بىرنەشە جىل بويى ولار ەلىمىزدىڭ شىعارماشىل جاستارىمەن ءوز تاجىريبەلەرىمەن جانە داعدىلارىمەن ءبولىسىپ وتىردى.
بيىلعى جىلى «جاسSTAR» فەستيۆالىنە ون جىل تولدى. وسى ۋاقىتتىڭ ىشىندە تۇڭعىش پرەزيدەنتتىڭ قورى مادەنيەت جانە كرەاتيۆتىك يندۋستريا سالاسىندا بىرقاتار جاس مامان ساڭلاقتارىن ءوسىرىپ-تاربيەلەدى. فەستيۆالدىڭ ارقاسىندا كوپتەگەن قاتىسۋشىلار كاسىبي ونەر الەمىنە جول اشتى. ال جوبا قازاقستاننىڭ دارىندى جاستارىن جينالاتىن ورتالىعىنا جانە وڭتۇستىك استانانىڭ ۆيزيتتىك بەلگىسىنە اينالدى.
سۇيىكتى فەستيۆالدىڭ ونجىلدىعىنا بايلانىستى, الماتى قالاسىنىڭ باس كونتسەرت زالىنىڭ ساحناسىندا رەسپۋبليكانىڭ شىعارماشىل جاستارى «Broadway musical show» اتتى ۇلكەن شوۋ ۇسىنادى. «جاسSTAR» فەستيۆالىنە قاتىسۋشىلار, تۇڭعىش پرەزيدەنت قورىنىڭ لاۋرەاتتارى, گرانتتار مەن ستيپەنديالارىنىڭ يەگەرلەرى الەمدىك ميۋزيكلداردىڭ حيتتارىن ورىندايدى.
ميۋزكل تاڭدانارلىق سۇلۋلىعىمەن قاتار, كۇردەلى ساحنالىق جانردىڭ ءبىرى بولىپ تابىلادى. ميۋزيكل قويىلىمى مۋزىكا, حورەوگرافيا جانە تەاتر ونەرىمەن ۇندەسەدى. وسىنداي ءبىر شوۋدىڭ شىعارماشىلىق باعىتتاعى سينتەزى ءورشىل ءارى دارىندى جاس مادەنيەت قايراتكەرلەرى ءۇشىن زور سىن-تەگەۋرىنگە اينالدى. ولار «جاسSTAR» فەستيۆالىنەن العان اسەرلەرى مەن شابىتتارىن 12 قاراشادا كورسەتەدى.
«Broadway musical shows» كونتسەرتى - قوردىڭ شىعارماشىل جاستارمەن تابىستى جۇمىسىنىڭ كەزەكتى ناتيجەسىن كورسەتەتىن تۇساۋكەسەرى. كەلەسى جىلدان باستاپ «جاسSTAR» فەستيۆالى ءوزىنىڭ دامۋىندا جاڭا بەلەستەردى باعىندىراتىن بولادى.
الماتى
