ايماقتار • 10 جەلتوقسان، 2019

كورەيانىڭ ەلشىلىك-ءمينيسترى حان مان چۋن اقتاۋداعى دوستىق ۇيىندە بولدى

20 رەتكورسەتىلدى

اقتاۋداعى «دوستىق» ۇيىندە كورەيا رەسپۋبليكاسىنىڭ قازاقستان رەسپۋبليكاسىنداعى ەلشىلىك-ءمينيسترى حان مان چۋن مىرزا بولدى. بۇل تۋرالى ماڭعىستاۋ وبلىستىق قحا ءباسپاسوز قىزمەتى حابارلادى.

حان مان چۋن مىرزانى وبلىستىق قحا-نىڭ حاتشىلىق مەڭگەرۋشىسى  يسمۋرزينا گۇلجان ماقسۇتقىزى مەن «چوسون» كورەي ەتنومادەني بىرلەستىگىنىڭ ءتورايىمى مادەنوۆا رايسا يۆانوۆنا قارسى الدى. قوناقتار دوستىق ۇيىنە كىرە بەرىستە ۇيىمداستىرىلعان اق داستارحاننان قازاقتىڭ ۇلتتىق تاعامدارىن اۋىز ءتيىپ، بارلىعىنا العىستارىن ءبىلدىردى. حان مان چۋن مىرزا دوستىق ءۇيىنىڭ تۇرمىس-تىرشىلىگىمەن تانىستى.

سونىمەن قاتار كەزدەسۋ بارىسىندا دوڭگەلەك ۇستەلگە جايعاسقان قاتىسۋشىلار قازاقستان-كورەي قارىم-قاتىناستارىنىڭ جاي-كۇيى مەن پەرسپەكتيۆالارىن تالقىلادى.

-مەن سىزدەرمەن كەزدەسكەنىمە قۋانىشتىمىن. سىزدەرگە العىسىم شەكسىز. جۇمىستارىڭىزعا ساتتىلىك تىلەيمىن. كورەي ەلشىلىگى مەن قازاقستان رەسپۋبليكاسى اراسىنداعى ءوزارا دوستىققا نەگىزدەلگەن بايلانىستار ودان ءارى نىعايا تۇسەدى دەگەن سەنىمىم زور، دەدى مينيستر-كەڭەسشى مىرزا.

كەزدەسۋ سوڭىندا كورەي ەتنومادەني بىرلەستىگىنىڭ وكىلدەرى مينيستر-كەڭەسشى حان مان چۋن مىرزامەن ەستەلىك فوتوعا ءتۇستى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار