وسى ورايدا كۇنى كەشە عانا جازۋشىلار وداعىنىڭ مەرەيلى مەرەكەسى اياسىندا قالا باسشىلىعىنىڭ قولىنان «الماتى قالاسىنا سىڭىرگەن ەڭبەگى ءۇشىن» توسبەلگىسىن يەلەنگەن بەلگىلى قالامگەر كادىربەك سەگىزبايدىڭ مىڭ بوياۋلى مەگاپوليستىڭ رۋحاني ومىرىندەگى ەلەۋلى وزگەرىستەر تۋرالى ايتقان پىكىرىمەن ءبولىسۋدى ءجون كورىپ وتىرمىز.
–ازاتتىقتىڭ التىن بەسىگىنە بالانعان ارايلى الماتىداعى وڭ بەتبۇرىستار راسىمەن كوڭىل قۋانتادى. بۇل يگى باستامالار اسىرەسە شاھاردىڭ رۋحاني ومىرىندە كوپتەپ كورىنىس تابا باستادى. بۇل مەملەكەتتىڭ دۇرىس بەتالىستا ەكەنىن كورسەتەدى. ءار مەكەندى جاقسارتۋ, جاڭارتۋ ەڭ الدىمەن اكىمگە جۇكتەلەتىن شارۋا. رۋحاني استانامىزدىڭ تىزگىنىن قولىنا العان باقىتجان ساعىنتاەۆ ونەر مەن مادەنيەتكە, ادەبيەتكە ۇلكەن قولداۋ تانىتىپ وتىر.
بۇگىنگى تاڭدا الماتىنىڭ, جىبەك جولى بويىنداعى قالالاردىڭ تاريحىنا قاتىستى ەڭبەك جازىپ جاتقان جايىم بار. كەشەگى جوڭعار شاپقىنشىلىعى, ماڭعول شاپقىنشىلىعى كەزدەرىندە الماتى قانداي كۇيدە بولدى, الماتىنىنىڭ ءوسۋ-وركەندەۋى قاي كەزەڭدەردەن باستالدى؟ وسى تۋرالى بۇرىنعى عالىمدار مەن ساياحاتشىلاردىڭ جازعان-سىزعاندارىن سارالاي وتىرىپ ىزدەنىپ كەلەمىن. الماتىنىڭ رۋحاني تۇلەۋىنە ۇلەس قوسقان قانداي ازاماتتار ءومىر ءسۇردى؟ ولاردىڭ ءومىر جىرى, كوڭىل سىرى كەيىنگى ۇرپاققا ءتيىستى دارەجەدە جەتتى مە؟ وسىناۋ ۇمىتىلمايتىن تۇلعالاردىڭ ءتىزىمىن توپتاستىرعانداي بولدىق. قالاي ايتقاندا دا بۇل الماتىنىڭ باي تاريحىنان حابار بەرۋگە ءسال دە بولسا ۇلەس قوسسا دەگەن نيەتىمىز بار, دەيدى جازۋشى كادىربەك سەگىزباي.
