رۋحانيات • 07 جەلتوقسان، 2019

«ەل بىرلىگى – 2019» ماراپاتتاۋ سالتاناتى ءوتتى

30 رەتكورسەتىلدى

«جاستارعا جول» قوعامدىق قورى «قازاقستاننىڭ بالالار ءۇيىنىڭ تۇلەكتەرى قاۋىمداستىعىمەن» بىرلەسىپ  «قوعامدىق ماڭىزى بار باستامالار» قورىنىڭ قولداۋىمەن جىل سايىنعى «ەل بىرلىگى – 2019» ماراپاتتاۋ شاراسىن وتكىزدى. سالتاناتتى شارا بارىسىندا بالالار ءۇيىنىڭ تۇلەكتەرىنە تاكەلەي قولداۋ ءبىلدىرىپ جۇرگەن مەكەمەلەر باسشىلارى ماراپاتتالدى.

قاۋىمداستىق جاستار جىلى اياسىندا اشىلىپ، قازىرگى كەزدە بالالار ءۇيى تاربيەلەنۋشىلەرىنىڭ الەۋمەتتەنۋى باعىتىندا يگى شارالاردى جۇزەگە اسىرىپ كەلەدى. ەرەسەك ومىرگە قادام باسقان جاستاردىڭ ءبىلىم الىپ، جەكە كاسىپ اشۋىنا قولداۋ كورسەتىپ جۇرگەن قاۋىمداستىق ەلىمىزدىڭ بارلىق ايماقتارىندا بەلسەندى. قاۋىمداستىق پرەزيدەنتى رافاەل گاسانوۆ قازىرگى كەزدە بارلىق مەملەكەتتىك ورگاندارمەن بايلانىس ورناتىپ، ۇلكەن ومىرگە قادام باسقان جاستاردى قولداۋعا باعىتتالعان جوبالاردىڭ ۇزدىكسىز جۇزەگە اساتىندىعىن جەتكىزدى.

سالتاناتتى شاراعا قاتىسقان پارلامەنت ءماجىلىسىنىڭ دەپۋتاتى ي.سميرنوۆا قوعامدا بالالاردىڭ بالالىق شاعى ەرەكشە قورعالۋى قاجەت دەپ اتاپ ءوتتى. ولارعا ءبىلىم الۋعا، ەركىن ءارى باقىتتى ءومىر سۇرۋگە بار جاعدايلار جاسالۋى قاجەت. بىراق بۇل ماسەلەگە وكىنىشكە وراي ءبىز تۇراقتى كوڭىل بولە الماي كەلەمىز. مۇنداي قاۋىمداستىقتار قوعامعا قاجەت. جاستارىمىز قاي سالادا الساق تا قولداۋعا ءزارۋ. بۇگىندە قوعامدا وزىنە-ءوزى قول جۇمساۋ، جۇمىسسىزدىق، ت.ب. ماسەلەلەر ءجيى بەلەڭ الۋدا. وسى تۇرعىدا جاستاردىڭ گرانت الىپ، ارى قاراي ءوز كاسىبىن اشۋ، جۇمىسقا ورنالاسۋىنا مەملەكەت تىكەلەي قولداۋ كورسەتۋى ءتيىس. ءارى بۇل باعىتتا قوعامدىق ۇيىمداردىڭ قولداۋى، جەرگىلىكتى جەرلەردە كورىنىس تاپقان كۇردەلى ماسەلەلەردى شەشۋگە ىقپال ەتۋى اسا ماڭىزدى. قازاقستاننىڭ بالالار ءۇيى تۇلەكتەرى قاۋىمداستىعى وتكىزگەن شارا بارىسىندا تۇيتكىلدى ماسەلەلەردىڭ شەشىلۋىنە قولداۋ كورسەتكەن مەملەكەتتىك ورگاندار ماماندارى ماراپاتتالدى.

 

الماتى

 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار