ايماقتار • 10 جەلتوقسان، 2019

جاڭاوزەندە بارلىق سالا ماماندارى اشىق ەسىك كۇنىندە كەڭەس بەردى

22 رەتكورسەتىلدى

جاڭاوزەن قالاسىندا «اتامەكەن» كاسىپكەرلەر پالاتاسىنىڭ فيليالىندا كاسىپكەرلەر مەن شاھار تۇرعىندارىنا ارنالعان اشىق ەسىك كۇنى ءوتتى. «نۇر وتان» پارتياسى موف باستاماسىمەن ۇيىمداستىرىلعان شاراعا وبلىس ورتالىعىنان بارلىق سالا ماماندارى باردى. بۇل تۋرالى «اتامەكەن» كاسىپكەرلەر پالاتاسى ءباسپاسوز قىزمەتى حابارلادى.

-ءبىزدىڭ پارتياعا كومەك سۇراپ كەلۋشىلەر كوپ. اسىرەسە، جۇمىسسىزدىق ماسەلەسى ءجيى قوزعالادى. جۇمىسسىزداردى كاسىپكەرلىككە جۇمىلدىرۋ ءۇشىن ۇلكەن شارالار جاسالۋدا. تەحنوپارك وندىرىستىك ايماعى دايىن. 23 كاسىپكەر سول جەردەن كاسىبىن باستاماقشى. «ساق» بازارىندا 200 ورىن بوس تۇر. ساۋدا جاسايمىن دەۋشىلەرگە العاشقى 6 ايدا جالداۋ قۇنىنان بوساتىلادى، دەيدى «نۇر وتان» پارتياسى جاڭاوزەن قالالىق فيليالىنىڭ 1-ورىنباسارى نۇربەرگەن حۋديباەۆ.

جەر قاتىناستارى، ساۋلەت جانە قۇرىلىس، جول قاتىناستارى، تۇرعىن ءۇي، جۇمىسپەن قامتۋ، جوبالاردى سۇيەمەلدەۋ، اۋىل شارۋاشىلىعىن قولداۋ قورى، «دامۋ» قورى، «كاسپي» اكق مەن ەكىنشى دەڭگەيلى بانكتەر وكىلدەرى كوپشىلىكتىڭ تۇيىتكىلدى سۇراقتارىنا جاۋاپ بەرۋدە.

جاڭاوزەن قالاسىنىڭ تۇرعىنى قۋانىش مۇساەۆ اشىق ەسىك كۇنىنە ءوزىن تولعاندىرعان سۇراقپەن كەلدى. «باستاۋ» جوباسى بويىنشا ءبىلىم الدىم. قايتارىمسىز گرانت العىم كەلەدى. بۇل قاراجاتقا باسپاحاناعا قاجەتتى تەحنيكا العىم كەلەدى. كاسىپ باستايتىن عيماراتىمىز دايىن تۇر. وتباسىلىق كاسىپ رەتىندە اشىپ، دامىتقىمىز كەلەدى» دەيدى ول.

ماڭعىستاۋ وبلىسى كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ قىزمەتكەرى رۋسلان بيسەكەنوۆتىڭ ايتۋىنشا، جاڭاوزەندىك تۇرعىنداردىڭ كوپشىلىگىن نەسيە الۋ، سالىق تولەمدەرىنەن بوساتۋ، جەر تەلىمدەرىنە قول جەتكىزۋ ماسەلەلەرى الاڭداتادى ەكەن. كەلۋشىلەردىڭ باسىم بولىگى گرانت العان جاستار. ولار كاسىبىن ەندى قولعا الىپ جاتقاندىقتان سالىق تولەمى بويىنشا جەڭىلدىك جاسالعاندارىن قالايدى. بارلىق ازاماتتارعا ءتيىستى سالا ماماندارى تولىققاندى جاۋاپ بەرىپ وتىر.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار