ايماقتار • 10 جەلتوقسان، 2019

اقمولا وبلىسىندا قۇقىق بۇزۋشىلىق كورسەتكىشى تومەندەدى

10 رەتكورسەتىلدى

وبلىستىق قۇقىقتىق ستاتيستيكا جانە ارنايى ەسەپكە الۋ جونىندەگى باسقارماسىنىڭ جۇرگىزگەن ەسەبىنە قاراعاندا ۇستىمىزدەگى جىلدىڭ 10 ايىندا قۇقىق بۇزۋشىلىقتىڭ سانى 6 پروتسەنتكە تومەندەگەن. بارلىعى 9 مىڭعا جۋىق قىلمىس پەن 1500-دەي قىلمىستىق تەرىس قىلىقتار تىركەلگەن.

بۇل رەتتە، اسا اۋىر قىلمىس 9 پروتسەنتكە كوبەيسە، اۋىرلىعى ورتا قىلمىس 12 پروتسەنتكە تومەندەگەنىن ايتا كەتۋگە بولادى. تومەندەۋ كورسەتكىشى قورعالجىن، ەسىل، ەرەيمەنتاۋ، ەگىندىكول اۋداندارى مەن ستەپنوگورسك قالالارىندا بايقالىپ وتىر. وبلىستىق قۇقىقتىق ستاتيستيكا جانە ارنايى ەسەپكە الۋ جونىندەگى باسقارما ماماندارى اۋىرلىعى ورتا قىلمىستاردىڭ ازايۋىنىڭ باستى سەبەپتەرىن بىلايشا تۇسىندىرەدى.  

–مەنىڭ ويىمشا، مەملەكەتتىك ورگاندارمەن جۇرگىزىلگەن الدىن-الۋ شارالارىنىڭ ناتيجەسىندە اۋىرلىعى  ورتا قىلمىستار سانى تومەندەپ وتىر. ءىرى ەلدى مەكەندەردە باقىلاۋ بەينەكامەرالارى  ورناتىلۋدا. وسىلايشا، باقىلاۋدىڭ اسەرى وتە كوپ. قازىر توناۋ فاكتىلەرى دە ازايدى، دەيدى وبلىستىق قۇقىقتىق ستاتيستيكا جانە ارنايى ەسەپكە الۋ جونىندەگى باسقارماسىنىڭ باستىعى كۇنسايا بالعوجينا.

وبلىس ورتالىعىنداعى بۇرىنعى جىلدارى قىلمىس كوپ ورىن العان شاعىن اۋدانداردى باقىلاۋ ءۇشىن عالامتور جەلىسىندە قىلمىستىق قۇقىقبۇزۋىشىلىق كارتاسى ورناتىلعان. وسى كارتا ارقىلى كەز-كەلگەن ادام بەلگىلى ءبىر اۋداننىڭ قىلمىستىق جاعدايىن كورىپ، سول ارقىلى تۇرعىلىقتى مەكەندى تاڭداۋىنا، بالاسىن وقىتۋ ءۇشىن قاۋىپسىز اۋداندى ىرىكتەپ الۋىنا ابدەن بولادى. سونىمەن قاتار، وبلىستىق قۇقىقتىق ستاتيستيكا جانە ارنايى ەسەپكە الۋ جونىندەگى باسقارماسىنىڭ وكىلدەرى قۇقىقتىق بۇزۋشىلىق بويىنشا ءوتىنىش بەرۋشىلەرگە جىبەرىلەتىن سمس-حابارلاندىرۋلار مەن اۆتوقوڭىراۋلار قىزمەتتەرىنىڭ ىسكە قوسىلعانىن ايتۋدا.

–ياعني، پوليتسيا قىزمەتىنە ءوتىنىش بەرگەن ازاماتتارعا بەلگىلەنگەن مەرزىم ىشىندە قارالعان وتىنىشتەرىنىڭ ناتيجەسى تۋرالى سمس-حابارلاندىرۋ جىبەرىلەدى. بۇدان بولەك، اۆتوقوڭىراۋ دا سوعىلادى. ەگەر ءوتىنىش بەرۋشى شىعارىلعان شەشىممەن كەلىسپەگەن جاعدايدا قايدا قوڭىراۋ شالۋ كەرەكتىگى ايتىلادى. ياعني، ءبىزدىڭ باسقارمانىڭ تەلەفونى بەرىلەدى. ءبىز كەلىپ تۇسكەن قوڭىراۋلاردى ەسكەرىپ، كەزدەسىپ، تەكسەرۋ جۇمىستارىن جۇرگىزەمىز. وسىنداي تەكسەرىستەردىڭ ناتيجەسىندە بىرنەشە قىلمىستىق قۇقىقتىق بۇزۋشىلىقتى ەسەپكە الدىق، دەيدى وبلىستىق قۇقىقتىق ستاتيستيكا جانە ارنايى ەسەپكە الۋ جونىندەگى باسقارماسىنىڭ باستىعى كۇنسايا بالعوجينا.

قىلمىستى ەسەپكە الاتىن مامانداردىڭ ايتۋىنشا، بارلىق قىلمىستاردىڭ ىشىندە وزگەنىڭ مۇلكىن توناۋ كەڭ تاراعان. قاسكۇنەمدەر كوبىنە قوعامدىق ورىنداردا ءجۇرىپ، ۇيالى تەلەفونداردى توناۋدى ادەتكە اينالدىرعان.

سوڭعى جاڭالىقتارعا وراي وزگەنىڭ مۇلكىنە كوز الارتاتىندار سەيىلىپ كەلەدى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار