رۋحانيات • 09 جەلتوقسان، 2019

ەلوردادا «JYR AMANAT» كونتسەرت-سپەكتاكلى ءوتتى

16 رەتكورسەتىلدى

«Nur Otan» پارتياسى مەن نۇر-سۇلتان قالالىق اكىمدىگىنىڭ قولداۋىمەن ەلوردادا جىرشى-تەرمەشىلەردىڭ «جىر-امانات» كونتسەرت-سپەكتاكلى ءوتتى. جىرشىلىق ءداستۇردى كەڭىنەن ناسيحاتتاپ، اتا-بابادان جەتكەن اسىل مۇرانى جۇرتشىلىققا بوياماسىز جەتكىزۋدى ماقسات ەتكەن بۇل كەشتە ەلىمىزدىڭ ءار ايماعىنداعى جىرشىلىق ءداستۇردىڭ وكىلدەرى ونەر كورسەتتى. اتاپ ايتقاندا، «جەتىسۋ»، «ماڭعىستاۋ»، «قاراتاۋ»، «ارقا»، «اتىراۋ-جايىق»، «سىر ەلى»، «اقتوبە» جىرشىلىق داستۇرلەرىنىڭ ونەرپازدارى ۇلتتىق ونەرىمىزگە شولىركەگەن قالىڭ كورەرمەننىڭ ىستىق ىقىلاسىنا بولەندى.

قازاقى جىر مەن ءداستۇرلى مۋزىكانىڭ عاجايىپ كەشىن اشقان «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك جينالعان جۇرتشىلىقتى الدىمەن تاۋەلسىزدىك مەرەكەسىمەن قۇتتىقتادى.

«بۇل شارانىڭ وسى مەرەكەگە ورايلاستىرىلۋىندا دا ءمان بار. ويتكەنى باعزىدان جەتكەن بۇل جىرلاردا اتا-بابامىزدىڭ ارمانى مەن اڭسارى، ازاتتىق، ەلدىك يدەيالارى، كەلەر ۇرپاققا اماناتى جاتىر. ءداستۇرلى ونەرىمىز سان عاسىرلار بويى ۇرپاق تاربيەسىنە قىزمەت ەتكەن. سوندىقتان دا تاۋەلسىزدىكتىڭ العاشقى ساتىنەن-اق ەلباسى، «Nur Otan» پارتياسىنىڭ توراعاسى نۇرسۇلتان نازارباەۆ ۇلتىمىزدىڭ ۇلى مۇراسىن، وزىق داستۇرلەرى مەن مادەني قازىناسىن تۇگەندەۋگە، ولاردى زامانعا ساي تۇلەتىپ، جاڭعىرتۋعا ەرەكشە دەن قويدى. حالىقتىڭ پارتياسى رەتىندە «Nur Otan» دا ۇلتتىق قۇندىلىقتارىمىزدى دارىپتەيتىن ءىس-شارالاردى قولداپ، ونىڭ ناسيحاتتالۋى مەن دامۋىنا بارىنشا ۇلەس قوسىپ كەلەدى. كەشە عانا ۇلتتىق سپورت سالاسىنىڭ ۇزدىكتەرى ماراپاتتالعان «التىن تۇعىر» سىيلىعىن تابىس ەتتىك. ۇلتىمىزدىڭ ءتىلى مەن ءدىلى، مادەنيەتى مەن سپورتى، ءان-كۇيلەرى مەن جاۋھار جىرلارىنسىز حالقىمىزدىڭ رۋحى مىقتى بولماق ەمەس. ءبىز بولاشاقتا ۇلكەن جەتىستىكتەرگە جەتەمىز دەسەك، ۇلتتىق قۇندىلىقتارىمىز ارقىلى حالقىمىزدىڭ رۋحىن كوتەرۋىمىز كەرەك. بۇل باعىتتا پرەزيدەنت قاسىم-جومارت توقاەۆ ناقتى تاپسىرمالار بەردى. ەلىمىزدىڭ باستى ساياسي ۇيىمى – «Nur Otan» پارتياسىنىڭ دوكتريناسىندا قامتىلعان باستى قۇندىلىقتارىمىزدىڭ ءبىرى دە – وتباسى مەن ءداستۇر. وندا «قازاق ءتىلىن، مادەنيەت پەن ءداستۇردى دامىتۋ ءبىزدىڭ ستراتەگيالىق باسىمدىعىمىز» ەكەندىگى ناقتى كورسەتىلگەن»، دەپ اتاپ ءوتتى باۋىرجان بايبەك.

«Nur Otan» پارتياسىنىڭ نۇر-سۇلتان قالالىق فيليالىنىڭ توراعاسى، نۇر-سۇلتان قالاسىنىڭ اكىمى التاي كولگىنوۆ ءوزىنىڭ قۇتتىقتاۋ سوزىندە تەرمە مەن جىر كەشىنە كەلىپ، ۇلتتىق ونەردى قولداعان قاۋىمعا العىس ءبىلدىردى.

«تۇڭعىش پرەزيدەنت – ەلباسى نۇرسۇلتان نازارباەۆتىڭ تاريحي شەشىمىنىڭ ارقاسىندا بۇگىندە نۇر-سۇلتان قالاسى قارقىندى دامىپ، بەيبىتشىلىك پەن بىرلىكتى ناسيحاتتايتىن جانە سونى ىسپەن دالەلدەيتىن الەم تانىعان استاناعا اينالدى. قازىر باس قالامىزدا 1 ملن 200 مىڭعا جۋىق حالىق بار. سونىمەن بىرگە حالقىمىزدىڭ سانى دا ءوسىپ كەلەدى. مىسالى، 1998 جىلى تسەلينوگرادتا تازا قازاق تىلىندە وقىتاتىن ءبىر عانا مەكتەپ بولدى. قازىر 36 تازا قازاق ءتىلدى مەكتەپ بار، جالپى 88 ءبىلىم ورداسىنىڭ قالعانى ارالاس مەكتەپ. بۇل – ءتىلىمىز بەن ءدىلىمىز قايتا ورالدى دەگەن ءسوز. ەلباسى ساياساتى مەن كوپۇلتتى مەملەكەتىمىزدىڭ بىرلىگىنىڭ ارقاسىندا وسىنداي جەتىستىكتەرگە جەتىپ وتىرمىز. قازىرگى ۋاقىتتا پرەزيدەنت قاسىم-جومارت توقاەۆ مادەنيەت سالاسىنا، ۇلتتىق قۇندىلىقتارىمىزدى قولداۋعا جاعداي جاساپ، ءبىزدىڭ الدىمىزعا ناقتى مىندەتتەر قويىپ وتىر»، دەدى التاي كولگىنوۆ.

9

«جىر-امانات» جىرشى-تەرمەشىلەر كەشى تۇڭعىش رەت ەرەكشە فورماتتا ءوتتى. جىر كەشى كونتسەرت پەن سپەكتاكل جانرىن ۇيلەستىردى. ال كەلەر جىلى «جىر-امانات» كونتسەرت-سپەكتاكلى پارتيانىڭ قولداۋىمەن نۇر-سۇلتان قالاسى كۇنىنە وراي «ەسىلدىڭ جاعاسىندا جارقىرايدى ءبىر قالا» تاقىرىبىندا ۇيىمداستىرىلماق.

ايتا كەتەيىك، كۇزدە «Nur Otan» پارتياسىنىڭ قولداۋىمەن، ەلىمىزدىڭ بىرقاتار وڭىرىندە ايتىس فەستيۆالدەرى ۇيىمداستىرىلدى. ايتىس ونەرىنىڭ دوداسى 16-17 جەلتوقساندا ورال قالاسىندا وتەتىن «التىن دومبىرا» رەسپۋبليكالىق فەستيۆالىندە مارەسىنە جەتەدى.

9

ەسكە سالا كەتەيىك، «Nur Otan» پارتياسىنىڭ جانىنداعى «ميراس» رەسپۋبليكالىق قوعامدىق كەڭەسى مۇشەلەرىنىڭ باستاماسىمەن مەملەكەتتىك ءتىلدى دامىتۋ تەتىكتەرىن پىسىقتاۋ ءۇشىن ارنايى كوميسسيا قۇرىلعان بولاتىن.

سوڭعى جاڭالىقتار

الماتىدا زەرتحانالار سانى ارتادى

وڭتۇستىك قازاقستان • كەشە

ۇقساس جاڭالىقتار