الەم • 09 جەلتوقسان، 2019

سەرىكتەستىك نىعايىپ كەلەدى

47 رەتكورسەتىلدى

قازاقستان پرەزيدەنتى قاسىم-جومارت توقاەۆتىڭ گەرمانياعا رەسمي ساپارى شەتەلدىك باسىلىمداردىڭ نازارىنان تىس قالعان جوق. جوعارى دەڭگەيدەگى ەكىجاقتى كەزدەسۋلەر مەن كەلىسىمدەر حالىقارالىق باق-تىڭ باقىلاۋىندا بولدى. سول جاريالانىمداردىڭ بىرقاتارىن «Egemen Qazaqstan» گازەتىنىڭ وقىرماندارىنا ۇسىنىپ وتىرمىز.

5

EurAsia Daily اق­پا­­رات­تىق اگەنتتىگى قازاق­ستان پرە­زيدەنتى مەن گفر كانتس­لەرى انگەلا مەر­كەل­دىڭ كەزدەسكەنىن حابارلاپ، ولار­دىڭ ەكونوميكالىق سەرىكتەس­تىك ماسەلەلەرىن تالقىلاعانىن جەتكىزدى. اگەنتتىك الەمدەگى ەڭ ۇلكەن ۇكىمەت شتابتارىنىڭ ءبىرى سانالاتىن فەدەرالدىق كانتسلەر ۆەدومستۆوسىنىڭ عيماراتى الدىندا بۋندەسۆەردىڭ باس وركەسترى قازاقستان مەن گەرمانيانىڭ ءانۇراندارىن ورىنداعانى، ارتىنشا ساپ تۇزەگەن قۇرمەتتى قاراۋىل روتاسى الدىندا فەدەرالدى كانتسلەر جانە قازاقستان پرەزيدەنتىنىڭ ءجۇرىپ وتكەنى، ەكى ەلدىڭ دەلەگاتسياسىنىڭ تانىسۋ جايىن باياندايدى. «شامامەن ءبىر جارىم ساعاتقا سوزىلعان كەلىسسوز بارىسىندا ەكى ەل اراسىنداعى سەرىكتەستىك، اسىرەسە ەكونوميكالىق قاتىناس ءسوز بولدى»، دەلىنگەن حالىقارالىق اگەنتتىك حابارىندا.

 

 2

يسپانيالىق Spain news اقپا­راتتىق اگەنتتىگى قاسىم-جومارت توقاەۆتىڭ پرەزيدەنت رەتىندە ەۋروپا وداعى بويىنشا العاشقى رەسمي ساپارىن گەرمانيادان باستاعانىن ايتىپ، مەملەكەت باسشىسىنىڭ «قازاقستان ءۇشىن وسى ەلمەن ىنتىماقتاستىقتى نىعايتۋدىڭ ماڭىزى زور» دەگەن ءسوزىن جاريالادى. وعان قوسا گەرمانيا قازاقستانعا تىكەلەي ينۆەستيتسيا سالۋشى ەلدەردىڭ تىزىمىندە 12-ورىندا ەكەنىن حابارلاي كەلە، قازاقستان پرەزيدەنتىنىڭ الداعى ۋاقىتتا قازاقستاننىڭ ءارتۇرلى سالاداعى 700-دەن استام جوبانى جەكەشەلەندىرەتىنى تۋرالى مالىمدەمەسى مەن بۇل جاڭالىقتىڭ ءوز كەزەگىندە گەرمانيالىق ينۆەستورلار مەن كومپانيالارعا جاقسى مۇمكىندىك بولاتىنىن جازادى.  سونىمەن بىرگە قازاقستاننىڭ گەرمانيا ينۆەستورلارى ءۇشىن ارنايى جەڭىلدىكتەر ۇسىنىپ وتىرعانىن دا حابارلايدى. اگەنتتىك حابارلاماسىندا گەرمانياعا ەكسپورتتالاتىن تاۋار كولەمىنىڭ سوڭعى 8 ايدا 21،4%، ياعني 2،258 ملرد ەۋروعا تومەندەگەنى دە نازارعا الىنعان.

 

3

Interfax حالىق­ارالىق اگەنتتىگى قاسىم-جومارت توقاەۆ پەن انگەلا مەركەلدىڭ جۋرنا­ليستەرمەن وتكىزگەن ءباسپاسوز ءماسليحاتىندا قازاقستاننىڭ ءدۋالدى ءبىلىم بەرۋ جۇيەسىندە نەمىس تاجىريبەسىن قولداناتىنى تۋرالى ايتىلعانىن حابارلايدى. وسىلايشا، اگەنتتىك  ەكى ەلدىڭ الداعى ۋاقىتتا ءبىلىم بەرۋ سالاسىندا ىنتىماقتاستىقتى جالعاستىراتىنىن جازادى.

