قازاقستان • 11 جەلتوقسان، 2019

سارمات كوسەمى سانكت-پەتەربۋرگكە «ساپارلادى»

29 رەتكورسەتىلدى

اتىراۋداعى ارالتوبە قورعانىنان التىن ادام تابىلعانىنا بيىل – 20 جىل. سارمات كوسەمى – ەكىنشى التىن ادام ءا.مارعۇلان اتىنداعى ارحەولوگيا ينستيتۋتىنىڭ جەتەكشىسى زەينوللا ساماشەۆ باستاعان ەكسپەديتسيانىڭ قازبا جۇمىستارى كەزىندە توپىراق استىنان ارشىلىپ الىنعان ەدى.

ەلباسى باعدارلامالىق ماقالاسىندا: «كەيىنگى جىلدارى تابىلعان تاريحي جادىگەرلەر ءبىزدىڭ بابالارىمىزدىڭ ءوز زامانىنداعى ەڭ وزىق، ەڭ ۇزدىك تەحنولوگيالىق جاڭالىقتارعا تىكەلەي قاتىسى بار ەكەنىن ايعاقتايدى. بۇل جادىگەرلەر ۇلى دالانىڭ جاھاندىق تاريحتاعى ورنىنا تىڭ كوزقاراسپەن قاراۋعا مۇمكىندىك بەرەدى»، دەپ اتاپ ايتتى. ءوزىمىز عانا تاماشالاپ قويماي، كۇللى الەمگە كورسەتۋگە لايىق مادەني مۇرانى ناسيحاتتاۋ ىسىنە ەرەكشە ءمان بەرىلۋدە. سونىڭ ءبىر ايعاعى – رەسەيدىڭ سانكت-پەتەربۋرگ قالاسىنداعى ەتنوگرافيالىق مۋزەيدە اشىلعان «قازاقستاننىڭ التىن مۇراسى» كورمەسى.  كورمەگە التىن اداممەن قاتار سارمات كەزەڭىنىڭ جادىگەرلەرى – التىن جاپسىرمالار، قىش ىدىستار، جەبە ۇشتارى مەن مونشاقتار، قولا اينالار مەن قۇمىرالار، بارلىعى 600-گە جۋىق قۇندى دۇنيە قويىلدى.

– قورعاننان تابىلعان ەر ادامنىڭ كيىمى التىن جاپسىرمالارمەن بەزەندىرىلگەن، شاشىن تۇيگەن بايلامشاسى، جانىنداعى قارۋ-جاراقتارى، قورامساق جيەكتەرى، اساتاياعىنداعى سامۇرىق بەينەسىنە دەيىن التىنمەن اپتالىپ، اشەكەيلەنگەن. مۇنىڭ ءوزى بۇل ادامنىڭ تايپا كوسەمى، قولباسشى نەمەسە ءدىني ابىز ادام بولعانىن دالەلدەسە كەرەك. ارالتوبە قورعانى قۇلسارى قالاسىنىڭ سولتۇستىك-شىعىسىنان 65 شاقىرىمدا، اقمەشىتتىڭ وڭتۇستىك-باتىسىندا ورنالاسقان. عىلىمي دالەلدەمەگە سايكەس، بۇل التىن كيىمدى ادامنىڭ ءومىر ءسۇرۋ كەزەڭى ەكى مىڭ جىل بۇرىنعى سارماتتار داۋىرىنە جاتادى، – دەيدى اتىراۋ وبلىستىق تاريحي-ولكەتانۋ مۋزەيىنىڭ باسشىسى راشيدا حاريپوۆا.

رەسەيگە التىن ادامدى الىپ بار­عان مۋزەي قىزمەتكەرلەرى كورمەگە قىزى­عۋ­شىلىق تانىتقاندار قاتارى كوپ ەكەنىن ايتادى. قازاقستاننىڭ سانكت-پەتەر­بۋرگتەگى باس كونسۋلى باۋىرجان دوسمانبەتوۆ تە بۇل شارانىڭ ەكى ەل اراسىنداعى مادەني قارىم-قاتىناسىنا سونى سەرپىن بەرەتىنىن اتاپ ءوتتى. ال سانكت-پەتەربۋرگ ۇكىمەتىنىڭ ءتۋريزمدى دامىتۋ كوميتەتىنىڭ ەلشىسى اندرەي ماتسارين: «التىن ادام ەكى جاقتىڭ تۋريستىك سالاسىن دامىتۋدا باستى قۇرال دەپ بىلەمىن. پەتەربۋرگ – تۋريستىك قالا، مەنىڭ ويىمشا وسى كورمەدەن كەيىن سىزدەر جاققا تۋريستەر اعىلادى، ويتكەنى التىن ادام كوپشىلىكتىڭ قىزىعۋشىلىعىن وياتىپ وتىر»، - دەيدى.

اتىراۋدان تابىلعان التىن ادامنىڭ شەتەلگە العاشقى «ساپارى» وسىلايشا تابىستى اياقتالدى.

 

اتىراۋ

 

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار