الماتى قالاسىنىڭ ءبىلىم باسقارماسىمەن بىرلەسە وتىرىپ Worldskills حالىقارالىق ستاندارتتارى بويىنشا كوللەدج قابىرعاسىندا ەكى جىل قاتارىنان ء«سان مۇناراسى» رەسپۋبليكالىق بايقاۋى وتكىزىلىپ كەلەدى. بايقاۋ «تىگىن ءوندىرىسى جانە كيىمدەردى ۇلگىلەۋ», «شاشتاراز ونەرى جانە ساندىك كوسمەتيكا» بويىنشا وتكىزىلدى. «كيىم ديزاينى» نوميناتسياسى بويىنشا ديزاينەر – مودەلەرلەر اراسىنداعى كونكۋرستىڭ ناتيجەسىندە كوللەدج 1 ورىنعا يە بولدى.الماتى مەملەكەتتىك سەرۆيس جانە تەحنولوگيالار كوللەدجى كاسىبي دايىندىق ستاندارتتارىن ارتتىرۋ ماقساتىندا WorldSkills حالىقارالىق قوزعالىسىنىڭ بەلسەندى قاتىسۋشىسى. ء«سان تەحنولوگياسى» قۇزىرەتتىلىگى بويىنشا وتكەن جىلى جۇلدەلى ورىندارعا يە بولسا, بيىلعى جىلى پەريزات ادىلبەكقىزى ەكىنشى ورىنعا يە بولىپ, قولا مەدالمەن ماراپاتتالدى.
ال جىل سايىن تاراز قالاسىندا وتەتىن حالىقارالىق «بابالار مۇراسى» ءسان فەستيۆالىندە ويۋ-ورنەكپەن زەرلەنىپ تىگىلگەن « ۇلى دالا جاۋھارلارى» اتتى توپتاسى كورسەتىلدى. ماسكەۋ قالاسىندا وتەتىن «ەتنو-ەراتو» ۇلتتىق كوستيۋمنىڭ جوعارعى ۇلگىسى كورسەتىلەتىن ەۋرازيالىق سايىستان 2018 جىلى «ەتنو ۆ سوۆرەمەننوم ستيلە» نوميناتسياسى بويىنشا «گورودسكوي كوللاج» توپتاماسى جۇلدەلى 1 – ورىندى يەلەندى. وسى اتالعان سايىس بويىنشا 2019 جىلى «رۇحاني جاڭعىرۋ» باعدارلاماسى اياسىندا ورىندالعان «سامعاۋ» توپتاماسى «رەترو ەتنيچەسكوگو كوستيۋما» نوميناتسياسى بويىنشا جۇلدەلى 2-ورىندى يەلەندى.
وسى جەتىستىكتەر بىلىكتىلىگى جوعارى وقىتۋشىلار مەن وندىرىستىك شەبەرلەردىڭ ەڭبەگى. الماتى قالاسى بويىنشا ۇلتتىق مۋزەيدەگى, تۇڭعىش پەزيدەنت ساياباعىنداعى ۇيىمداستىرىلاتىن كورمەلەرگە كوللەدج وقۋشىلارىنىڭ قولىنان شىققان قۇراق كورپە مەن مونشاقتاردان ورىندالعان اشەكەيلەر ۇسىنىلىپ كەلەدى. وسى ورايدا الماتى قالاسىندا وتكەن «كازنپۋ-Fashion days» كونكۋرسىندا «گورودسكوي كوللاج», « ۇلىتاۋ», «ارت ستيل» توپتامالارى وتيكەن جىلى جۇلدەلى ورىنداردى يەلەندى. بيىلعى جىلى تاشكەنت قالاسىندا وتكەن «ASPARA FASHION WEEK» كونكۋرسىنا الماتى مەملەكەتتىك سەرۆيس جانە تەحنولوگيالار كوللەدجى ۇلتتىق ناقىشتى ۇستانىپ ورىندالعان «شىعىس» توپتاماسىمەن قاتىستى.
كوللەدج وقۋشىلارى وندىرىستىك تاجىريبەدەن تىكەلەي وندىرىستىك كاسىپورىنداردا نەمەسە ۇيىمداردا, ولاردىڭ كاسىبي شەبەرلىگىن جانە كاسىبي دەربەستىگىن جەتىلدىرۋ ماقساتىندا وتەدى. وندىرىستىك تاجىريبە كوللەدج وقۋشىلارىنا العان بىلىمدەرىن, بىلىكتەرىن جانە داعدىلارىن قولدانۋعا, بەكىتۋگە جانە تولىقتىرۋعا, تەحنولوگيالاردىڭ, ەكونوميكانىڭ, ءوندىرىستى ۇيىمداستىرۋ مەن باسقارۋدىڭ جاڭا ماسەلەلەرىن زەردەلەۋگە, جاڭا تەحنولوگيالارمەن, جابدىقتارمەن, قۇرالدارمەن تانىسۋعا مۇمكىندىك بەرەدى. وندىرىستىك تاجىريبە قالانىڭ بازالىق كاسىپورىندارىنداعى شارتتارعا سايكەس نەمەسە شاعىن جانە جەكە كاسىپورىندارداعى, فيرمالارداعى جەكە حات – سۇراۋلار بويىنشا وتەدى. كوللەدجدىڭ ءبىلىمدى ءارى تاجىريبەلى ستۋدەنتتەرىنە سۇرانىس جوعارى.