 

4

ۆەستنيك كاۆكازا اقپا­راتتىق-ساراپ­تاما­لىق اگەنتتىگى قازاقستان پرە­زي­دەنتىنىڭ ساپار بارىسىندا Deutsche Welle ارناسىنا سۇحبات بەرگەنىن، وندا قاسىم-جومارت توقاەۆتىڭ گەرمانيا قازاقستاننىڭ ەۋروپاداعى نەگىزگى سەرىكتەسى، گەرمانيانىڭ ورتالىق ازيا ەلدەرىمەن جاسايتىن ساۋدا-ساتتىعىنىڭ 86 پايىزى قازاقستانعا تيەسىلى ەكەنىن ايتقانىن حابارلايدى. ودان ءارى قاسىم-جومارت توقاەۆ گفر پرەزيدەنتى فرانك-ۆالتەر شتاينمايەرمەن، گەرمانيانىڭ ەكس-كانتسلەرى گەرحارد شرەدەرمەن جانە گەرمانيالىق جەتەكشى بيزنەس وكىلدەرىمەن كەزدەسكەنىن، العاشقى كۇنى گەرمانيانىڭ ىسكەر توپتارىمەن بىرلەسكەن كەشكى اس ىشكەنىن حابارلايدى.

 

9

Eurasia Dia­ry اگەنتتىگى ق.تو­قاەۆ­تىڭ رەسمي ساپارى قازاقستان مەن گەر­مانيا سەرىكتەستىگىن نىعايتا تۇسەدى دەگەن تۇجىرىم جاسايدى. «گەرمانيا فەدەراتيۆتىك رەسپۋبليكاسىنىڭ كانتسلەرى انگەلا مەركەل كەزدەسۋ بارىسىندا قازاقستانمەن بەرىك ىنتىماقتاستىقتىڭ ورناعانىن، بۇعان دەيىن ەلباسى نۇرسۇلتان نازارباەۆپەن ءوزارا تۇسىنىستىكتە جۇمىس ىستەگەنىن اتاپ ءوتىپ، قاسىم-جومارت توقاەۆتىڭ ەكى ەل اراسىنداعى ىقپالداستىقتى جاڭا دەڭگەيگە كوتەرەتىنىنە سەنىم ءبىلدىردى، سونداي-اق كەلىسسوزدەردىڭ ناتيجەلى وتكەنىن ايتتى»، دەپ جازادى باسىلىم.

 

8

Belt and Road News Network حالىقارالىق مەديا اگەنتتىگى قازاقستان پرەزيدەنتى مەن گەرمانيانىڭ بۇرىنعى فەدەرالدىق پرەزيدەنتى حورست كيولەرمەن كەزدەسۋىنەن اقپارات تاراتتى. اگەنتتىكتىڭ جازۋىنشا، كەزدەسۋ بارىسىندا تاراپتار كەلەر جىلى نۇر-سۇلتان قالاسىندا وتەتىن دۇنيەجۇزىلىك ساۋدا ۇيىمى مينيسترلەرىنىڭ كونفەرەنتسياسىنا دايىندىق بارىسىن، قىتايدىڭ ء«بىر بەلدەۋ، ءبىر جول» جوباسى اياسىنداعى ىقپالداستىق شارالارىن، سونداي-اق الەمدەگى ساياسي احۋالدى تالقىلاعان.

 

9

The Latin American Herald Tribune جۋرنالى قاسىم-جومارت توقاەۆتىڭ رەسمي ساپارى ناتيجەلى وتكەنىن حابارلاپ، بىرقاتار كەلىسسوز جۇرگىزىلگەنىن جازادى. «وسى جىلدىڭ توعىز ايىندا قوس مەملەكەت اراسىنداعى تاۋار اينالىمى 1،3 ملرد دوللاردى قۇرادى. 2005 جىلدان باستاپ وسى جىلدىڭ ەكىنشى توقسانىنا دەيىن گەرمانيادان قازاقستانعا تارتىلعان تىكەلەي ينۆەستيتسيا كولەمى 5،2 ملرد دوللاردى قۇرادى. گەرمانيانىڭ قازاقستان ەكونوميكاسىنا ينۆەستيتسيالارىنىڭ 90 پايىزدان استامى شيكىزاتتىق ەمەس سەكتورعا تيەسىلى» دەي كەلە، بۇل ساپاردان كەيىن سەرىكتەستىك پەن ينۆەستيتسيانىڭ كولەمى ارتا تۇسەتىنىنە بولجام جاسايدى.

 

 

سوڭعى جاڭالىقتار

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

ۇقساس جاڭالىقتار