رۋحانيات • 06 جەلتوقسان، 2019

ماڭعىستاۋدا اسسامبلەيا «جىگىت سۇلتانى» بايقاۋىن وتكىزدى

161 رەتكورسەتىلدى

اقتاۋدا «دوستىق» ۇيىندە وبلىستىق قازاقستان حالقى اسسامبلەياسىنىڭ «جىگىت سۇلتانى - 2019» بايقاۋى ءوتتى. بۇل تۋرالى اسسامبلەيا حاتشىلىعىنىڭ ءباسپاسوز قىزمەتى حابارلادى.

قازاقتىڭ سالت-داستۇرلەرىن، ۇلتتىق قۇندىلىقتارىن ناسيحاتتاۋ، ەتنوس جاستارىن قازاق ەلىن، جەرىن قۇرمەتتەۋگە، وتانشىلدىققا، باتىرلىققا، شىنشىلدىققا تاربيەلەۋ ماقساتىنداعى بايقاۋعا ەتنوس جاستارى قاتىستى.

بايقاۋعا ونەرلى، بويىندا اقىندىق قاسيەتتەرى بار تالانتتى 8 جىگىت قاتىستى. ولاردىڭ ءبىرى قازاق حانى ابىلاي حاننىڭ باتىرلىعىن بەينەلەسە، ءبىرى ۇلى اقىن ابايدىڭ ولەڭدەرىن، قارا سوزدەرىن جاتقا مانەرلەپ وقىدى. بايقاۋ بارىنشا تارتىمدى دا، تارتىستى ءوتتى.

مۇنداي شارالاردى ەتنوس جاستارى اراسىندا كوپتەپ وتكىزۋدىڭ تاربيەلىك ءمانى زور. بايقاۋ جاستاردى جىگەرلىلىك پەن ۇستامدىلىققا، تاپقىرلىق پەن اقىلدىلىققا، ىزگىلىك پەن پاراساتتىلىققا تاربيەلەيدى.

بايقاۋ قورىتىندىسى بويىنشا ءىىى ورىندى قاراقالپاق ۇلتىنىڭ ۇلى ارزيەۆ بەكبولات، ءىى ورىندى ءازىربايجان وعىلانى الىەۆ راۋل، ءى ورىندى تاتار ۇلتىنىڭ وكىلى ەرجان المير يەلەندى. جەڭىمپازلارعا ارنايى ديپلومدار مەن اقشالاي سىيلىقتار تابىستالدى.

ءىس-شارا ارى قاراي وڭىرلىك اسسامبلەيا شىعارماشىلىق توپتارىنىڭ كونتسەرتتىك باعدارلاماسىمەن جالعاستى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار