى

ەلوردادا ۆولونتەر جىلى مەن حالىقارالىق ۆولونتەرلەر كۇنىنە وراي رەسپۋبليكالىق ۆولونتەرلەر فورۋمى ءوتتى. القالى جيىندا ەلىمىزدىڭ تۇكپىر-تۇكپىرىنەن كەلگەن ىزگى نيەتتى جاستار باس قوستى.

اقپارات جانە قوعامدىق دامۋ مينيسترلىگى مەن «ازاماتتىق باس­تامالاردى قولداۋ ورتالىعى» كوممەرتسيالىق ەمەس اقتسيونەرلىك قوعامىنىڭ ۆولونتەرلىك باستامالاردى دامىتۋ ماقساتىندا ەكى كۇنگە جوسپارلانعان شارا اياسىندا ەلىمىزدىڭ ۇزدىك ۆولونتەرلەرى ماراپاتتالدى. 

جاستاردى حالىقارالىق ۆولونتەرلەر كۇنىمەن قۇتتىقتاۋعا كەلگەن اقپارات جانە قوعامدىق دامۋ ءمينيسترى داۋرەن اباەۆ «ەڭ الدىمەن، قوستاناي قالاسىندا وتكەن فورۋمدا 2020 جىلدى ۆولونتەر جىلى دەپ بەلگىلەۋدى ۇسىنعان ۆەرا كيم حانىمعا ايرىقشا العىسىمدى بىلدىرەمىن. جالىندى جاستاردىڭ جىلىن ءتامامداپ، ۆولونتەر جىلىنا قادام باستىق. ال وسى ساتتە «Media-ۆولونتەر» اتالىمىنىڭ جەڭىمپازدارىن ماراپاتتاۋ مەن ءۇشىن اسا ماڭىزدى بولىپ تۇر. سەبەبى ۆولونتەرلەر اتاق-ابىروي ءۇشىن ەمەس، جۇرەك قالاۋىمەن جۇمىس ىستەيدى. سوندىقتان بۇقارا حالىقتى وسىنداي يگى ىسكە باستاۋدا مەديا سالاسىنىڭ ماڭىزى جوعارى. مedia-ۆولونتەر قاشان دا الدىڭعى قاتاردا، كوش باسىندا بولۋى ءتيىس»، دەدى.

ال بۇۇ-نىڭ قازاقستانداعى تۇراقتى ۇيلەستىرۋشىسى نوريماسا شيمومۋرا ءوز كەزەگىندە ۆولونتەر­لەردى ماراپاتىمەن قۇتتىقتاي وتىرا، «جۋىردا قازاقستانننىڭ ءبىر ايماعىندا جۇمىس ساپارىمەن بولدىم. وندا دا وسىعان ۇقساس كەزدەسۋ ۇيىمداستىرىلدى. سول كەزدە بۇعان دەيىن ەش جەردە الماعان ەنەرگيا الىپ ەدىم. بۇگىنگى العان ەنەرگيام ودان دا اسىپ ءتۇستى. ەڭ جوعارى ەنەرگيا – وسىندا! قازىرگى تاڭدا مەن قىزمەت ەتەتىن بىرىككەن ۇلتتار ۇيىمىندا الەم بويىنشا 8 مىڭ ەرىكتى جۇمىس ىستەيدى. سونىڭ ىشىندە قازاقستان ازاماتتارى دا بار»، دەدى.

«ۇلتتىق ۆولونتەرلىك جەلى» زاڭدى تۇلعالار بىرلەستىگى ۇيىم­داس­تىرعان شارا جۇمىسى بىرنەشە سەك­تسيالارعا بولىنگەن. قازاقستاننىڭ بارلىق وڭىرلەرىنەن 200 كۆوتانى، سونداي-اق 60 حالىقارالىق كۆوتانى قوسا العاندا، 1000-عا جۋىق قاتىسۋشى بولادى. سونىمەن بىرگە «قازاقستاننىڭ قىزىل جارتى اي» قوعامى، «Beeline قازاقستان»، بۇۇ ۆولونتەرلەر باعدارلاماسى، بۇۇ ايەلدەر قۇرىلىمى، يۋنيسەف سياقتى حالىقارالىق ۇيىمداردىڭ ساراپشىلارى شاقىرتىلعان.

ماماندار ءبىلىم، ەكولو­گيا، ۇجىم­دىق ەرىكتىلىك تاقىرىپ­تار­ىندا بايانداما جاساپ، شەبەرلىك سىنىپتارىن وتكىزدى. فورۋم تا­قىرىپتارى حالىقارالىق جانە ۇجىمدىق ەرىكتىلىككە دە ارنالعان. ۇيىمداستىرۋشىلاردىڭ اقپا­راتىنا سۇيەنسەك، جيىنعا 14 پەن 82 جاس ارالىعىنداعى ازاماتتار كەل­گەن. ارقايسىسى وسى سالاداعى ءوزى­نىڭ تاجىريبەسىمەن ءبولىستى. ماسە­لەن، قازاقستانداعى شەت مەملە­كەتتەر ەلشىلەرىنىڭ جۇبايلارى اسسوتسياتسياسىنىڭ ۆيتسە-پرەزيدەنتى حيتومي شيمومۋرا نۇر-سۇلتان قالاسىندا جىل سايىن وتەتىن جاڭاجىلدىق جارمەڭكە تۋرالى ايتىپ بەردى. حيتومي شيمومۋرا قازاقستانداعى ەلشىلىكتەر ۇسىن­عان لوتتاردى ساتقاننان كەلگەن اقشانى مۇقتاج وتباسىلارعا كەرەك-جاراقتارىن، مۇمكىندىگى شەكتەۋلى جاندارعا مۇگەدەكتەر ارباسىن الۋعا جۇمسايتىنىن ايتتى. بيىلعى شاراعا 53 ەلشىلىك پەن 16 ۇيىم اتسالىسقان. سونداي-اق بۇۇ سياقتى حالىقارالىق ۇيىمدار بيىل العاش رەت قاتىسىپتى. 

«ۇلتتىق ۆولونتەرلىك جەلى» زتب اتقارۋشى ديرەكتورى تاتيانا مير­ونيۋك «بۇگىن حالىقارالىق مامانداردان تاجىريبە جيناۋعا زور مۇمكىندىك تۋىپ وتىر. ماسەلەن، وسى شارادا ەرەكشە كۇتىمدى قا­جەت ەتە­تىن ادامدارمەن جۇمىس ىستەۋ­دى، تەاتر­لىق قويىلىمدارعا قاتىس­تى­رۋ تۋرالى ءبىراز ساباق الدىق»، دەيدى. 

2019 جىلدىڭ ۇزدىك ۆولونتەر­لەرىنە كەلسەك، «Ethno-ۆولونتەر» اتالىمى بويىنشا حالقىمىزدىڭ تاريحي-مادەني قۇندىلىقتارىن دارىپتەۋگە اتسالىسقان بەكبولات تولەگەن ۇلى، «ۇجىمدىق ۆولونتەر» اتالىمى بويىنشا «Green Tal» سەرىكتەستىگىنىڭ قۇرۋشىسى ەمين اسكەروۆ، «Socio-ۆولونتەر» اتالىمى بويىنشا «جەڭىس»، «تالانت سىيلاۋشىلار» الەۋمەتتىك جوبالارىنىڭ ۆولونتەرى بەكجان الىشەر، «جانۋارلارمەن جۇمىس» اتالىمى بويىنشا سۆەتلانا ماتيۋح كوش باستادى. «توتەنشە جاعدايلار بويىنشا ەرىكتى» – تاتيانا كوسارەۆا، «حالىقارالىق ۆولونتەر» – دينارا سارانوۆا، «Event-ۆولونتەر» – فارحات ماكى­شەۆ ماراپاتتالىپ، مەديتسينا سالاسىنا ۇلەس قوسقان ەرىكتى ارمان قاسىموۆ پەن «Eco-ۆولونتەر» الان بەسەن، «Media-ۆولونتەر» اتالىمى بويىنشا دياس كامەريدانوۆ تا ۇزدىكتەر قاتارىنان كورىندى.  اتالعان ۆولونتەرلەر تمد ەلدەرى اۋماعىن ارالاۋ مۇمكىندىگىنە يە بولدى.

 

سۆەتلانا عالىمجانقىزى،

راۋان قابيدولدا،

«Egemen Qazaqstan»

 

سوڭعى جاڭالىقتار

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

تەكەلى – ەڭبەكشىلەر مەكەنى

ايماقتار • 17 قاڭتار، 2020

جەر يەسىن تاپسا يگى

ايماقتار • 17 قاڭتار، 2020

ءوزارا تەڭ دارەجەلى ارىپتەستىك

قوعام • 17 قاڭتار، 2020

قالا ماڭىنداعى مەكەندەر داميدى

ايماقتار • 17 قاڭتار، 2020

ماڭىزى جوعارى جايتتار قوزعالدى

پارلامەنت • 17 قاڭتار، 2020

عاسىرلارعا ۇلاسار ۇلى تۇعىر

رۋحانيات • 17 قاڭتار، 2020

«ادىلەت، شاپقات كىمدە بار...»

رۋحانيات • 17 قاڭتار، 2020

ۇقساس جاڭالىقتار