رۋحانيات • 11 جەلتوقسان، 2019

مەموريالدى مۋزەيدە نۇرعيسا تىلەنديەۆتىڭ نوتالىق قولجازبالارى ساقتالعان

32 رەتكورسەتىلدى

«قازاقتىڭ ايگىلى كۇيشى-سازگەرى، ديريجەر، كەمەل دومبىراشى نۇرعيسا تىلەنديەۆ XX عاسىردا قازاق حالقىنىڭ ۇلتتىق مۋزىكا مادەنيەتىندە اسا كورنەكتى شىعارمالار قالدىرىپ، ۇلتتىق مۋزىكا تاسقىنىن وتە بيىك دەڭگەيدە بۇكىل الەمدىك ونەر دارياسىنا اپارىپ قوسقان ۇلى تۇلعا.

ۇلى سازگەر 1925 جىلى 1 ساۋىردە الماتى وبلىسىنىڭ (ۇزىناعاش اۋىلىنىڭ باس جاعىنداعى جايلاۋدا) شيلىكەمەر اۋىلىندا دۇنيەگە كەلگەن. توپىراق بۇيىرعان جەرى الماتى وبلىسى، جامبىل اۋدانى، جامبىل اۋىلىنداعى جامبىل كەسەنىسىنىڭ ىرگەسى (1998ج.). نۇرعيسا تىلەنديەۆ – قازاقتىڭ مۋزىكالىق مادەنيەتىندە وشپەس ءىز قالدىرعان دارا تۇلعا. ول – قازاق توپىراعىنداعى ەجەلگى قورقىت، اسانقايعى، كەتبۇعا، بەرتىندەگى قۇرمانعازى، قازانعاپ، داۋلەتكەرەي، تاتتىمبەت، بايسەركە، دينا سەكىلدى ۇلى كومپوزيتورلار، سازگەرلەر مەن سال-سەرىلەردىڭ مۋزىكالىق ءداستۇرىن وتكەن عاسىردا (حح ع.) تاماشا دامىتىپ، ءوز ۇلەسىن كەيىنگى ۇرپاققا ماڭگىلىك مۇرا رەتىندە قالدىرعان ايرىقشا تالانت يەسى» دەلىنگەن مۋزەي تاريحىنداعى دەرەكتەردە.

كسرو-نىڭ جانە قازاقستاننىڭ حالىق ءارتىسى، قازاقستان رەسپۋبليكاسى مەملەكەتتىك سىيلىعىنىڭ يەگەرى، «حالىق قاھارمانى» نۇرعيسا اتاباي ۇلى تىلەنديەۆتىڭ مەموريالدىق مۋزەيى الماتى قالاسى اكىمنىڭ ارنايى قاۋلىسىمەن 2014 جىلدىڭ 16 مامىرىندا حالىقارالىق مۋزەيلەر كۇنىنە وراي اشىلدى.

نۇرعيسا تىلەنديەۆتىڭ مەموريالدى مۋزەيىندە جاساقتالعان ەكسپوزيتسيالار ءتورت بولمەگە ورنالاستىرىلعان. كىرەبەرىس، قوناق بولمە، جۇمىس بولمەسى، اس ءۇي جانە دەمالىس بولمەسى. مۋزەيدە نۇرعيسا تىلەنديەۆتىڭ جەكە ءومىرى مەن شىعارماشىلىعىنان سىر شەرتەتىن، باعى مەن بايلىعىنا اينالعان مۋزىكالىق اسپاپتارى، اۋەزدى اندەرى مەن كۇمبىرلەگەن كۇيلەرىنىڭ قولجازبالارىنىڭ تۇپنۇسقالارى، كىتاپتارى، فوتوسۋرەتتەرى، ديريجەرلىق جانە كونتسەرتتىك كيىمدەرى، جەكە قولدانعان كوپتەگەن زاتتارى ساقتالعان. وسىنىڭ ءبارى ن. تىلەنديەۆتىڭ انشىلىك، كۇيشىلىك، كومپوزيتورلىق رۋحى، كۇش قۋاتى ءبىر باسىندا توعىسقان جاراتىلىسى جومارت ءبىرتۋار جان بولعانىن كورسەتەدى.

قازاق مۋزىكا مادەنيەتىندە نۇرعيسا تىلەنديەۆتىڭ مول مۋزىكالىق مۇراسى ەرەكشە ورىن الادى.  ۇلى سازگەر 500-دان استام ءتول تۋىندىنىڭ اۆتورى. ۇلى سازگەردىڭ سۇيىكتى شىعارمالارى «دوستىق جولىمەن»، «مەنىڭ قازاقستانىم» كانتاتاسىنىڭ، قۇددىس قوجامياروۆپەن بىرلەسىپ جازعان «التىن تاۋلار» وپەراسىنىڭ، وركەستر ءۇشىن جازىلعان شىعارمالارى «اققۋ»، «اڭساۋ»، «ارمان»، «اتا تولعاۋى»، «القيسسا»، «قورقىت تۋرالى اڭىز»، «كوش كەرۋەن»، «ماحامبەت» سياقتى كۇيلەرى مەن  «سارىجايلاۋ»، «الاتاۋ»، «اق جايىق»، «اق قۇسىم»، ء«وز ەلىم» ت.ب. حالىقتىڭ جۇرەگىنەن وشپەستەي ورىن العان كوپتەگەن ءان-كۇيلەرىنىڭ  پارتيتۋرالارى مەن نوتالىق قولجازبالارى وسى ەكسپوزيتسيادان ورىن العان. سونداي-اق، قىرىقتان استام پەساعا، «قىز جىبەك»، «قيلى كەزەڭ»، «كوكسەرەك»، «مەنىڭ اتىم قوجا»، «قارلىعاشتىڭ قۇيرىعى نەگە ايىر؟»، «اقساق قۇلان» سىندى ەكران ونەرىنىڭ كلاسسيكاسىنا اينالعان جيىرمادان استام فيلمدەرگە مۋزىكا جازعان.

 

الماتى

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

بالا اۋىرسا، ءبارىمىز جاۋاپتىمىز

مەديتسينا • بۇگىن، 06:48

ۇقساس جاڭالىقتار