رۋحانيات • 06 جەلتوقسان، 2019

قازاقتىڭ مۋزىكالىق ارحەولوگياسىنىڭ دامۋ جولدارى تالقىلاندى

118 رەتكورسەتىلدى

قازاقتىڭ مۋزىكا اسپاپتارى  ۇرپاقتان-ۇرپاققا بويى ميراس بولىپ جەتكەن، كونەدەن كەلە جاتقان مادەني مۇراسى. الماتىداعى ىقىلاس اتىنداعى حالىق مۋزىكالىق اسپاپتار مۋزەيىندە  « ۇلى دالانىڭ جەتى قىرى» ماقالاسى مەن «رۋحاني جاڭعىرۋ» باعدارلاماسىن  جۇزەگە اسىرۋ ماقساتىندا  «ارحەولوگيالىق قازبا جۇمىستارىنان تابىلعان كونە مۋزىكالىق اسپاپتار: جينالۋ جانە زەرتتەلۋ ماسەلەلەرى» تاقىرىبىندا وتكەن حالىقارالىق عىلىمي-تاجىريبەلىك كونفەرەنتسيا بارىسىندا ۇلتتىڭ مۋزىكا مۇراسىنىڭ بۇگىنى مەن كەلەشەگى تالقىلاندى.

ءىس-شارا بارىسىندا ماماندار سونىمەن بىرگە دۇنيە ءجۇزى  ەلدەرىندەگى مۋزىكالىق ارحەولوگيانىڭ زەرتتەلۋ ماسەلەلەرى، ەلىمىزدەگى مۋزەيلەر قورىنداعى ارحەولوگيالىق مۋزىكالىق اسپاپتاردىڭ ساقتالۋ دەڭگەيى جانە ولاردى قايتا قالپىنا كەلتىرۋدىڭ ادىستەرىن جۇيەلەۋ تاقىرىبىن ورتاعا سالدى. 

«قازىرگى تاڭدا مۋزىكالىق ارحەولوگيانى ءوز ەلىمىزدە كەنجە قالعان عىلىم سالاسى دەۋدەن ەش قاتەلەسپەيمىز دەگەن سالا ماماندارى قازاقستانداعى مۋزىكالىق ارحەولوگيانىڭ نەگىزگى پروبلەمالارى جانە دامىتۋ ماسەلەلەرىن تالقىلادى.  مۋزىكالىق ارحەولوگيا  قازبا جۇمىستارىنان تابىلعان مۋزىكالىق اسپاپتاردى زەرتتەيتىن مۋزىكاتانۋ عىلىمىنىڭ ءبىر سالاسى دەيتىن بولساق، سوڭعى جىلدارى ەلىمىزدە جانە كورشى مەملەكەتتەردە ارحەولوگيالىق قازبا جۇمىستار بارىسىنان تابىلىپ جاتقان مۋزىكالىق اسپاپتار وسىعان دالەل بولا الادى» دەيدى ىقىلاس اتىنداعى حالىق اسپاپتار مۋزەيىنىڭ عىلىمي قىزمەتكەرى ابزال سۇلەيمەنوۆ.

كونفەرەنتسياعا ەلىمىزدىڭ مۋزەيلەرى مەن عىلىمي-زەرتتەۋ ورتالىقتارىنان كەلگەن ارحەولوگ جانە ەتنولوگ ماماندار، عىلىمي قىزمەتكەرلەر جانە شەت ەلدەن كەلگەن عالىمدار قاتىستى.

«قازاقستاننىڭ مۋزىكالىق ارحەولوگياسى تەرەڭىرەك زەرتتەۋدى تالاپ ەتەدى. بۇل عىلىم ارقىلى بولاشاقتا كوپتەگەن جاڭالىقتار مەن سەنساتسيالار اشىلاتىنى ءسوزسىز. سوندىقتان مۋزىكالىق ارحەولوگيانىڭ قازىرگى تاڭنان باستاپ دامۋى ءبىزدىڭ تاريحىمىز بەن مادەنيەتىنىمىزدىڭ دامۋىنا زور ۇلەس قوساتىنى انىق» دەگەن كەلەلى ماسەلەنى قوزعاي وتىرىپ، ماماندار كونە مۋزىكالىق اسپاپتارعا كەشەندى زەرتتەۋ جۇرگىزۋ، مۋزەي قورىنا ارحەولوگيالىق قازبالار ناتيجەسىندە تابىلعان كونە مۋزىكالىق اسپاپتاردى جيناۋ، شەبەرلەرگە كونە مۋزىكالىق اسپاپتاردىڭ كوشىرمەسىن جاساتۋ، مۋزىكالىق ارحەولوگيا عىلىمىن قوسىمشا عىلىمدارمەن ينتەگراتسيالاۋعا بايلانىستى قارار قابىلداندى.

كونفەرەنتسيانىڭ سوڭىندا قاتىسۋشىلارعا سەرتيفيكاتتار تابىستالدى.

الماتى

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار