ايماقتار • 11 جەلتوقسان، 2019

رۋحاني راۋىشتەگى تارتۋ

113 رەتكورسەتىلدى

لەۆ تولستوي اتىنداعى وب­لىس­تىق امبەباپ جانە عى­لى­­مي كىتاپحانادا كوپجىل­­دان بەرى جاراسىمدى داس­­تۇرلەر قالىپتاسقان. وقىر­­مانداردىڭ قۇندى جانە كونە كىتاپ­تاردى تاپسى­رۋى داستۇرگە اينالىپ قا­نا قويماي، كىتاپ­حانا سو­رە­سىن بايىتا تۇسەتىن. بىراق بۇل جولى ءبىلىم وتاۋىنىڭ ەسى­گىن اشقان گۇل­امىر سان­تەمى­روۆانىڭ جاسا­عان قادا­مى تىم ەرەكشە ءارى تاڭعا­لار­لىق ەدى.

 – ءيا، گۇلامىر ەردەنقىزى كى­تاپ­­حانا باسشىلىعىنا كىر­گەندە وعان توسىرقاي قا­راعا­نىمىز راس. ال ول كىسى اڭگىمە باستاعاندا، ءتىپ­تى تا­ڭىر­قادىق. ويتكەنى گۇلامىر اپامىز 500 مىڭ تەڭ­گەگە كىتاپحاناعا كىتاپ الىپ بەرەتىنىن ايتتى. «وقىرمان ءۇشىن بۇ­گىندە قانداي كىتاپ­تار وزەكتى، قانداي كى­تاپتار كەرەك، سونى ايتىڭىزدار ءارى ونى وزدەرىڭىز تابىڭىزدار. مەن قارجىسىن تولەيمىن» دەگەندە ابدىراپ قالدىق، – دەيدى كىتاپ­حانا ديرەكتورىنىڭ ورىنباسارى گۇلميرا شوقا­نوۆا.

كىتاپحانا قىزمەتكەرلەرى الدىمەن وقىرماندار سۇرا­نىسىن مۇقيات زەرتتەپ، كىتاپ اتاۋلارى مەن اۆتور­لاردىڭ ءتىزىمىن جاسا­دى. ولاردىڭ قا­تارىنا قا­زاق ادە­بيەتى كلاس­­سيكتە­رىنىڭ، قازىرگى تانى­مال جازۋشى­لار­دىڭ شىعار­ما­لارى، اۋدار­مالار، پسيحولوگيا سالا­سىن­داعى سۇرانىسقا يە سيرەك باسىلىمدار كىردى. ولار گۇلامىر ەردەنقىزىنىڭ قا­تىسۋىمەن كىتاپ دۇكەنىنەن وسى كىتاپتاردى ساتىپ الدى. دەمەۋشى وسى جولى عانا 300 مىڭ تەڭ­گەنىڭ سىرتىندا قار­جى شىعارىپتى.

نۇر-سۇلتان قالاسىندا تۇ­را­تىن گۇلامىر سانتەمىروۆا نە­گە مۇنداي قادامعا بارعانىن كىتاپ­حانا قىزمەت­كەرلەرىنە شەشىلە ايتىپ بەرىپتى. بيىل اكەسى ەردەن جالمۇحامبەت ۇلى سان­تەمىروۆتىڭ تۋعانىنا 100 جىل تولىپتى. ول قوستاناي وبلىسىنداعى سارى­كول اۋدا­نىنىڭ تۋماسى ەكەن. قارا­پايىم جان تۋعان جەردە ەڭ­بەك ەتەدى، بالالارىن وسىرەدى. گۇل­امىر اكەسىنىڭ تۋعا­نىنا ءبىر عاسىر تولعانىن قالاي دا اتاپ وتكىسى كەلەدى. بىراق ات شاپ­تىرىپ، شاشىلىپ اس بەر­مەپتى. ويلانا كەلە اكەسىن ەسكە الۋدىڭ ەڭ دۇرىس جولى تۋ­عان جەردە ءبىر پايدالى اك­تسيا جاساۋ دەپ شەشىپتى. اكەسىنىڭ «كىتاپ وقىڭدار، بالا­لارىم!» دەيتىن ءسوزى ەسىنەن شىقپايتىن.

سىيعا تارتىلعان كىتاپتار كى­تاپ­­حانانىڭ ابونەمەنتتەر بولى­مىندەگى ارنايى ءبىر سورە­گە ورنا­لاستىرىل­دى.وقىر­­­­ماندار قى­زىقتاپ، كەرەك كىتاپتارىن الىپ جاتىر. بۇ­گىنگى ۇر­پاقتى ەردەن اتاي­­دىڭ ارۋاعى جەبەگەندەي، اكە الدىنداعى ءوزىنىڭ ءبىر پارىزى ورىندالعانداي گۇلامىر ەردەن­قىزى دا قايى­رىمدى ىسىنەن رۋحاني بايى­عان­داي بولىپ  كەتتى.

 

قوستاناي

 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار