قازاقستان • 09 جەلتوقسان، 2019

ەلوردادا «التىن تۇعىر – 2019» ۇلتتىق سپورت ۇزدىكتەرىن ماراپاتتاۋ ءراسىمى ءوتتى

30 رەتكورسەتىلدى

ەل استاناسىندا ۇلتتىق سپورت سالاسىنداعى ۇزدىكتەردىڭ مەرەيىن كوتەرۋدى ماقسات ەتكەن ءداستۇرلى «التىن تۇعىر – 2019» سىيلىعىنىڭ جەڭىمپازدارىن ماراپاتتاۋ سالتاناتى ءوتتى. بايگە، اۋدارىسپاق، كوكپار، جامبى اتۋ، تەڭگە ءىلۋ، قازاق كۇرەسى سياقتى ۇلتتىق سپورت پەن توعىزقۇمالاق، اسىق اتۋ جانە تاعى دا باسقا ۇلتتىق ويىنداردان ەل نامىسىن اسقاقتاتىپ جۇرگەن دارابوزدار ارنايى جۇلدەلەر مەن سىيلىقتارعا يە بولدى.

سالتاناتتى ءراسىمدى اشقان ۇلتتىق سپورت قاۋىمداستىعىنىڭ قۇرمەتتى پرەزيدەنتى قايرات ساتىبالدى ۇلى ۇلتتىق سپورت ويىندارىن ناسيحاتتاۋعا ايرىقشا ۇلەس قوسقان بارلىق ۇزدىكتەر مەن جانكۇيەرلەرگە العىسىن ءبىلدىردى.

«بيىل ەلىمىزدە ۇلتتىق سپورت تۇرلەرىنەن الەم، ازيا چەمپيوناتتارى مەن رەسپۋبليكالىق تۋرنيرلەر، فەستيۆالدار جانە تاعى دا باسقا اۋقىمدى ءىس-شارالار وتكىزىلدى. مىڭداعان ادام ۇلتتىق سپورتپەن تۇراقتى تۇردە اينالىسادى. ەلىمىزدىڭ بارلىق وڭىرىندە ۇلتتىق سپورت مەكتەپتەرى مەن كلۋبتار جۇمىس ىستەيدى. بۇرىن اۋىل اراسىنداعى توي-مەرەكەلەردەن عانا تاماشالايتىن ۇلتتىق سپورتىمىزدىڭ بۇگىندە حالىقارالىق دەڭگەيگە كوتەرىلىپ، الەم نازارىن اۋدارا باستاعانى تاۋەلسىزدىك پەن بەيبىت كۇننىڭ ارقاسى» دەپ اتاپ ءوتتى قايرات ساتىبالدى ۇلى.

9

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ءوزىنىڭ قۇتتىقتاۋ سوزىندە مەملەكەتتىك ءتىل، مادەنيەت جانە ءداستۇردى بارلىق ۇلتتىق قۇندىلىعىمىزدى ساقتاي وتىرىپ قانا دامىتا الاتىنىمىزدى تىلگە تيەك ەتتى.   

«تاۋەلسىزدىك العالى بەرى ەلباسى، Nur Otan پارتياسىنىڭ توراعاسى نۇرسۇلتان نازارباەۆ ەڭ باستى قۇندىلىعىمىز – تىلىمىزگە، مادەنيەتىمىزگە، رۋحانياتىمىزعا باسىمدىق بەردى. سونىڭ ارقاسىندا ءتىل مارتەبەسى كوتەرىلىپ كەلەدى. ەندىگى ۋاقىتتا جاستاردى بۇقارالىق سپورتقا باۋلۋىمىز قاجەت. ونىڭ ەڭ ماڭىزدىسى – ۇلتتىق سپورت. ويتكەنى ول – حالىقتىڭ رۋحىن كوتەرەتىن ماڭىزدى شارا. كوپشىلىك قولداعان حالىق پارتياسى رەتىندە Nur Otan وسى باستامانى قولداپ كەلەدى. پرەزيدەنت قاسىم-جومارت توقاەۆ جاقىندا ۇلتتىق سپورت تۇرلەرىن جاڭعىرتۋعا قاتىستى ناقتى تاپسىرمالار بەردى. وسىعان وراي پارتيانىڭ ساياسي دوكتريناسىندا كوزدەلگەن قۇندىلىقتار – قازاق ءتىلى، رۋحانياتىمىز بەن ءدىلىمىز باسىم باعىتتارىمىزدىڭ ءبىرى بولىپ قالا بەرەدى» دەدى باۋىرجان بايبەك.

7

بيىلعى جىلدىڭ كۇزىندە Nur Otan پارتياسىنىڭ قولداۋىمەن، ەلىمىزدىڭ بىرقاتار وڭىرىندە ايتىس فەستيۆالدەرى ۇيىمداستىرىلدى. ايتىس ونەرىنىڭ دوداسى 16-17 جەلتوقساندا ورال قالاسىندا وتەتىن «التىن دومبىرا» رەسپۋبليكالىق فەستيۆالىندە ءوز مارەسىنە جەتەدى.

ايتا كەتەيىك، Nur Otan پارتياسى جانىنداعى «ميراس» رەسپۋبليكالىق قوعامدىق كەڭەسى مۇشەلەرىنىڭ باستاماسىمەن مەملەكەتتىك ءتىلدى دامىتۋ تەتىكتەرىن پىسىقتاۋ ءۇشىن ارنايى كوميسسيا قۇرىلعان بولاتىن. 

9

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

ۇقساس جاڭالىقتار