كىتاپحانا قازاقستان مادەنيەتىنىڭ, ءبىلىمىنىڭ, عىلىمىنىڭ دامۋىنا ەلەۋلى ۇلەس قوسىپ, جوعارى دەڭگەيدە اقپاراتتىق قولداۋ كورسەتەدى, پايدالانۋشىلاردىڭ كىتاپحانا رەسۋرستارىنا, بارلىق تاراتىلاتىن اقپاراتتارعا اشىق قول جەتىمدىلىكتى ۇسىنادى.
ورتالىق عىلىمي كىتاپحانا 1932 جىلى كسرو عىلىم اكادەمياسىنىڭ قازاقستانداعى ءبولىمى نەگىزىندە قۇرىلعان.
كىتاپحانادا 6 وقىرمان زالى جۇمىس ىستەيدى, عالىمدارعا, عىلىمي قىزمەتكەرلەرگە, جوو وقىتۋشىلارىنا, ماماندارعا, ماگيسترانتتارعا, ستۋدەنتتەرگە جانە ت.ب. وقىرماندارعا قىزمەت كورسەتىلەدى.
كىتاپحانا قورلارى ۇلتتىق جانە شەتەل باسىلىمدارىنىڭ, ديسسەرتاتسيالاردىڭ, عىلىمي ەڭبەكتەردىڭ, قازاقستان عالىمدارىنىڭ جەكە كىتاپحانالارىنىڭ باي توپتامالارىنان تۇرادى. قوردىڭ كولەمى 5,0 ملن. استام كىتاپتى قۇرايدى.
سيرەك كىتاپتار, قولجازبالار جانە ۇلتتىق ادەبيەتتەر قورى 210 مىڭ داناعا جۋىق سيرەك كىتاپتاردى, قولجازبالاردى, فوتوكوشىرمەلەردى, ميكروفيلمدەردى, ديسسەرتاتسيالاردى, اۆتورەفەراتتاردى, قازاق تىلىندەگى كىتاپتاردى, تمد حالىقتارى تىلدەرىندەگى ادەبيەتتەردى جانە مەرزىمدى باسىلىمداردى قۇرايدى. سيرەك كىتاپتار مەن قولجازبالاردىڭ جالپى حرونولوگياسى: XII, XVI-XXI عع. (1940 جىلعا دەيىنگى) باسىلىمدار. عك الەمنىڭ 71 ەلىنىڭ 630 عىلىمي مەكەمەلەرىمەن سەرىكتەس بولا وتىرىپ, 1951 ج. باستاپ حالىقارالىق كىتاپالماسۋ (حكا) جۇرگىزەدى.
1983 جىلدان باستاپ كىتاپحانا ءوز الدىنا كىتاپحانالىق-بيبليوگرافيالىق ۇردىستەردى اۆتوماتتاندىرۋ بويىنشا جۇمىس جۇرگىزىپ كەلەدى. عىلىمي كىتاپحانادا MarcSQL اۆتوماتتاندىرىلعان اقپاراتتىق كىتاپحانالىق جۇيە (ااكج) باعدارلاماسىمەن جۇمىس ىستەيدى. عىلىمي كىتاپحانا ءوزىنىڭ ساندىق كىتاپحانا ۇلگىسىن جاساۋشى بولىپ تابىلادى, وندا 1 مىڭنان استام سيرەك بىرەگەي باسىلىمداردىڭ اتاۋلارى, 40 جەكە دەرەكقورى, قازاقستان عالىمدارى ەڭبەكتەرىنىڭ ەلەكتروندىق توپتامالارى بار.
ورتالىق عىلىمي كىتاپحانا عىلىمي جۋرنالدار باسپالارىنىڭ دەرەكقورىنا; Science Direct پلاتفورماسىنداعى Elsevier باسپاسىنىڭ ەلەكتروندىق رەسۋرستارىنا (سوڭعى بەس جىلدىقتا 2 مىڭنان استام جۋرنالدان تۇراتىن 23 تاقىرىپتىق توپتاما), 40 ملن. جازۋدان تۇراتىن جاريالانىمداردىڭ دايەكسوز الۋ يندەكسى بار Scopus جالپى عىلىمي رەفەراتيۆتەر بازاسىنا, رەسەي مەملەكەتتىك كىتاپحاناسىنىڭ (رمك) عىلىمي ديسسەرتاتسيالارىنا, e-library تولىقماتىندى عىلىمي قۇجاتتارىنا, Thomson-Reuters, Springer باسپاسىنىڭ Web of Knowledge دەرەكقورىنا قول جەتكىزۋگە مۇمكىندىك بەرەدى. كىتاپحانادا قاشىقتىقتان قىزمەت كورسەتۋ – قۇجاتتاردى ەلەكتروندىق جەتكىزۋ (قەج) قىزمەتى ەنگىزىلىپ, ءتيىمدى قولدانىلىپ كەلەدى.
ورتالىق عىلىمي كىتاپحانا رەسپۋبليكانىڭ عىلىمي-بيبليوگرافيالىق قىزمەتىنىڭ ورتالىعى رەتىندە عىلىمي بيبليوگرافيالىق, اقپاراتتىق ماتەريالداردى دايىندايدى, 4 بيبليوگرافيالىق: ونىڭ ىشىندە «قازاقستان عالىمدارىنىڭ بيوبيبليوگرافياسى», « ۇلى تۇلعالار», «قازاقستان جانە الەمدىك قاۋىمداستىق», «كىتاپحانا ءىسىنىڭ كورنەكتى قايراتكەرلەرى» سەريالارى بويىنشا زياتكەرلىك مەنشىك سەرتيفيكاتتارىنا يە.
ورتالىق عىلىمي كىتاپحانا – قر بعم عىلىمي-زەرتتەۋ مەكەمەلەرىنىڭ جانىنداعى 14 كىتاپحانانى قامتيتىن كىتاپحانالار تورابىنىڭ ورتالىعى.
عىلىمي كىتاپحانا عىلىم اكادەميالارىنىڭ حالىقارالىق قاۋىمداستىعىنىڭ (عاحا), قر كىتاپحانالار قاۋىمداستىعىنىڭ, قازاقستان كىتاپحانالارىنىڭ اقپاراتتىق كونسورتسيۋمىنىڭ مۇشەسى بولىپ تابىلادى.
الماتى
