زورلىق-زومبىلىققا قاتىستى زاڭدار كۇشەيەدى

مەملەكەت باسشىسىنىڭ تاپسىرماسىن ورىنداۋ ماقساتىندا دەپۋ­تاتتار توبى وتباسىنداعى زور­لىق-زومبىلىققا ناقتى قار­سى تۇرۋعا, ايەلدەرگە قاتىستى كەم­­سىتۋ­شىلىكتەرمەن كۇرەسۋگە مۇم­­كىندىك بەرەتىن زاڭ جوبالارىن ازىر­لەدى. اتاپ ايتقاندا, ونىڭ ال­عاش­قىسى – «وتباسىلىق-تۇرمىس­تىق زورلىق-زومبىلىققا قارسى ءىس-قيمىل تۋرالى» جاڭا زاڭ جوباسى. وندا وتباسىلىق-تۇرمىستىق زورلىق-زومبىلىققا قارسى ءىس-قيمىل سۋبەكتىلەرىن كەڭەيتۋ, ۋاكىلەتتى ورگانداردىڭ ناقتى وكىلەتتىكتەرىن بەكىتۋ, الدىن الۋ سۋبەكتىلەرى اراسىنداعى ءوزارا ءىس-قيمىل تەتىگىن ايقىنداۋ, قورعاۋ نۇسقاماسىنىڭ مەرزىمىن ۇلعاي­تۋ, قۇقىق بۇزۋشىنىڭ تۇزەتۋ باعدارلاماسىنان ءوتۋىن ەنگىزۋ ۇسىنىلماق. ەكىنشى زاڭ جوباسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وتبا­سىلىق جانە گەندەرلىك ساياسات ماسە­لەلەرى بويىنشا وزگەرىستەر مەن تولىق­تىرۋلار ەنگىزۋ تۋرالى» دەپ اتالادى. بۇل زاڭ جو­باسىن­­دا ەڭبەك قاتىناستارى سالا­سىن­­داعى كەمسىتۋشىلىك ۇعىمى ناق­­تىلانىپ, جۇمىس بەرۋشى­لەر­­دىڭ كەمسىتۋشىلىك فاكتى­لەرىن جا­سىرعانى ءۇشىن جاۋاپكەرشىلىگى, وت­باسىنىڭ ەكونومي­كا­لىق, تار­بيەلىك, تۇرمىستىق جانە باسقا دا فۋن­ك­تسيالارىن ورىن­داۋدا اتا-انا­نىڭ جاۋاپكەر­شىلىگى زاڭ­نا­ما­لىق تۇردە بەكى­تىلىپ وتىر, بۇعان قوسا ايەلدەردىڭ ەكو­نو­مي­كا­لىق جانە ساياسي ىلگەرىلەۋىنە ىقپال ەتەتىن نورمالار دا ەنگىزىلگەن.

بيىل قازان ايىندا ۇلتتىق كوميسسيا بىرقاتار مەم­لەكەتتىك ورگانداردىڭ وكىل­دەرىمەن بىر­لە­سىپ جەنەۆا قالا­سىندا بۇۇ-نىڭ بەيىندى كومي­تەتىندە ايەل­دەر­گە قاتىستى كەمسىتۋ­شى­لىك­تىڭ بار­لىق نىساندارىن جويۋ تۋرا­لى كونۆەنتسيا ەرەجەلەرى­نىڭ ورىن­­دالۋى تۋرالى قازاقستان­نىڭ بە­سىنشى كەزەڭدىك بايانداما­سىن قورعادى. ورتالىق كوممۋني­كا­تسيا­لار قىز­مەتىندە «زور­لىق-زومبىلىققا قارسى 16 كۇن» حالىقارالىق اكتسياسى ايا­سىن­دا وتكەن ءباسپا­سوز ءماسلي­حا­تىندا پارلامەنت ءما­جى­لىسى­نىڭ الەۋمەتتىك-مادە­ني دامۋ كو­مي­­تەتىنىڭ ءتورايىمى, پرە­زي­­دەنت جانىنداعى ايەلدەر ىس­تەرى جانە وتباسىلىق-دەموگرا­فيا­­لىق ساياسات جونىندەگى ۇلت­تىق كوميس­سيانىڭ ءتورايىمى گۇل­شارا ابدىقالىقوۆا زورلىق-زوم­بىلىققا قارسى ءىس-قيمىل بويىن­شا مەملەكەتتىڭ قابىلداپ جاتقان شارالارى تۋرالى ايتتى.

بۇۇ-نىڭ دامۋ باعدارلاما­سىنىڭ ەسەبىنە سايكەس, قازاق­ستان 2018 جىلى «گەندەرلىك دامۋ دەڭگەيى وتە جوعارى» ەلدەردىڭ رەيتينگىنە ەنىپ, گەندەرلىك دامۋ يندەكسى بويىنشا 160 ەلدىڭ ىشىندە 58-ورىنعا يە بولعان. ال دۇنيەجۇزىلىك ەكونوميكالىق فورۋمنىڭ باعالاۋى بويىنشا, 149 ەلدىڭ اراسىندا گەندەرلىك الشاقتىق رەيتينگى بويىنشا ءبىلىم بەرۋدەن 30-ورىنعا, ايەل­دەردىڭ ەكونوميكالىق مۇم­كىندىكتەرىن ىسكە اسىرۋ بويىنشا 32-ورىنعا جايعاسقان.

قابىلدانىپ جاتقان ءىس-شارا­لارعا قاراماستان وتباسى­لىق-تۇر­مىستىق قىلمىستار سانى وسۋدە.

وسى جىلى پوليتسيا وتبا­سىلىق-تۇرمىستىق قۇقىق بۇزۋ­شىلارعا قارسى 58 مىڭ قورعاۋ نۇس­قامالارىن شىعارىپ, 6 مىڭ­نان استام ەرەكشە تالاپتار قويعان. 15 مىڭ ايەلگە كونسۋلتاتسيالىق كومەك كورسەتىلىپ, 1500 ايەل داع­دارىس ورتالىقتارىنا ورنالاس­تىرىلدى.

جيىن سوڭىندا سپيكەر وتبا­سىلىق جانە گەندەرلىك ساياسات تۇ­جى­رىمداماسىنىڭ 2020-2022 جىل­دارعا ارنالعان ءىس-شارا­لار جوسپارىن ىسكە اسىرۋ, تۇ­جىرىم­دامانىڭ نىسانالى ينديكاتورلارىنا قول جەتكىزۋ, مەملەكەت باسشىسىنىڭ ايەلدەر مەن بالالار قۇقىقتارىن قورعاۋدىڭ تۇتاس جۇيەسىن قالىپتاستىرۋ جونىندەگى تاپسىرمالارىن ورىنداۋ بويىنشا جۇمىس جالعاسا بەرەتىنىن ايتتى.