«دارىن» مەملەكەتتىك جاستار سىيلىعى جەمىستى عىلىمي, شىعارماشىلىق, سپورتتىق جەتىستىكتەرىنە وراي دارىندى جاستاردى مەملەكەتتىك قولداۋ ماقساتىندا 1992 جىلدان بەرى وتكىزىلىپ كەلەدى.
ء«اربىر ۇلتتىڭ, مەملەكەتتىڭ بولاشاعى, ءۇمىتى – جاستار. وتكەن 28 جىل ىشىندە قازاقستانداعى جاستارعا قانداي جاقسىلىق, جاعداي جاسالعانىن كۇندەلىكتى ومىردەن, باسپاسوزدەن جاقسى بىلەسىزدەر. ەلىمىزدىڭ تۇڭعىش پرەزيدەنتى نۇرسۇلتان نازارباەۆ بيىلعى جىلدى «جاستار جىلى» دەپ اتاۋى بەكەر ەمەس. بيىلدىڭ وزىندە 2 ملن-عا جۋىق جاس مەملەكەتتىڭ قولداۋىنا يە بولىپ وتىر. جول كارتاسى بويىنشا 500 ملرد تەڭگە جاستارعا شاكىرتاقى, گرانت, جاتاقحانا, نەسيە بەرۋگە ارنالدى. مەملەكەت باسشىسى قاسىم-جومارت توقاەۆ وسى جاستار جىلىن جالعاستىرۋ ءۇشىن كەلەر جىلدى «ەرىكتىلەر جىلى» دەپ اتادى پرەمەر-ءمينيستردىڭ ورىنباسارى بەردىبەك ساپارباەۆ قۇتتىقتاۋ سوزىندە.
تالانتتى جاستارعا بەرىلەتىن سىيلىق 10 نوميناتسيا بويىنشا – ادەبيەت, عىلىم, بەينەلەۋ ونەرى, جۋرناليستيكا, كلاسسيكالىق مۋزىكا, قوعامدىق قىزمەت, سپورت, تەاتر جانە كينو, ەسترادالىق ونەر, حالىق شىعارماشىلىعى سالاسىندا ۇزدىك دەپ تانىلعان جاستارعا تاپسىرىلدى. وسىلايشا «قوعامدىق قىزمەت» نوميناتسياسى بويىنشا «قازاقستان رەسپۋبليكاسىنىڭ ەتنوسپورت اسسوتسياتسياسىنىڭ» باس حاتشىسى نۇرسۇلتان يبراگيموۆ, «قازاقستان ستۋدەنتتەر اليانسى» رەسپۋبليكالىق ستۋدەنتتەر قوزعالىسى» قب پرەزيدەنتى ءىلياس تۇستىكباەۆ جەڭىمپاز اتاندى. «جۋرناليستيكا» اتالىمى بويىنشا ماراپاتتى بىرنەشە دەرەكتى فيلمدەردىڭ اۆتورى مىرزابەك ءتۇسىپوۆ, جۋرناليستەر اراسىنداعى رەسپۋبليكالىق بايقاۋلاردىڭ جۇلدەگەرى ايبەك تاسقاليەۆ يەلەندى. وسى سالا بويىنشا نومينانتتاردى ماراپاتتاعان د.اباەۆ ءوز سوزىندە: «بۇگىنگى ماراپات يەلەرىنە ايتارىم, سىزدەرگە قاراپ ەل جاستارى بوي تۇزەيدى. سوندىقتان بۇل سىيلىقتى تەك قۇرمەت رەتىندە عانا ەمەس, ءارى ۇلكەن جاۋاپكەرشىلىك دەپ قابىلداۋلارىڭىزدى سۇرايمىن», دەدى.
«عىلىم» نوميناتسياسى بويىنشا عالىم فيزيكتەر نۇرلان قانات جانە ەراسىل ەرلان ۇلى ماراپاتتالدى. «تەاتر جانە كينو» اتالىمىنىڭ ۇزدىگى بولىپ م.اۋەزوۆ اتىنداعى مەملەكەتتىك اكادەميالىق دراما تەاترىنىڭ اكتەرى ايان وتەپبەرگەن, ق.قۋانىشباەۆ اتىنداعى قازاق مۋزىكالىق-دراما تەاترىنىڭ اكتريساسى التىنگۇل ەربولقىزى تانىلدى. «سپورت» نوميناتسياسى بويىنشا ءتورت قۇرلىق چەمپيوناتىنىڭ كۇمىس جۇلدەگەرى, مانەرلەپ سىرعاناۋدان 2019 جىلعى قىسقى ۋنيۆەرسيادانىڭ كۇمىس جۇلدەگەرى ەليزابەت تۇرسىنباەۆا, الەم چەمپيوناتىنىڭ ەكى دۇركىن كۇمىس جۇلدەگەرى, ازيا چەمپيوناتىنىڭ ەكى دۇركىن كۇمىس جۇلدەگەرى, قازاقستان قۇراماسىنىڭ كاپيتانى قامشىبەك قوڭقاباەۆ ماراپاتتالدى. «كلاسسيكالىق مۋزىكا» بويىنشا ماراپات ءتۇرلى مۋزىكالىق بايقاۋلاردىڭ لاۋرەاتتارى, كومپوزيتورلار دانارا مۇساحان مەن ازىمبەك جامباەۆقا تابىستالدى. سونداي-اق «حالىق شىعارماشىلىعى» اتالىمى بويىنشا ايتىسكەر اقىن مەيىربەك سۇلتانحان, ع.قۇرمانعاليەۆ اتىنداعى وبلىستىق فيلارمونيانىڭ ءارتىسى, ديريجەر جاراس ساتىبالديەۆ ماراپاتتالدى. «ادەبيەت» نوميناتسياسى بويىنشا سىيلىق ولەڭدەرى شەت تىلدەرگە اۋدارىلعان جادىرا بايبۇلانوۆا مەن اقىن بەكزات سماعۇلوۆقا بەرىلدى. ال «ديزاين جانە بەينەلەۋ ونەرى» اتالىمى بويىنشا, ء«جۇزباي ديزاين» ديرەكتورى, قازاق ءسان قاۋىمداستىعىنىڭ پرەزيدەنتى ايجان ءجۇزباي, ءمۇسىنشى مۇسىرەپ سىرىم ماراپاتتالدى. «ەسترادا» نوميناتسياسىنىڭ ماراپاتى «سلاۆيان بازارى-2019» حالىقارالىق فەستيۆالىنىڭ گران-پري يەگەرى ءادىلحان ماكين مەن «قازاقكونتسەرت» مەملەكەتتىك كونتسەرتتىك ۇيىمىنىڭ ءسوليسى مارات ايتىمبايعا تاپسىرىلدى.
