ۇكىمەت • 09 جەلتوقسان، 2019

كۇن تارتىبىندە – الەۋمەتتىك ماسەلەلەردى شەشۋ

36 رەتكورسەتىلدى

پرەمەر-ءمينيستردىڭ ورىنباسارى بەردىبەك ساپارباەۆ ەلورداداعى «جانۇيا» وتباسى ينستيتۋتىن قولداۋ ورتالى­عىن­دا ازاماتتاردى قابىلدادى.

استانا تۇرعىندارى مەدي­تسي­نالىق كومەك كورسەتۋگە، الەۋ­مەتتىك قىزمەتتەرگە، تۇر­عىن ۇيمەن جانە ءدارى-دارمەك­تەرمەن قامتاماسىز ەتۋگە، ەڭ­بەككە ورنالاستىرۋعا قاتىستى جانە باسقا دا پروبلەمالىق ماسەلەلەردى كوتەردى. 

ەگدە تارتقان مۇگەدەك انا­سىنا كۇتىم جاساپ وتىر­عان ەلەنا سولونيك الەۋمەت­تىك كومەك ورگاندارى ۇسىنا­تىن وڭالتۋ جانە گيگيەنا قۇ­رالدارى ساپاسىنىڭ تومەن­دىگىنە جانە ونىڭ ءوزى ۋا­قتىلى قامتاماسىز ەتىلمەي­تىنىنە شاعىمداندى.

«8 جىل بۇرىن ساتىپ العان اربامىز بىزگە بيىل بەرىلگەن مۇگەدەكتەر ارباسىنان الدە­قاي­دا ساپالى. گيگيەنا قۇرال­دارىن ءبىز كەشە عانا الدىق، ونىڭ ساپاسى دا تىم تومەن»، دەدى ە. سولونيك.

ۆيتسە-پرەمەر قالانىڭ جۇ­مىسپەن قامتۋ جانە الەۋمەت­تىك قورعاۋ باسقارماسىنا وسى ماسەلەنى شەشۋدى جانە مۇگەدەك جانداردى ساپالى وڭالتۋ مەن گيگيەنا قۇرالدارىمەن قامتا­ماسىز ەتۋدى تاپسىردى.

ء«بىز بۇل پروبلەما تۋرالى بىلەمىز. بۇل تەك ءسىز­دىڭ وتبا­سىڭىزعا عانا ەمەس، ەلى­مىزدەگى بارلىق مۇگەدەكتەرگە قاتىستى. سوندىقتان كەلەسى جىلدان باس­تاپ ءبىز الەۋمەتتىك قىزمەتتەر پورتالىن ىسكە قوسامىز. ول قازىر­دىڭ وزىندە اقتوبە وبلىسىندا قاناتقاقتى رەجىمدە جۇمىس ىستەپ جاتىر. وسى پورتال ارقىلى مۇگەدەك جاندار ءوز بەتىنشە كورسەتىلەتىن قىزمەتتەر مەن تەح­نيكالىق وڭالتۋ قۇرالدارىن تاڭ­داي الادى»، دەدى ب. ساپارباەۆ.

ن.اقان ءوزىنىڭ ۇلىنا مۇگە­دەكتىك توبىن بەرۋ ماسە­لە­سىن شەشۋدە كومەك كور­سەتۋدى سۇرادى. جاس جىگىتتىڭ جۇ­رە­گىنە كۇردەلى وپەراتسيا جاسال­عان، وعان تاعى وتا جاساتۋ كەرەك.

قاجەتتى تەكسەرۋلەر جۇر­گىزىپ، قو­ل­دانىستاعى زاڭناما شەڭ­بە­رىندە وسى ماسەلەنى شەشۋ دەن­ساۋ­­لىق ساقتاۋ جانە الەۋمەتتىك قور­عاۋ ور­گاندارىنا تاپسىرىلدى.

بۇل كۇنى ۆيتسە-پرەمەر بار­لىعى 12 ازاماتتى قابىلدادى. جۇ­­­گىنگەن ازاماتتاردىڭ بار­لىق وتىنىشتەرى مەن ۇسىنىس­تا­رىن تىڭداعان سوڭ بەردىبەك سا­­پارباەۆ تۇسىنىك بەرىپ، ءتيىس­تى مەم­لەكەتتىك ورگاندارعا زاڭ­ناما اياسىندا ماسەلەلەردى شە­شۋ­دە ىقپال كورسەتۋدى تاپسىردى.

 

 

سوڭعى جاڭالىقتار

شقو-دا قار كوشكىنى ءجۇردى

ايماقتار • بۇگىن، 17:25

بالالىق شاقتىڭ كورمەسى

قوعام • بۇگىن، 15:56

قىلقالامنىڭ ۇشىنداعى بۋراباي

ايماقتار • بۇگىن، 15:25

اقمولادا براكونەرلەر قۇرىقتالدى

ايماقتار • بۇگىن، 15:18

ۇلى حاكىم ۇلاعاتى ۇرپاققا ۇلگى

رۋحانيات • بۇگىن، 15:09

قازاقتىڭ تۇڭعىش ابايتانۋشىسى

رۋحانيات • بۇگىن، 14:24

انا ءتىلى – ارىم دەيتىن جاستار كوپ

قازاقستان • بۇگىن، 09:21

«اقىلعا ساۋلە قونباسا...»

قوعام • بۇگىن، 08:03

قاتىگەزدىك قايدان شىعادى؟!

قوعام • بۇگىن، 07:46

ۇقساس جاڭالىقتار