جۇزدەگەن التىن كەن ورىندارىن اشىپ بەتباقدالانى التىن دالاعا اينالدىرعان, كوزى تىرىسىندە-اق اتى اڭىزعا اينالعان د.دۇيسەنبەكوۆ الماتى وبلىسىنىڭ قاراتال اۋدانىندا تۋعان.
قازاق تاۋ-كەن ينستيتۋتىن (قازىرگى ق.ساتباەۆ اتىنداعى قازۇتۋ) بىتىرگەن. جەزقازعان كەن بايىتۋ كومبيناتىندا, تەكەلى گەولوگيالىق بارلاۋ جۇيەسىندە گەولوگ, اعا گەولوگ بولىپ ەڭبەك ەتىپ, 1966-1993 جىلدارى وڭتۇستىك قازاقستان التىن كەنىن بارلاۋ ەكسپەديتسياسىندا جۇمىس ىستەگەن. 1968 جىلى بەتپاقدالادا جۇرگىزگەن گەولوگيالىق ىزدەۋ جۇمىستارىنىڭ ناتيجەسىندە اقباقاي التىن كەنىن اشقانى عىلىمي ورتاعا ءمالىم. 1971-1978 جىلدارى وسى كەن ورنىندا الدىن الا بارلاۋ, جەتە بارلاۋ جۇمىستارىن جۇرگىزۋمەن قاتار ميرونوۆ ۆيسمۋت, كارەرنىي, بەسكەمپىر, اقساقال التىن كەندەرىنىڭ دە اشىلۋى تانىمال ەگولوگ ەسىمىمەن تىكەلەي بايلانىستى.
اقباقاي كەندى اۋدانىنىڭ گەولوگياسى, مينەرالوگياسى, پەتروگرافياسى تۋرالى زەرتتەۋلەرى بۇگىندە قازاق عىلىمىندا جوعارى باعاعا يە.
ەكى مارتە «ەڭبەك قىزىل تۋ» وردەنىمەن, مەدالدەرمەن ماراپاتتالعان گەولوگقا ارنالعان ەسكەرتكىش تاقتانىڭ اشىلۋىنا ەلىمىزدىڭ گەولوگيا سالاسىنىڭ, الماتى قالاسى اكىمدىگىنىڭ, «التىنالماس اك» اق كومپانياسىنىڭ وكىلدەرى, سونداي-اق د. دۇيسەنبەكوۆتىڭ سەرىكتەستەرى, ءىزباسارلارى مەن جاقىندارى جانە دە ۇلى تۇلعانىڭ جۇبايى قانتاي اپا دا قاتىستى. مەموريالدىق تاقتانىڭ اشىلۋ ساتىندە ەستەلىكتەر ايتىلىپ, قاتىسۋشىلار دۇبەك دۇيسەنبەكوۆتىڭ قاراپايىم دا, ونەگەلى دە ەرلىك جولىن تەبىرەنە ەسكە الدى.
الماتى
