ايماقتار • 10 جەلتوقسان، 2019

جاقسى اۋدانىنداعى جاقسى ىستەر

12 رەتكورسەتىلدى

تاياۋدا جاقسى اۋدانىنىڭ بىرقاتار تۇرعىندارى باسپانالى بولدى. پاتەر كىلتتەرى حالىقتىڭ الەۋمەتتىك تۇرعىدان از قامتىلعان وكىلدەرىنە تابىستالدى.

اۋدانداعى 27 وتباسى قونىس تويىن تويلادى. ولاردىڭ قاتارىندا جەتىم بالالار، كوپبالالى وتباسىلار، سونىمەن قاتار زەينەتكەرلەر مەن مۇمكىندىگى شەكتەۋلى ازاماتتار جانە تولىق ەمەس وتباسى وكىلدەرى بار.

–بۇگىن ءبىز «نۇرلى جەر» باعدارلاماسى اياسىندا سالىنعان الەۋمەتتىك از قامتىلعان تۇرعىندارعا ارنالعان پاتەرلەردى تابىستاۋدامىز. جەكە كاسىپكەرلەردىڭ قولداۋىمەن قىزىلساي اۋىلدىق وكرۋگىندە 2 پاتەرلى تۇرعىن ءۇي سالىنىپ، پايدالانۋعا بەرىلىپ وتىر، دەيدى اۋدان اكىمى باۋىرجان مالعاجداروۆ.

اق تۇيەنىڭ قارنى جارىلعان بۇل كۇنى باسپانالى بولعانداردىڭ اراسىندا كوپتەن بەرى تۇرعىن ءۇي تاقسىرەتىن تارتىپ كەلگەن انالار دا از ەمەس. ماسەلەن، ءۇي كەزەگىندە بەس جىل تۇرعان 4 بالانىڭ اناسى اينۇر ماۋلەنبەكوۆانىڭ العىسىندا شەك جوق.  

–بۇل ءبىزدىڭ كوپتەن كۇتكەن قۋانىشىمىز دەۋگە بولادى. 3 بولمەلى پاتەرگە قول جەتكىزىپ وتىرمىز. مەملەكەتتىڭ قامقورلىعىنا مىڭ العىس، دەيدى كوپبالالى انا.

كيروۆسكوە اۋىلىنىڭ 2 بىردەي وتباسى دا باسپانالى بولدى. اۋىلداعى تۇرعىن ءۇي جەرگىلىكتى كاسىپكەر، مەتسەنات ۇزاقباي شاكەەۆتىڭ جەكە قارجىسىنا سالىندى.

ء–بىز وسى اۋىلدا ەكى پاتەرلى 11 ءۇي سالدىق، بۇل دەگەنىمىز 22 پاتەر. باسپانا كىلتتەرى نەگىزىنەن سەرىكتەستىكتىڭ مەحانيزاتورلارى مەن جۇرگىزۋشىلەرىنە جانە مۇقتاج جاندارعا تابىس ەتىلدى. يگى ءداستۇردى ءالى دە جالعاستىرا بەرەمىز. جىل سايىن بىرنەشە تۇرعىن ءۇي سالامىز دەپ مەجەلەپ وتىرمىز، دەيدى «قاراجون» سەرىكتەستىگىنىڭ ديرەكتورى ۇزاقباي شاكەەۆ.

ەلگە قامقور بولعاننىڭ ەسەسى كەتپەسى انىق. ءار ۇجىمنىڭ باسشىلارى ءوز ەلدى مەكەندەرىن ءدال وسىلاي قامقورلىقتارىنا السا، جالپى جۇرت جاقسىلىققا بولەنىپ قالماس پا؟..

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار